بسم الله الرحمان الرحيم
*الحب ثلاث : أمي ، أبي و نسيبهم 😂😂
* إلى نفسي : بعد كل الخسارات ربحتك 💛
..........
# عند إخلاص
داز معظم نهارها مع زياد اللي كايزيد حبها ليه يكبر نهار على نهار باهتمامو ليها و شخصيتو المرحة (الله يعطينا زهرك ا ختشي كَولو آمين ا لفتشيات 😂😂) ... جاو من برا طلعات لبيتها من بعدما عاونها و نعسات و هي كاتفكر داك لعناق (ركزولي على القافية الله يخليكوم 😂😂) ...
# عند سمر
كانت كَالسة كاتحط اللمسات الاخيرة على الرسمة ديالها اللي كانت راسمة فيها حبيبها فاش سالات حيدات لورقة من دفتار كاتشوف فيها برضا هزات ستيلو و كتبات لتحت ديال لورقة ... "فُكّ قيْدي وَ أطلقْ سراحِي مِن سجْن حبكَ يَاآسِرِي"♡بقلمي♡ ... بتاسمات و هي كاتحط ستيلو فوق لمكتب رجعات هزات لورقة كاتمعن فيها و هي مبتاسمة حطاتها وسط الدفتار و حطاتو جنب لبيرو ... المقولة اللي بقات شحال هادي كاتفكر فيها و تقاد فيها و تصايب فيها باش تعطيها جملة مفيدة كاتعكس مدى حبها ليه مدى حبها لآسرها كيف سماتو الشخص اللي عمرها ضنات غادي تبغيه هي كاتشوف انو حبهوم شبه مستحيل حيت هو كايبقا استاذها ولاكين تا علي أستاذ ديال أيلول و فتالي تزوجو (مسلسل نبضات القلب) تا حاجة ما مستحيلة ... تنهدات فاش تسللات لبالها فكرة الاعتراف اللي ولات كاتفكر فيها بزاااف و فردة فعلو ايلا عتارفات ليه بحبها لكبيير ليه حاجة ماشي ساهلة انك تعتارف لشي واحد بالحب ديالك تجاهو خصوصا ايلا كان استاذك ... "كل حاجة بوقتها ماتفكريش بزاف ا سمر" هادشي اللي كَالت و هي كاتجبد ادوات الرسم ديالها حطاتهوم فوق ناموسية اللي كانت كاتفصل بين مكتبها و طابلو اللي كاترسم عليه ناضت كاتنقز كَلسات على لكورسي الليكان مقابل مع طابلو درسم و جبدات طابلة صغيرة كاتحط عليها ادواتها فاش كاتبغي ترسم حكات عليه حوايجها و بدات كاترسم و كل مرة عينيها كايعمرو بدموع ... بقات نهار كامل و هي كاترسم فديك اللوحة طاح ظلام و هي باقي مخشية فبيتها كلات بزز باصرار من ماماها ... حطات شيتة اللي كانت هازاها بيدها اللي ولات كلها صباغة كحلة ... شافت فالرسمة و بتاسمات و عينيها مغرغرين بدموع كانت راسمة بنت صغيرة وسط ظلام واقفة و شادة فيد باباها اللي كان مجرد ظلام على هيئة رجل اللي هي كاتخايلو باباها(اللي فهمات تكتب فليكومونتير) شحال عانات فصغرها و قاسات من بعد موت باباها ولات منعازلةو منغالقة ماكاتهدر مع حد و فقدات النطق لفترة من شدة صدمتها و تأثرها بموت الاب ديالها ، ولات كاتخاف بزااف كاتخاف تخرج بوحدها برا و لحد الآن باقة كاتعاني من عاد لحاجة و علاش لا و بابا قتلوه وسط الشارع مات رصاصة ختارقات قلبو الحنين اللي بغاوه ولادو بحنيتو و طيبوبتو لكبييرة ختارقات صدرو اللي شحال نعسات عليه و هي صغيرة و باقي ماشبعاتش منو ، تمنات كون كانت عندها آلة الزمن باش ترجع لور و تكَول لباباها عفاك ماتخرجش عفاك ا بابا بدل خدمتك باش ماتخلينيش بوحدي ... طاحت دمعة حارة من عينيها تبعوها دموع اخرى بزااف اللي شحالما طاحو من عينيها مايقدروش يوصفو ألمها لكبيير ... بتد مدة مسحات عينيها من دموع قادات ادوات رسمها و حطاتهوم على جنب و ناضت كتنقز دخلات لطواليط غسلات يديها و وجها اللي ولا سخون بلبكا ... خرجات و بعد مدة قصيرة جابت ليها حورية لماكلة كلات و بقات كاتفرج فلمسلسل شربات دواها و بقات كاتفرج ففيديوات محطوطين فلفايسبوك حطات تيليفونها فوق لكوافوز شافت فحورية اللي ناعسة تغكات مزيان و نعسات ...
YOU ARE READING
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
