بسم الله الرحمان الرحيم
*{و لا تُخْزِني يومَ يُبْعَثون إلا مَن أتى الله بقلب سليم}سورة الشعراء
*قال الرسول صلى الله عليه و سلم : (مَنْ كَانَ يُؤْمِنُ بِاللهِ وَ اليَوْمِ الآخِر فَلْيَقُلْ خَيْرا أو لِيَصْمت) رواه البخاري و المسلم
..........
# عند إخلاص
كانت كادوش من بعد نهار طويل فلافاك ، كانت كاتفكر هدرة ليالي على زياد و ليث ، كانت حاسة انو قلبها ماختارش الشخص الغلط مايمكنش شي واحد بحنيتو يكون قتال و مجرم و من لفوق مفيوزي ، بتاسمات وسط افكارها الحمد لله ماطلعش كيف كانت واخدة عليه ديك النظرة الخايبة رغم انو احساسها كان كايكدبها و كايكَوليها هو ماشي هاكاك ... خرجات لبسات حوايجها و نشفات شعرها و كَلسات كاتخدم على لبروجي ... من بعدما خرج زياد هبطات كلات حاجة خفيفة و طلعات نعسات ديريكت ...
# عند سمر
كانت متكية على ظهرها فوق ناموسية كاتشوف فلخاتم اللي فصبعها بتاسمات ... ليوما خرجو و دارو و كلاو تا طاح ظلام عاد رجعها لدارهوم دابا و طبعا هادشي بخبار لالة ياقوت ... تنهدات و ناضت غسلات وجها و توضات صلات قنعها بهدرتو انها تولي تصلي ... كان كايسولها و كاتسولو اسئلة و فاش سولها واش كاتصلي بقات ساكتة و هو فهم بلي ماكاتصليش "الصلاة هي أحسن حاجة و أحسن علاقة فهاد الحياة ، الصلاة هي عماد الدين و عماد جمع عمود ، ايلا ماكانتش إسلامنا ماكايكونش كامل ، و اول مايسأل عليه المرؤ يوم القيامة هي الصلاة ايلا ماكناش كانصليو شنو هو العذر ديالنا فاش يسولنا الله عليها شنو هو العذر ديالك باش ماتصليش و ايلا صليتي علاش كاتزربي فصلاتك بحال هاكداك نتي كاتفضلي الحياة الدنيا على صلاتك اللي غاتنفعك فالآخرة ، الرسول صلى الله عليه و سلم كان كايصلي تا كايتشققو رجليه و يخرج منهوم الدم و حنايا تا خمسة ديال الصلوات ماكانصليوهومش بداك الخشوع و التركيز و السكينة المطلوبة ... ماخاصناش نديرو شي حاجة فدنيا ندموا عليها فالآخرة ... غادي تبداي تصلي ياك" حركات راسها باه و هي كاتفكر فكلامو اصلا غير فاش صلات داك نهار حسات براحة عجييبة ... طوات صلاية و حطاتها فوق لبيرو حيدات لعبايةو شال حطاتهوم جنب الصلاية هزات تيليفونها و بقاا كاتسركل فالانتستاغرام و الفايسبوك لقات أسامة ماش ياونلاين فلواتساب طفات تيليفون و نعسات ...
# عند أسامة
كان كَالس كايفطر هو و مو تا نطقات ...
عايشة : ديك دريرية زويينة و باينة فيها بنت الناس
أسامة : عارف ا لواليدة
عايشة : ايوا هيا لا نضتي و خرجتي شوية نتا و ياها و شريلها شي كاادو ماشي تبقا فظار مقابلني انايا
أسامة : (بعد صمت قصير ناض و باس راسها) الله يحفضك ا لواليدة على هاد الفكرة
كان كايتفرج هو و مو فمسلسل مغريبي بتاسم فاش تفكر النهار اللي دوزوه بجوج ليوما كان مميز عندو و علاش لا و هو خرج مع حبيبة قلبو اللي ما بقا والو و تولي مراتو و ام ولادو ركزولي على لقافية الله يخليكوم 😂😂) ان شاء الله ... بعد مدة طويلة طلع لبيتو عيان و ديريكت تلاح نعس ...
# عند وائل
واقف فلبالكون مزير على فكو و يديه مزيرين على لحديدة اللي قدامو ، كيف كل مرة رجع للدار بلاما يشوفها نهار كامل و هو كايقلب عليها والو ماعندهاش الاتر ... كايحس بقلبو كايتقطع كايحس بنار شاعلة فقلبو و كاتحرقو من لداخل و هاد نار ماغايطفيها غير شوفتها و انو يسمع صوتها ، توحشها توحشها بزاااف بحالا كانت ساكنة معاه و ماكاتفارقوش بحال خيالو و هو شافها غير جوج مرات ... خايف و خايف بزااف لا تكون واقعة ليها شي حاجة الله يستر ، كايحاول يدخل لهوا لريتو ... اول مرة يجرب هاد الاحساس اللي كايخليه يبغي يغوووت بااعلىى صوووتوو لعل و عسى تبان و يخرج داكشي اللي كايخليه يحس بقلوب كايتقطع بنار الاشتياق ، ديك لبنت الصغيرة البرهوشة اللي ماشافهاش كتر من جوج مرات قدرات تخليه يولي بهاد الحالة تحت عينيه كحلين و كل نهار كايمشي يقلب عليها كيف لحمق تا كايفقد الامل لوهلة و كايرجع يكمل تقلاب تاني شحال جات فبالو فكرة انها تكون انتاقلات لمدينة اخرى ولاكين مابغاش يقتانع بيها لا هيا لا باقي الافكار و مقتانع بانو شي نهار غايلقاها و ماغايخليهاش تبعد عليه مرة اخرى ... دخل من لبالكون و سدو هز المصحف بقا كايقرا فيه شحال سدو و حطو بلاصتو شرب المنوم و ماكملاتش عشرة دقايق كان نعس ...
# عند ياقوت
كانت كَالسة فبيتها كاتقرا فالمصحف تا كايصوني تيليفونها بنمرة ماشي ديال المغرب و كيفما مكتوب تحت نمرة انها ديال امريكا عقدات حوايجها باستغراب حطات المصحف فوق لكوافوز و جاوبات و هي تصدم بانو المتصل ولدها اللي شحال هادي ماسمعات صوتو اللي توشحاتو لا هو لا خوه ليث ، بكات بلفرحة و هي كاتدوي معاه و فاش قطع ماسخاتش بيه و شكون غايسخا بكبدتو ... تنهدات براحة مغمضة عينيها كاتحمد الله فسرها بانو ولادها غايرجعو ليها من بعد هاد الايام و الشهور الطويلة و انهوم خداو حق راجلها و خدمو خدمة شريفة رغم انها خطيرة ... طاح ظلام ناضت صلات لعشا و هبطات كاتفرج هي و حورية فمسلسل مغريبي واحد مور لاخور واحد مور لاخور تا وصلات طناش دليل كل وحدا مشات لبيتها و نعسو ...
و هنااا غااايكون سالا لبارت اللي كانتمنى يكون نال اعجابكوم و اراءكوم و توقعاتكوم كايهموني بزااااف ماعرفتش كيفاش غانشكركوم على دعمكوووم لكبيير كانبغيكووم من اعماق شرايين قلبي 💜
With all my love 🖤💜🖤
YOU ARE READING
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
