بسم الله الرحمان الرحيم
♡لا تستسلم يوما للوجع و الظروف فللأمل و الألم نفس الحروف
♡كل شيء حتما سيمضي
اتذكر و اتذكر اين كنا اين كنا ... تَفَكَّرْتُ صافي دعونا نبدا فالقصة (😂اللغة العربية واكلة تحميلة من الطراز الرفيع)
ليالي : (ناضت وقفات ومسحات دموعها بكم القاميجة و هضرات بصوت مخنوق ) ن نتا (ضربات بصبعها جيهة قلبو) م ماعندكش لقلب قلبك خالي من الاحاسيس هو كاينبض غير باش تبقا عايش و لاكين ماكايحسش ... كانكرهك و غادي نندمك بزاااف
ليث : تقدري تمشي
ليالي : (خرجات و بمجرد ما عتبات باب البيت طلقات العنان لدموعها و وسط دموعها فبالها فكرة وحدا اللي هيا الانتقام ... وصلات الكوزينة و لقات تما صفاء)
ليالي : خالتي فين نقدر نلقا الطواليط
صفاء : بنتي مال عينيك حومر واش كنتي كاتبكي
ليالي : اااا لا اخالتي ماواقع والو غير شي حاجة دخلات فعينيا
صفاء : (بتشكيك) واخا ابنتي تبعيني نوريك الطواليط
ليالي : (تبعاتها بدون مانطق حتى كلمة)
دخلات للطواليط (حشاكوم) و سدات عليها و مشات كَلسات فوق الكرسي ديال الطواليط (حشاكوم) و طلقات العنان و كلما كاتفكر اللحظات اللي عاشتها كاتزيد فوتيرة لبكا اللي كايقطع فالقلب ... بدات كاتفكر اخر الاحداث اللي عاشتهوم منين ماتت صاحبتها إخلاص منين تخطفات و تعدبات جسديا و نفسيا و تغتاصبات و ولات خادمة عند اللي كان سباب فتعاستها حتى للحظة اللي ساقت فيه خبار موت واليديها ... بقات كاتبكي كاتبكي حتى بدا راسها كايعطيها الصداع و كل ماكاتزيد تبكي كايزيد الصداع يجهاد
ليالي : غ غادي ندمك غادي ن ندمك حيت درتي فيا هادشي كامل
ناضت بتثاقل حيت راسها عاطيها للصداع ... توجهات للفابو و غسلات وجهها بلما بارد و نشفاتو بالفوطة و خرجات باش تبدا خدمتها و فبالها فكرة وحدا اللي استولات على التفكير ديالها و هي الانتقام ... توجهات للكوزينة باش تبدا خدمتها من بعد ماوراتها صفاء اش غادير
بعد 3 ساعات 🕛🕛🕛
سلات ليالي الشقا و التخمال و كَلسات فوق واحد الكورسي كاتسترجع انفاسها اللي كاطلعهوم بزز من كترة العيا
ليالي : اووووف عاد خاصني نطيب لغدا (طاحت على بالها فكرة و بتسمات ابتسامة شيطانية) هاهاها 😈😈
ناضت ومشات للكوزينة باش توجد لغدا لسيهوم ليث مشات هزات القائمة ديال الاكل و بدات كاتقرا
ليالي : ممممم (القائمة كانت مكتوبة بلونجلي بدات كاتقرا او هي تفكر بانو ماخاصهاش تبين بلي كاتعرف لونجلي باش تنفد الخطط اللي عندها فبالها ... مشات كاتقلب على صفاء)
ليالي : بفففففف فين غادي تكون هادي
بقات كاتقلب فالقصر و شوية لقات واحد الكولوار طويل بقات غادية فيه حتى وصلات لواحد الدروج كايدي لتحت
ليالي : يمكن هادا غادي يكون لاكاف ... نمشيو نشوفو شنو غادي يكون فيه اش خاسرة انا
بقات نازلة فالدروج و خايفة لاطيح حيت كاين غير ضو خفيف كايدوز من واحد السرجم عالي بقات نازلة حتى وقفات قدام واحد لباب و بمجرد ما حطات يدها على لبوانيي(poignet) ديال لباب و هي تسمع ليث كايغوت بسميتها و حيدات يدها و طلعات بخطوات سريعة باش مايعيقش بيها ... طلعات من لاكاف و بقات كاتمشى فلكولوار
YOU ARE READING
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
