رواية ( عشق الصقر ) الجزئين .. سلسلة عذاب العاشقان

الفصل العاشر ( الجزء الثانى)

الفصل العاشر ..

#عشق_الصقر ٢
#سلسلة_عذاب_العاشقان
#بقلمى_شهد_طارق

جاءت شمس يوم جديد ولكن كيف سيكون ليلها لنرى ..
استيقظت شهد من نومها العميق ونظرت بجانبها لتجد حبيب روحها مازال نائم نظرت له بعشق ونهضت من على الفراش و خرجت من الغرفة بهدوء ..
نزلت لاسفل و بلغت جميع الحرس أن يظلوا  بالخارج لأنها تريد الجلوس فى حديقة الفيلا دون ازعاج ..

ظلت تمشي وهى تتحدث بداخلها قائلة : هتفضلى كدة لغاية امتى يا شهد .. هتفضل لغاية امتى فى تحدى و صراع والم .. لغاية امتى .. هتفضلى لغاية امتى تخوفيه عليكى .. مش كنتى وعدتيه انكم تعيشوا فى هدوء .. وخلفتى بوعدك ..

وقفت لثوان وظلت تنظر للسماء و تتكلم بنبرة تملؤها الرجاء :  يارب احفظنى انا وهو ولا انا اقدر اعيش من غيره ولا هو يقدر يعيش من غيرى ..

وفجأة شعرت بيدين تلتف حولها و رأسه يدفنها فى عنقها ليشتم عبيرها العاشق له

صقر : صباح الخير يا شوشتى ..

شهد بتنهيدة : صباح الفل يا قلبها ..

صقر : مالك مصحتنيش ليه ..

شهد : مفيش قولت اسيبك نايم شوية وقولت اتمشى فى الجنينة شوية ..

صقر : مالك يا شهد ..

شهد : هتصدقنى لو قولتلك معرفش .. هتصدقنى لو قولتلك أن قلبى واجعنى اوى و نفسى يرتاح شوية .. هتصدقنى لو قولتلك أن نفسي ابعد عن الناس كلها و اعيش لوحدى اعيش مع روحى معاك انت وبس مش عايزة اشوف حد تانى .. مسكت قلبها بعنف وقالت بقهر .. ايه مش من حقه يرتاح شوية .. ولا هو مش هيرتاح الا بالموت ولا ايه ..

أدارها سريعا له و ضمها إليه بقوة قائلا : وحياتك عندى لو عايزة ابعد عن الدنيا كلها والله ومش كلام هبعد واخدك نعيش فى اى حتة بعيد عن الكل لو انتى عايزة دة ..

ابتعدت عنه قليلا بهدوء و نظرت داخل عنيه و ابتسمت بضعف قائلة : بس شهد مش ضعيفة صح .. شهد بس بتحبك اوى لا كلمة حب ديه قليلة اوى .. شهد عاشقة ليك .. شهد خايفة عليك .. شهد خايفة تزهق منها ومن مشاكلها ..

ضمها إليه مرة ثانية بقوة قائلا بعتاب عاشق :  بس بس ازهق منك ايه فى حد بيزهق من روحه من حياته ..

شهد : ممكن لو روحه و حياته مزهقاها ..

صقر : يبقى قلبه دة ميعرفش الحب و العشق يا شهد ..
انا جمبك عمرى ما افكر اسيبك ..

شهد : وشهد قوية بيك انت ..

اشتد من ضمها بقوة أكبر ودلفوا إلى الفيلا، ابدلوا ملابسهم و جلسوا سويا على الطاولة ..

اخذت نفس عميق وقالت : هتيجى معايا انهاردة التصوير ..

صقر : التصوير هيبتدى الساعة كام ..