رواية ( عشق الصقر ) الجزئين .. سلسلة عذاب العاشقان

الفصل 14 ( الجزء الثانى )

كل سنة وانتم طيبين يا احلى متابعين وعيد مبارك عليكم يارب 😍💜

الفصل 14

#عشق_الصقر ٢
#سلسلة_عذاب_العاشقان
#بقلمى_شهد_طارق

ردت على الفور وبعد ثوان اتسعت عينيها قائلة بعصبية مفرطة : يعنى ايه فادى مختفى بقالوا يومين انتى بتقولى ايه ، واعية بتقولى ايه يا سهيلة وأكملت بعصبية اكثر و اكثر  .. واعية ..

اغلقت الهاتف على الفور ..

وأسرع صقر قائلا : فى ايه يا شهد ..

التفت حول نفسها بجنون قائلة  : فادى، فادى بقالوا يومين مختفى و تليفونوا مقفول، مختفى عارف يعنى ايه مختفى ..

امسكها سريعا من اكتافها ليحكمها قائلا : اهدى يا شهد اكيد هو كويس ، يمكن حب يختفى عن الكل او اى حاجة ..

افلتت نفسها منه قائلا بحزم : عايزة أرجع دلوقتى  ..

نظر لها بصدمة قائلا : دلوقتى ايه يا شهد انتى عارفة الساعة كام ، اهدى كدة و اول ما الصبح يطلع هنرجع على طول ..

اكملت بنفس الجنون قائلة : صبح انت عايزنى يطلع عليا الصبح و انا معرفش عنه حاجة وانا عارفة انه مختفى ..

وقبل ان يتحدث صقر  تقدم يوسف قائلا  بخبث : ومالك خايفة عليه كدة ليه مش للدرجادى يعنى ، واضح انه غالى عليكى اوى ..

قاطعته بصوت جهورى : يوووسف اسكت خالص مش وقتك اقسملك لو نطقت حرف كمان هنسى انك ابن خالتى خاالص فاهم ..

اقتربت روان و أمسكت اكتافها لتهدئها قائلة : اهدى يا شهد انشاء الله يكون كويس ..

ابتعدت عنها لتقف امامهم جميعا قائلة بصوت جهورى مقهور : لا مش ههدى انتو مش عارفين فادى عندى ايه ، فادى اكتر من اخويا ، فادى اللي عيشت معاها اكتر من ٥ سنين فى اكتر وقت كنت  محتجاكوا جمبى و للأسف كنت انا بعيد عشان احمى جوزى عارفين كام مرة منعنى من الانتحار لانى كنت محتاجاك ..  اشارات لصقر  و اكملت قائلة :  درسنا و اشتغلنا و عملنا كل حاجة لوحدنا كل واحد فينا مكنش جمبه حد ، عرفتوا فادى عندى ايه ..

نظرت لهم بألم واستدارات لتأخذ نفس عميق و قالت بخفوت : انا هرجع دلوقتى وانتو ارجعوا الوقت اللي انتو عايزينه و الحرس هيفضلوا معاكوا ..

جاسم .. جاسم ..

جاء جاسم مسرعا ووقف بإحترام قائلا : امرك يا هانم ..

_ جهز العربية عقبال ما اجى بسرعة ..

وذهب مسرعا كما قالت و التفت هى لزوجها نظرت له ولكن لم تفهم نظرته حتى قالت بضعف : هتيجى معايا ..

نظر لها قائلا بنبرة تهكمية : ليه هو انا ليا لازمة ..

_ ليك لازمة ! انت شايف كدة .. تمام ..