بسم الله الرحمان الرحيم
*اللهم جنة لأم أنجبتنا و أب تعب لأجلنا 💚
*لن تجدي رجلا ك أبيكِ 🖤
........
# عند ليالي
فاقت ليالي معطلة دخلات لطواليط دوشات خرجات صلات و هي كاتمشط شعرها تفكراتو فاش كان كاينشفوليها بتاسمات ولاكين سرعان ماختافات ديك الابتسامة فاش تفكرات انو فقلبو هاديك مات ولادو حسات بلخنقة واش لهاد الدرجة ماساوية عندو والو كايفضل هاديك عليها ياك تا هي حاملة بولادو شنو لفرق بيناتهوم علاش فضلها عليها صرفقات راسها فاش حسات عينيها غرغرو بالدموع ...
ليالي : انااري ياكماا طحت فييه (حطات لمشطة بجهد فوق لكوافوز جمعات شعرها و هبطات) ...
ماكان حتى واحد كايتسمع غير صوت ضحك محسن و ملاك فجردة تنهدات ، باينة غاتكون إخلاص مشات مع زياد باش دير ترويض و هو غايكون فلخدمة غادي تبقى تاني بوحدها مشات للكوزينة كلات و خرجات بقات كادور فجردة مالقات مادير عيطات لخوتها و دخلاتهوم معاها عند نمورة بداو غير يغوتو و هي كاتموت بالضحك بقات كاتلعب معاهوم و خوتها خرجو حيت خافو ... بعد مدة خرجات تا هي و بقات كادور فجردة اللي عامرة بليكَارد غير كايشوفوها كايحنيو راسهوم حسات راسها شي حاجة و بقات كادوز عليهوم وقفات اونفاص واحد غير شافها حنا راسو وهو كَدو كَد سخط شافت فيه مبتاسمة و دوات بلونجلي ...
ليالي : شنو سميتك
لكَارد : كريستوف ا لالة
ليالي : رفع راسك ماتبقاش تحنيه انا ماشي ليث باش نغوت عليك
كريستوف : (رفع راسو بتردد)
ليالي : (مدات ليه يدها) انا ليالي تشرفت بمعرفتك
كريستوف : (صافحها و هو متردد)
ليالي : (مشات عند هداك اللي حداه و عاوداتليه نفس الديسك انا ليالي و نتا شنو سميتك ... دازت على لكَارد ديال ديك جردة كولهوم تا وصلات للباب الرئيسية و بقات كاتقرقب الناب معاهوم)
ليالي : دابا هاد لبلاصة جات قريبة للغابة
لكَارد : اه ا لالة
ليالي : كاين سكات هنا الجو زوين
تحل لباب الرئيسي اللي كان كبيير و تمات داخل ليث بطوموبيلتو شافت فيه كان مخنننزر و مزير على لفولون هبط زاج خنزر فليكَارد و دغيا حناو راسهوم صافي قفروها ، و شاف فيها ...
ليث : (مزير على سنانو) طلعيييي
ليالي : (شافتو بداك الشكل و هي دير ابتسامة صفرا على وجها ماعرفات مالو تاني ... حلات باب طوموبيل و هي كاتشير لليكَارد بيديها ب باي باي ... ركبات و دارت شافت فيه كانو عروق جبهتو بارزين و مزير على فكو كاتكَول مع راسها دابا يخل فمو يهدر يخرج منو النار و يحرقني بحال التنين دوات و هي محافظة على نفس الابتسامة) لاباس الصحة بيخير
ليث : (كسيرا ماكايشوفش ... هدر بحدة) شنووو كنتيي كاااديريي تمااا
ليالي : مالقيت ما ندير فدار ملييت
ليث : و اشش داااك تهدري مع رجااال
ليالي : وا غير هدرت شنو فيها
ليث : (ضرب يدو مع لفولون) ماااتهدريييش ممنووووع
ليالي : (حلات فيه عينيها) كيفااش ممنووع وااش من نيتك
ليث : (حبس طوموبيل قدام لباب كان جاي عندو لكَارد باش يحل ليه لباب و هو يدير ليه بيدو اشارة باش يحبس ... شاف فيها و هو باقي حاط يدو على لفولون مزير عليه باش مايرتاكبش فيها شي جريمة) اااه ممنوووع
ليالي : و بايناا حق كااتحكم فيااا
ليث : (اه باينا حق كايحكم فيها ماهو خوها و لا باها ولا حتى خطيبها او راجلها هو ماعندوش لحق ولاكين تاهي ماعندهاش لحق تهدر معاهوم مامن حقهومش يشوفو فيها) مااطااولييش معاايا فللهدرة اللي كاااانكَوولوو غاايتطببق (حل لباب و هبط من طوموبيل لقا حداه لكَارد شاف فيه شي شوفات كايخلعو و زير على قبضة يدو باش مايفوتش فيه شي ضربة ... دخل للدار و هي موراه نازلة معصبة كيفاش ماتهدرش مع رجال وايلي اش هاد لحكام تاني ... تبعاتو و قفات قدامو ...
KAMU SEDANG MEMBACA
بين أحضان وحش لا يرحم
Aksi♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
