♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه ....
♤ هو قاسي ، شجاع ، قوي ، عنيد .... و بطبعه هذا جعل ك...
*اللهم عالم الغيب و الشهادة فاطر السماوات و الأرض رب كل شيء و مليكه أعوذ بك من شر نفسي و من شر الشيطان و شركه و أن أقترف على نفسي سوءا أو أجره إلى مسلم *لا إله إلا أنت سبحانك إني كنت من الظالمين
سلاااام رجعت ليكوم فبارت جديد شتو درت معاكوم مزيان و لحت ليكوم جوج بارتات لداكشي كانتسالكوم شي نجمة و كومونتير بلييز😂 ... نرجعو للقصة ديالنا
نرجعو فين كنا ⏪⏪⏪
#عند ليث فجأة سمع واحد الصوت ... حط لبيسي فوق واحد الكوافوز و ناض كايتبع اتجاه هاد الصوت اللي كان لحن ديال اغنية الموت (لاي لاي لاي لاي لاي لاي لاي لاي لاي😂😂 تحية ل اللي قراتها باللحن) بقا تابع مصدر الصوت بخطوات سريعة حتى بدا كايقرب ليه شوية لمح واحد ساكادو باين فيه ديال لبنات (ستوووووب هبطو كتبولي كومونتير فنظركم شنو غادي يلقى) هزو و قربو لودنو باش يتاكد ان الصوت جاي منو و فعلا شكو كان فمحلو حل السنسلة ديال الساكادو و لقا تيليفون اللي كايصوني هزو و قرا السمية اللي كانت ♡Mama♡ و بلا تردد جاوب على الخط و بقا كايسمع
#عند محسن و ملاك
محسن : (كان شاد تيلي و دايرو على ودنو كاتسنى ختو تجاوب شوية جاوب الطرف الثاني و ماخلاش الفرصة فين يهدر الطرف الاخر) (بصوت باكي) ختيييي ليالييي فينك ا ختي علاش مشيتي و خليتينا رجعي عندنا انا و ملاك دغيا ماما و بابا (بقات ساكت شوية عاد دوا) مشاو عند الله هاكا كَالتلي خالتي عايشة و بقينا غير انا و ملاك اجي عندنا عفااك ملاك : (خداتلو التيلي من يدو) اهئ اهئ ختي علاش مشيتي كون مامشيتيش ك كون د دابا ارا م ماما و ب بابا معانا ر رجعي ع عندنا عفاك اهئ اهئ ما ت تخليناش ب بوحدنا اهئ اهئ ختيي علااش م ماكاترديش عليا (تقطع الابيل)
#عند ليث
كان هاز التيليفون و كايسمع اشنو كايكَولو بلا تاشي حركة فاللول ماكانش عاقل ديالمن هداك ساكادو مي غير دواو معاه ملاك و محسن بقاو فيه و فكروه فراسو و شوية جاتو واحد الفكره و من بعد قطع بلاما يكَول حتى شي كلمة ... توجه لواحد الفيكس كان محطوط فوق لكوافوز و هزو ليث : كَولي ل خدامة جديدة تطلع لعندي و رجع كَلس حدا لفطوي و خدا لبيسي يكمل لخدمة اللي كان كايديرها
#عند ليالي
كانت صفاء كاتوريها داكشي اللي خاصها دير و هي غير متبعة معاها و كاتكَول فرخاطرها ليالي : اوووووف دابا انا كيفاش غادي ندير كولشي هادشي واش قصر قدو قداش نبقا نسيقو كل نهار و لبيوتا و و لكوزينا و الجردة و الماكلة ... اووووف ولاكين غانصبر على قبلكوم غانصبر على ما لقيت شي طريقة باش نهرب شوية مشات صفاء تجاوب على لفيكس اللي كان كايوصني (هو ماشي فيكس تقدر تهدر فيه مع اي شخص هداك خاص غير باش لاحتاج سيدهم ليث شي حاجة