♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه ....
♤ هو قاسي ، شجاع ، قوي ، عنيد .... و بطبعه هذا جعل ك...
بسم الله الرحمان الرحيم *بسم الله الذي لا يضر مع اسمه شيء في الأرض و لا في السماء و هو السميع العليم *لاحول و لا قوة الا بالله *لا إله إلا الله *اللهم صل و سلم و بارك على سيدنا محمد و على آل سيدنا محمد
# اجعل بصمتك في كل مكان ، اجعل بصمتك و لمساتك الخاصة في كل عمل تعمله ، اجعل لشخصيتك و أخلاقك تأثيرا إيجابيا على الآخرين و على كل ما تقوم به ، اجعلها ظاهرة و واضحة تضيء دربك و تعطيك الامل و تنسيك اليأس و الكلل و تعطيك يقينا أن النجاح ينتظرك . ♡بقلمي♡
مليكة (الام): وا تي نوضي براكة من الشخير ، لالياتك راهوم ناضو و كايوجدو لغدا و نتي ناعسة كَولي غادة تخمري هنايا ماشي غير ناعسة أنا : وا ماما واش كل نهار نفس الديسك اووووف (كاندابزو على المانطة) واطلقي ا ماما خليني ننعس شوية ارا اليوم الحد ماما : (حيدات الصندالة د الميكة من رجلها) أنا : (غير شفتها حيدت المانطة دليلا على استسلامي و نضت للدوش باش ندوش)
ستوووووووب⛔⛔⛔ خليوني بعدا نعرفكم على البطلة ديالنا # بلسان الكاتبة
البطلة ديالنا سميتها ليالي (جداتها الله يرحمها هي اللي سماتها ليالي بحكم كانت غادي تزاد عندها بنت كانت بغات تسميها نفس الاسم و اللي كان سمية ديال واحد صاحبتها كانت عزيزة عليها ولاكين ماتتلها قبل ما تزاد )فعمرها 18 عام ، هي بنت جريئة ، شجاعة ، عنيدة بلا قياس، قوية ، مغامرة ، (زوينة و عندها لاطاي حوووته يعني ختكوم تيتيزة 😎😎) و لاكين واخا هاكداك ضريفة و لاكين غير مع اللي كايستاهل و كاتعطي على اللي كايصدعها و اللي كايستفزها علاياش كايقلب ، كاتموت على شي حاجة سميتها الذئاب و النمور و الاسود (لا لا دخليا الشك واش هادي بنت و لا مروضة الحيوانات البريةيمكن هادي خت طرزان 😂) ، و كاتعشق اللون الاسود و بسبابو ديما نايضة المدابزة بينها و بين ماماها حيت اغلب لباسها كحل تكَول هادي غير شي ارهابية ، و عندها جوج هوايات اللي هوما القراءة و الاختارق و داكشي ديال القرصنة و هي محترفة فداكشي ... اما بالنسبة للقراية فهي عندها العام الاول ديالها فلافاك تخصص البرمجة و داكشي ديال البيسيات و الاختراق (سمحوليا ماعرفتش سمية ديال هاد التخصص 😅😂) و ديما كتجيب اعلى المعدلات اللي كايفرحو واليديها ماماها سميتها مليكة و هي خياطة و لاكين كاتخيط غير فالدار و باباها سميتو محمد كايخدم بناي عندها خوها سميتو محسن فعمرو 7سنين و ختها ملاك اللي هي التوأم ديال محسن اما بالنسبة للصدااقات فهي ما كاتيق فحتا واحد من غيرصاحبتها إخلاص ولاكين وخا هاكاك تقتها عندها حدود و جميع العلاقات اللي عندها مع الناس كاتكون صطحية و محدودة من غير عائلتها طبعا اما بالنسبة للحب فهي ماكاتآمنش بيه بتاتا من غير حب الله و الرسل و الواليدين غير هو كايهجبها تفلا على الدراري 😂😂 (اويلي انا فين غادة نوصل كتبت كل صغيرة و كبيرة عليها و باغا نزيد المهم سمحولي ايلا طولت الوصف 😂😂)
المهم هادي هي البطلة ديالنا اللي كايموتو عليها ولاد الدرب و لافاك 👇👇👇
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
أنا : ماما و ماما كاين شي فطور ماما : وا تي كَولي واش كاين شي غدا ارا 11هادي و نتي كاتسولي عاد على الفطور مزيان تبارك الله العيالات والدين الحادكَات و انا والدة نعاسة أنا : اللهم صبرني واش حتا النعاس مانعسوش ، شتي ا مليكة اليوم ولاهلا غسلتلك الماعن ماما : هاي هاي هاي كَالتلك ولاهلا غسلت الماعن (حيدات الصندالة من رجلها ) زيدي قدامي للكوزينة و لا و الله تا نزرقلك لحمك و نحيدلك دوك العينين اللي كاتخرجيهم عليا
إخلاص : ا لحمارة واش ساعة باش تجاوبيني أنا : و عليكم السلام انا لباس و نتي لباس ... مالنا ا لبغلة على هاد المقدمة الزوينة... إخلاص (قاطعاتني) : شوفي ا ليالي بلاما ديريلي محاضرة الله يحفضك ... المهم اش بانلك نمشيو ندورو شوية و نمشيو جيهة الكورنيش أنا : ايوا هانتي دويتي نص ساعة تلقايني حدا السناك ديال با حمد (قطعت عليها قبل ما تجاوبني) ....
#في مكان آخر كايتسمع فيه غير نباح الكلاب و صوت شخصين
الشخص 1 : امدرا اش درتي فديك الشحنة ديال الاسلحة اللي غاتوصلنا اليوما الشخص 2 : كولشي اراه كيفما بغيتي اسيدي غادي نستالمو الاسلحة هاد الليلة مع 1 الشخص 1 : مزيان ، علم **** يشدد الحراسة و يمشي للديبو فين غادي نستالمو الشحنة يشوف واش البلاصة آمنة الشخص 2 : (أومأ براسو) هي اللولة اسيدي
سلام لبنات كانتمنى تكونو بخير و يعجبكم هاد البارت و سمحولي ايلا درت شي اغلاط حيت هادي اول تجربة ليا و ان شاء الله ايلا هجباتكوم هاد القصة نكمل و ماتكونش هادي اول و اخر كتاباتي آراءكم كاتهمني بزاااف 💜💜💜
