بسم الله الرحمان الرحيم
*إذا أحببت المال فلا تنس الحساب ، و إذا أحببت القصور فلا تنس القبور ، و إذا أحببت المخلوق فلا تنس الخالق 💚
*صاحب من تصاحب فوالله الذي على العرش استوى ، لن يصاحبك في قبرك ، إلا صاحب واحد ، هو عملك الصالح ، فأحسن صحبته في الدنيا ، يحسن صحبتك في قبرك 🍃
........
نرجعو فين كنا ⏪⏪⏪
# عند ليالي
كانت كاتلبس من بعدما فاقت و دارت روتينها و صلات لبسات بانطوفتها و وقفات قدام لمرايا كاتمشط شعرها اللي خلاتو مطلوق شافت تما واحد لعكر حمر ماط و سبحان الله و ماعرفت كيفاش تا دارتو 😂 و دارت لمسكارا و هي كاتحطها فبلاصتها لمحات لبارفان ديالو ابتسمات فاش شافتو و رشات منو جيهة عروق يدها ليسرية و بقات كاتشمو و هي مبتاسمة ... بعد مدة قصيرة هبطات لتحت فطرات فلكوزينة و خرجات بقات كاتلعب مع دوك نمورة تا ولات كاتلهث بلعيا ... و خرجات من تما بعدما سدات لباب بزز باش طلقو منها صايبات شعرها اللي تخربق و دخلات كاتغني بداك صوت زوين اللي عندها ماشاء الله (كون تشوفو صوتي فاش كانغني داكشي سانك سانك 😂😂) سكتات من لغنا فاش سمعات اصوات رجالية جاية من صالون ضياف و بطبيعتها فضولية مشات لمصدر الصوت وقفات فنص الباب بانوليها ربعة درجال كَالسين و تا ليث معاهوم ... و هي كادير سكانير بعينيها لهادوك اللي كَالسين تما و هوما ماسايقين ليها خبار و ليث ماشي واحد منهوم حيت شافها بقا مدة كايشوف فيها لعكر اللي دارت زاد بينها كبر من عمرها و زاد من زينها و هو فأوج تفكيرو كايتغزل بينو و بين راسو بجمالها تفكر هادوك اللي كَالسين معاه ايلا شافوها ... ماكملش تفكيرو فديك لفكرة لانها كاتجننو كاتخرجو على طوعو بزز باش كايقدر يتحكم فراسو ... شير ليها بعينيه باش تمشي من بعدما نتابهات ليه فاش كح بهدف لفت انتباهها ، فلول مافهماتش قصدو و لاكين فاش عاود للمرة التالية فهمات و قررات دير داكشي اللي فراسها دخلات و على وجها ابتسامة مكر كَالت "بونجوغ" (واش هادي من نيتها راها فلميريكان و كاتكَول بونجوغ طلقوني عليها توما طلقوني عليها) ... كلشي تلفت فجاة لداك الصوت اللي كسر الطابع الرجولي فلمكان من غير ليث اللي اصلا كان كايشوف فيها و مراقب حركاتها و نظرات اللي فنفس المكان ، اللي بمجرد ماشافوها نساو كَاع هدرتهوم عم صمت كايبين مدى اعجابهوم لهاد المخلوقة شي كايشوف فشنايفها شي كايشوف فعينيها شي كايشوف فلمؤهلات الجسدية و شي كايسكانيها بعينيه كاملة من راسها تا لرجليها ... بعد صمت قصير ردو عليها بلبقاة كاتعكس مكانتهوم العالية فلمجتمع بلا ما ننساو لباسهوم و الساعات اللي دايرينها فيدهوم و لكَلسة ... كملات طريقها و كَلسات حدا داك الشخص اللي حس بالنار شاعلة فيه شي حاجة كاتاكلو لداخل ديالو بغا يخشي يدو فقلبو يحيد داك الشي اللي كايحس بيه ولاكين مايمكنش ، داك الاحساس اللي كايخليه يفكر ينوض يفرشخهوم واحد واحد حيت شافو فلحاجة ديالو و داك الاحساس اللي كايخليه يبغي يخشيها وسط ضلوعو باش تا حد مايشوف فيها و باش ماتبعدش عليه ... قاطع حبل افكارو صوت واحد من اللي موجودين ...
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
