رواية ( عشق الصقر ) الجزئين .. سلسلة عذاب العاشقان

الفصل 12 ( الجزء الثانى )

كتير منكم بيقولوا فين اولاد صقر و شهد انا وضحت قبل كدة انها سيباهم عند والدتها عشان ميعشوش معاها اللي بيحصل ولأن كلمتها هتقدر تخلى بالها منهم اكتر ..
دة كان توضيح بس بردوا هيبقى ليهم دور لسه شوية اصبروا بس 😌
ويلا اسيبكم مع الفصل الجديد  ..

الفصل ال ١٢ ..

#عشق_الصقر ٢
#سلسلة_عذاب_العاشقان
#بقلمى_شهد_طارق

صقر بحدة : ال سمعتيه مفيش حاجة اسمها شغل .. لما اختفيتى زمان ٦ سنين و رجعتى مخرجة كبيرة و مشهورة .. قولت بلاش توقف ادام حلمها و سيبها تكمل .. ودة الحصل .. الاقى ناس اتهجمت عليكى و قطعت فى جسمك وسكت و متهورتش مع انى كنت ممكن اجيبه و اعرفه العذاب على حق و ادفنه ولا حد يعرف ..
عربيتك تنفجر ادامك و تخليكى هتدخلى فى حالة انهيار عصبى وسكت .. انهاردة واحدة اضرب دماغك فى الحيط و الله و اعلم ايه تانى يحصل لا كدة حلو اوى .. اصل انا مش هستنى لغاية ما تجيلى ميتة .. فاهمة مش هستنى ..

اغرقت عينيها بالدموع لان للأسف كل حديثه صحيح حاولت أن تتحدث ولكن ضمها اليه قائلا بهمس :  مش هنتكلم فى الموضوع دة نهائى .. يلا اطلعى ارتاحى قبل معاد السفر ..

وبالفعل لم تقدر على الحديث وصعدت معه حتى غرفتهم و نامت على فراشهم وهى تبكى فى صمت ..

جلس بجانبها وهو يمسح دموعها بأنامله قائلا : بتعيطى ليه ..

شهد : مش عارفة .. انا ولا عارفة و لا فاهمة حاجة ..

صقر : من انهاردة ريحى دماغك ديه شوية .. خلاص مفيش خطط مفيش تعب مفهوم ..

شهد بسخرية ممزوجة بدموع : تفتكر ..

صقر : أيوة مش هفتكر لأن دة ال هيحصل ..

شهد : زهقت صح ؟!

صقر بسخرية : زهقت !! دة ال فهمتيه زهقت .. أيوة انا زهقت و قرفت حلو كدة ..

نهض ودلف للشرفة وهو مصدوم للغاية من تفكيرها ..
_________________________________
جفى النوم عينيها ،  كانت مغمضة عينيها وتحاول الذهاب إلى عالم آخر ولكن لم تستطيع ..

يجلس بطلنا فى الشرفة وهو يدخن بشراهة كم يشعر انه مكبل ،  لم يعرف هل ما يفعله خطأ ام لا ولكن ليس لديه المقدرة ان يتحمل خوفه عليها أكثر من ذلك ليس لديه القدرة ان يراها تتعذب مرة أخرى ..

بعد ٣ ساعات ..

دلف للغرفة مرة أخرى وهو يحاول ان يقوظها ولكن على يقين انها لم تغفو ،  جلس بجانبها وامسك بيديها وقبلها قائلا بهمس : شهد يلا حبيبتى عشان منتأخرش، اصحى يلا ..

فتحت عينيها بهدوء و قالت : انا مانمتش اصلا .. يلا عشان منتأخرش ..

نهصت واعدلت فى جلستها بجانبه والتفت له قائلة وهى تنظر فى عنيه بقوة  :  انا مش زعلانة ، انا متلخبطة اوى ، مقدرش ازعل منك انت حبيب روحى يا صقر ، استحملنى لغاية ما ارجع لطبيعتى تانى ، عشان خلاص حبيبتك تعبت اوى اوى والله ، بتحاول تبقى اقوى عشان مش عيزاك تشوفها ضعيفة ، مرات صقر مينفعش تبقى ضعيفة ..