بسم الله الرحمان الرحيم
*وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا (23 الكهف)
*يهلك المرء بأفكاره 🥀
..........
بعد شهر ⏳⏳⏳
# عند ليالي
كَالسة متكية على صدرو كاتاكل فشيبس قدو قداش (كنت بغيت نكتب كاتاكل ريفيتو ساعة كَلت خليني نبان زعما شوية ماالي انا على حالتي 😂😂) و كاتفرج فلفيلم و هو حاط يدو على شعرها كايحك فراسها ... فهاد الشهر اللي داز ما تبدلش بزااف من حياتها و ماوقعوش احداث كبيرة من غير احاسيسها اللي تخربقو و ولاو فيهوم احداث مهمة كل نهار كاتزيد تعلق بليث باهتمامو ليها بمجرد ماكاتشوفو داخل من باب الدار كاتحس باحساس زوين و فاش كايخرج منها كاتبغي تجيها لبكية و كاتحس بالدار خااوية ، فاش كاتشوف فعينيه كاتكون مطمأنة انو تا واحد ماغايآديها تا واحد ماغايقرب ليها كاتعتابرو بطلها و فاش كايعنقها ماكاتسخاش تنوض كاتمنى تبقى تسمع دقات قلبو اللي بالنسبة ليها شي حاجة مميزة ، كل مرة كاتبقا تفكر فهاديك لمرا ام ولادو كيف كَال زعما يكون كايبغيها و علاش مايبغيهاش هيا و يبغي هاديك كاتجيها لبكية فاش كاتفكر انو فقلبو شي وحظة و شحال بكات بسباب هادشي ولاكين غير كاتشوفو كاتنسى كولشي كاتشوفو غير هو قدامها و حتى علاقتها بيه زادت توطدات ما بقاوش بزااف الخلافات بيناتهوم ، ولات حساسة بزاااف غير يغوت عليها تبدا تنوح و تبكي ز كايبقا يسكتها و غير كايكَوليها يلاه لبسي حوايجك نخرجو كاتنسى كولشي و تبدا غير تفرنس و كاتمشي طايرة توجد راسها ، كاتحمااق على لخروج و تسركيل خصوصا فليل ولاكين ماكاتحملش دوك النظرات اللي كايشوفوه بيهوم لبنات فشارع و هي غير كاتلاحظ هادشي كاتشدلو فيدو و كاتبقا تمشا هازة خنافرها لسما بحالا كاتكَول لعباد الله ماتشوفوش فيه را عندو مولاتو و بعض لمرات كايخرجو معاهوم ملاك و محسن اللي ولاو كايقراو فمدراسة خاصة و فاش كايكون عندهوم لوقت خاوي تا هوما كايخرجو معاهوم ... اما بالنسبة لداك لموضوع ديال داك لبيت كل مرة يجي فبالها و كاتبقا غير تفكر فتالي كاتكَول دابا نعرف شنو كاين تما فاش غايجي لوقت ، و حدسها كايكَوليها انو لخدمة اللي كايديرو فلبيسي عندها علاقة مع داكشي ... و عطاتها غير لسريط اللي لقاتها حداها كاتاكلها و ماكاتحملش شكلاط و لبيض غير كاتشوفهوم كاتمشي تقيا (حاشاكوم) ... طلعات فيه راسها كان مغوبش كيف عادتو مركز مع لفيلم اللي كان ديال لقتيلة و غير رصاص كايتشاير ...
ليالي : اووووف فك ديك لغوباشة مالك معاها
ليث : (شاف فيها)
ليالي : (بتاسمات) لا نحتاج لعقدة حاجبيك لنعرف أن الدنيا معقدة
ليث : (بدون احساس رسم ابتسامة خفيفة على وجهو قرصها فحنكها و باسها فراسها) الشاعرة ديالي
ليالي : (ضحكات) انا ماشي شاعرة غير كايعجبني نقرا و نكتب ماكرهتش نولي كاتبة كبييرة كولشي يقرا كتبي اللي بغيت نوصل فيهوم رسالة للناس و يحس القارئ انو ديك لجملة تكَالت ليه هو بالضبط يحسها موجهة ليه و يعيش مع كل حدث بحالا بصح وقع
ليث : (طفا تلفازة حيت الفيلم سالا) زيد شنو تاني
KAMU SEDANG MEMBACA
بين أحضان وحش لا يرحم
Aksi♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
