الفصل الثاني عشر :
كان مكتوب في الجواب :
فهد هيكل ,...
لو بتقرا الجواب ده دلوقتي يبقي أنا مش في أثينا يا با اما هكون رجعت مكاني وزمني يا أما هكون مت، فهد أنا لقيت الطريقة الي تعرف ترجعك تاني زمنك المكعب الي هتلاقيه عندك جنب الجواب هو ده الي هتقدر ترجع بيه عبارة عن مكعب طاقة غريب أنا حتي مش فاهم بيتكون من ايه وازاي هو مكتوب كل حاجة في ورق بس مش فاهم بس لازم علشان يشتغل يكون معاك حجر الياقوت
فبص يافهد علشان تفهم كويس أنت دلوقتي في عالم موزاي لعالمك الحقيقى ، لما نزلت البحر الحلقة الي تحت كانت مصنوعة من مواد شبه المواد الي مصنوع منها المكعب الي معاك وكذلك التمثال بتاعي ولما جمعت الطاقة بتاعة نور الفلاش لحظك أشتغلت تاني ونقلتك للعالم الموازي الي انت فيه دلوقتي ، زي برده ما حصل مع التمثال الي خدته من منطقة التنقيب بس خلي بالك أنا مش عارف لما أختفيت من العالم بتاعك حصل ايه وهل هيكون في حد مكانك ولا لا بس هتلاقي ورق كتير عندي خدته من أوضة الملك زيوس لأن المكعب اساسا لقيته عنده في اوضته لما كنت عندك في القصر فلما خدته كان معاه ورق فيه كلام كتير هتلاقيه في البيت بتاعي وهتلاقي فيه كل حاجة مكنتش فاهم منه حاجة غير شوية الحاجات الي قولتهم فوق وربطهم ببعض واللي فهمته برده أن في واحدة كانت عايشة عندهم وذو منصب عالي وهيا الي اخترعت الحاجات ديه والمكعب ، مش فاكر أسمها بس هتلاقيه برده في الورق وهتلاقي قصتها وفهمت برده أن اثناء تنقلنا وتشغيل المكعب ممكن يحصل خلل في الزمن والكون وكأنك بتلمس أسلاك في بعضها يعني ممكن لو أنا رجعت يحصل حاجة ليك أو ترجع عالمك تاني في لحظة وأول ما الخلل يتصلح ترجع تاني لأثينا القديمة وهكذا..
كل حاجة عاوز تفهمها هتلاقيها في الورق ...
وعلشان كدة زيوس محاولش يقولك علي الطريقة علشان ميعرضش أي حد لخطر الخلل ده ، وفي نهاية الجواب يا فهد لو عاوز ترجع بلدك الورق والمكعب هما الي هيساعدوك وأحميهم لأن زيوس هتلاقيه بيدور عليهم وعاوز يخفيهم وده لسبب تاني غير أنه خايف علي شعبه بس مش عارف أيه هو. خلي بالك من نفسك وحاول تركز في الي حوليك وتعرف الحقيقة ولو رجعت ابقي دور عليا .. مع السلامة .
كرم عبد لله
خلصت الجواب والمواضيع كلها بدأت تتربط ببعضها يعني دلوقتي كرم لقي المكعب والأوراق بتاعته عند زيوس ولما قرا الورق فهم أن في واحدة منهم هي الي اخترعته وكانت السبب في أن مادة المكعب يتصنع منها حاجات تانية وطبعا بالمكعب أو المادة بتاعته ولازم المكعب يشتغل بحجر الياقوت و بيتسبب في خلل في نظام الكون وبالخلل ده كل واحد اتنقل لعالم موازي وبما أني كنت في اثينا فانا اتنقلت لأثينا برده بس القديمة مش عارف اشمعنا الزمن ده ؟ ما ممكن كنت اتنقلت في الستينات أو السبعينات ؟! بس مش موضوعنا ودلوقتي المكعب معايا وأقدر أرجع بس لازم الاقي حجر الياقوت ، بس برده ليه زيوس كان مخبيه ؟ ومجبش سيرة ليا مع أنه وثق فيا وأعتبرني أمير يمكن ساعتها كان كرم سرق المكعب فمرداش يحمسني علي الفاضي ؟ ممكن ..
YOU ARE READING
Οι θρύλοι της Αθηνάς- أساطير أثينا
General Fiction" هناك لحظات شديدة الغموض، لا يعرف الإنسان كيف تأتي أو متى تأتي، لكنّ إحساساً غامضاً، وحدساً مفاجئاً، يُنبئ أنّ شيئاً قد انتهى، وانكسر، ولا بدّ أن يقوم على أنقاضه شيء آخر." فحارب هذا الشعور ولا تدعه يسيطر على حياتك فأما ستنتصر أو ستموت لا يوجد حل آخ...
