" هناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولا بدّ أن يقوم على أنقاضه شيء آخر." فحارب هذا الشعور ولا تدعه يسيطر على حياتك فأما ستنتصر أو ستموت لا يوجد حل آخ...
نهار يوم جديد في أثينا صوت عصافير وصوت أحصنة ونور الشمس داخل من الشباك كل ده صحيت عليه ، فتحت عيني وانا نايم علي السرير وبدأت استرجع ذكريات أمبارح ترويضي للتنين الأحمر وبعد كدة اسكتشافي لقدرتي علي اني اتحكم في الماء واني اقدر اشفي نفسي برده بالماء وازاي في ثانية بتعويذة من اربع مقاطع عرفت اعمل دوامة ماية في ايدي كان شيء في منتهي الخيال ومن المستحيل يجي في دماغ حد أساساً . قومت نشيط علي غير عادتي ودخلت خدت دش ولبست لبس الي تحسه ملكي شوية عبارة عن بنطلون اسود وبلوزة بيج من عند الرقبة عبارة عن رباط ودخلتها جوا البنطلون وبوط طويل اسود وسرحت شعري البني الغامق ورفعته لفوق وخرجت متجه لاوضة أيفرا ، خبطت خبطتي المعتادة خبطة ليها رنة معينة سمعتها بتقولي: ادخل يا فهد . دخلت لقيتها قاعدة قدام مراية عريضة وطويلة بتسرح شعرها وبصيتلي في المراية وكانت لابسة فستان ابيض وفي حزامين دهب من علي البطن ولابسة عدد من الاسورة في ايديها الأتنين.
Oops! This image does not follow our content guidelines. To continue publishing, please remove it or upload a different image.
ابتسمت وقالت : أهلا بمسخر الماء. فوقت من سرحاني فيها ورديت بضحك : - ههههه بطلي تريقة لو سمحتي . - مش بتريق مانت مسخر ماء فعلا ، المهم أنا جهزت يلا ننزل البحيرة علشان تتدرب علي تعاويذ تانية. - فين الكتاب الي قولتي عليه ؟ - أهو قامت وراحت ناحية السرير وخدت كتاب من عليه وشاورتلي انه يلا فمشينا مع بعض وخرجنا من الاوضة ومن القصر كله كانت هتمشي قولتلها استني عاوز اجرب حاجة ، وقفت وقولت جوايا : التنين الأحمر . فضلت شوية مستني اشوف في اي تغير ملقتش حاجة قولت خلاص يبقي أيفرا كانت بتتكلم بهزا.. مكملتش الجملة لأني سمعت صوت جناحات فوقي وبدأت تنزل ووقف ورايا كنت فاتح بوقي من الدهشة أساسا وفوقت علي أيفرا بتهزني : - فهد أنت ناديته ؟ - امم احم احم أه انا الي ناديته تعالي يلا نخليه يودينا البحيرة . - إيه ده ؟ بجد واووو أنا أول مرة اركب تنين لا وكمان الاحمر يلا يلا . - هههههه طيب اهدي اهدي هتركبي والله ، يلا بينا . نطيت علي ضهر التنين وبعد كدة مديت ايدي ليها مسكتها وشدتها علشان تطلع وطبعا هو عرف رايحين فينا وطار .. كنت حاسس بحماس أيفرا ورايا وشايف ابتسامتها ، كانت بريئة جدا توقعك في سحرها في ثانية وتحبها !! ، لا اكيد مش بحبها لا عادي ، ثانية بجد معقولة حبيتها ؟!! هي فعلا تتحب جدا ب.. قطع تفكيري نزول التنين عند البحيرة نزلت وساعدت أيفرا وبعد كدة افتكرت حاجة وروحت ناحية التنين واكلمت : تصدق محتاج اسميك اسميك ايه ؟ اسميك امممم لقيته هسميك كورو اسم غريب بس يليق عليك . افتكر الاسم ده ك و ر و . بصلي ولوهلة حسيت انه هز دماغه وبعد كدة طار . فتحنا الكتاب انا وأيفرا وبدأنا بقي قراية .