كايصوني على لخدم يجيبوهالو) جاوبات و من بعد رجعات جابة عند ليالي صفاء : دابا سيري عند سيدي ليث و من بعد نكملو ... الجناح ديالو اراهو فالطابق 3 و بيتو هو الباب اللول على يدك ليمن ليالي : واخا (بقات غادية و كاتهدر بهمس) اخرتي نموت على يد سيدك ليث تفووووو مشات ليالي ركبات فلاسانسور و من بعدما وصلات حلات فمها فالجناح اللي كان اقل ما يقال عنه فخاامة و رووعة بقات غادة حتى وصلات للبيت و حلات لباب بلاما تدق ليث : (بعصبية) ماا عندييش هنااياا زريبة رجعي دقيي و حتى تسمعي الاذن بالدخول عااد دخلي يلاا تهزيي ليالي : دابا دخلت و اللي عطا الله عطاه المرة الجاية و ندير كيما كَلتي ... فشنو بغيتيني ليث : (توجه لعندها و تقابل معاها و هز يدو حتا لسما و صرفقها حتى سال من جنب فمها دم) هادي باش لمرة الجاية ديري داكشي اللي كَلتليك بدون ادنى اعتراض ليالي : (حسات بحنكها عواج و الدموع على طرف عينيها مي مابغاتش تنزلهوم و باقا دافعة الجبهة) ههههههه شتي نتا يصحابلك بلي نتا راجل منين كاضربني و انك كاتربيني بالضرب ... اسمع الحاج تهامي ايلا كنتي كاتحسب على *رك راجل راك مشيتي غالط حيت اراك غير ششماااااتتة ليث : (ماتصرطاتش ليه انها تعايرو اخصوصا انه تاحد ماتجرا و يهدر معاه بهاد الطريقة ... جمع يديه على شكل قبضة و ناوي على خزيت و لاكين فالتالي تراجع و بغا يحاربها بنفس السلاح ديالها اللي هو لبرود) رايك ماكايهمنيش ليالي : (مارضاتش بالقمعة مي كَالت مع راسها بلي غاتردهالو فساعة الخير) اوكي عادي ... علاش بغيتيني ليث : عندك خوتك ؟ ليالي : ااا لا ليث : ماتكدبيش ليالي : (حاسه بخوف كبير و بزز باش متبتة راسها على وضع دفع الصنطيحة) شوف هوما يلاه عاد،صغار مادنبهوم فهادشي والو لا هوما لا واليديا خلي هادشي بيني و بينك ليث : سولتك جاوبيني قد السؤال براكا ماتألفي ليا القصص باش ياثرو فيا ليالي : (بتردد) اااا ااه عندي ليث : شحال ليالي : ج جوج ليث : مزيان ... واش مستعدة تسمعي واحد الخبر ليالي : (صافي هنا حاسه راسها غادي تسخف من كترة الخوف بالها مشا نيشان انو تقدر تكون واقعة ليهوم شي حاجة) ش شنو و واقع ليث : واليديك ماتو ليالي : ههههه شحال فيك د لبسالة ضحكك باسل ليث : (تصدم من ردة فعلها) ماكانضحكش كاندوي نيشان واليديك ماتو ليالي : (بتوتر) ب بغيتي تلويليي اليد اللي ك كاضرني ... يلاه عطيني ش شي دليل ليث : (بحدة) اناا مااشي برهووش بااش نلعب فمواضيع جدية بحاال هاادي ليالي : ايا ك كان ع عطيني دلييل ليث : (مشا خدا تيلي ديالها و مدولها) هاكي هدري مع خوتك و هوما غايكَولولك ليالي : (خدات من عندو التيلي) (بقلق) و ن نت منين عرفتي خ خوتي ليث : ماشي وقت الاسئلة دابا صوني عليهوم بديك النمرة لخرة ليالي : (التيلي قرب يطيح بقوة ما يديها كايترعدو و كاتدعي فخاطرها انو يكون غير كايكدب عليها ... دوزات نمرة لخرة اللي كانت ديال ماماها و بقات كاتسنى شي حد يجاوب شوية سمعات صوت خوها محسن) (كاتهدر و شفايفها كايترعدو بالخوف) اا الو م محسن حبيبي ك كيداير ك كيدايرا م ملاك و م ماما و با با محسن : (غير سمع صوتها الدموع بداو كايدوزو من عينيه شلال) خ ختي ع علاش م مشيتي و خليتينا ليالي : م ماتبكيش غ غادي ن نرجع لعندكوم ف فينهوما م ماما و ب بابا محسن : (غير مازاد فلبكا) م ما ما و ب با با مشاو عند الله ليالي : (منين سمعات هاديك الجملة تصدمات صدمة عمرها و طاح التيلي من يدها و سرعان ماطاحت حتى هيا على ركابيها و شقت الدموع طريقها على وجنتيها) اهئ اهئ اهئ م ماما بابا (ناضت بتثاقل و عينيها اللي عامرين بالدموع و الكره و الحقد كايشوفو ف ليث اللي كان واقف بحال شي صنم كايراقب ردات فعلها) ن نتا اللي قتلتيهوم ن نتا (بالغوات و مدورة يديها على عنقو بحالا باغا تخنقو )علاااااش درتييي هاااكاااا ياااك خطفتيينييي و اغتاصبتييينييي و رججعععت خدااامة عندك علااااش قربتييي لجيهتهوووم علاااش اااشنوووو داااارووو ليييك علااااش (و طاحت على ركابيها منهارة بلبكا) اهئ اهئ اهئ كانكرهك كانكرهك ليث : (مادار تاشي حركة بقا جامد و غير حاضي تصرفاتها و داز قدام عينيه واحد الشريط من حياتو ... تحنا لعندها) شوفي هاد لبكا ماعندو باش يفيدك و ماشي انا اللي قتلتهوم دخلي هادشي لراسك ليالي : (علات فؤه عينيها اللي ولاو حومر و عامرين بدموع اللي عطاتهوم واحد اللمعة خاصة و جذابة) و و ع عاد ع عندك لوجه ب باش تهدر و ك كاتكَولي م ماشي نتا اللي ق قتلتيهوم اهئ اهئ نتا بسباااببك نتا خ خسرت اغلىى مااا عد عنديي خ خسررت شرفيي و خ خسرت واااليديااا ك كااانكرررهك ن نتااااا احقر واااااحد ش شفتوو اهئ اهئ فحيااااتيي اهئ اهئ ليث : (سهى فعينيها لوهلة عمرو ماشاف بحالهوم فحياتو و ماعرفش علاش ماحملش يشوفها كاتبكي ... نفض هاد الافكار من راسو و هضر ببرود) مامحتاجش نبقا نبرر ليك باني ماقتلتهومش فهميها كيما بغيتي ... (ناض) نوضي سيري كملي خدمتك و باراكا من لبكا و دراما ليالي : (ناضت وقفات ومسحات دموعها بكم القاميجة و هضرات بصوت مخنوق ) ن نتا (ضربات بصبعها جيهة قلبو) م ماعندكش لقلب قلبك خالي من الاحاسيس هو كاينبض غير باش تبقا عايش و لاكين ماكايحسش ... كانكرهك و غادي نندمك بزاااف
الحصة ديال ليوما سالات جمعو اداواتكوم 😂😂 امزح امزح ... سالينا لبارت ديال ليوما كانتمنى يعجبكوم و ماتنساوش تفاعلو معايا و تدعموني بشي نجمة و لا كومونتير و شاركوني اراءكوم حيت كايهمووني بزااف With all my love ♥️🖤♥️
Oops! This image does not follow our content guidelines. To continue publishing, please remove it or upload a different image.
