بسم الله الرحمان الرحيم
*أرى في الأكل ما يراه قيس في ليلى ❤
*لا تخبر أحدا سر دمعتك لأنه سيعرف كيف سيبكيك
*Be yourself (كن نفسك)🔥
ساااالااااام لبنات كانتمنى تكونو بيخير و بألف خير اولا و قبل كل شيء كانشكركوم من كل قلبي على الدعم ديالكوم و القراءة ديالكوم للقصة كانبغيكوم بزاااف ❤
نرجعو فين كنا ⏪⏪⏪
# عند ليث
ملي خرج من دار و هو كايفكر فليالي ولا مامايقدرش يدوز شي نهار بلا بيها بمجرد ما كايفكر فيها كايبغي يتسطا لداكشي منين كاتجبدلو موضوع الرجعة للمغرب كايضربها ... ليوما و لبارح جاتو فشي شكل ماحس براسو الا وهو كايتفكر تصرفاتها و كايبتاسم (احااام احااام حبي ليث ياك موالف كاضحك غير معايا مالك تاني 😂😂😂) ... بعد دقائق وصل للشركة ديالو اللي واخا ملكو كتبها فسمية ماماه هي و كَاع أملاكو و نفس الشيء مع زياد ... نزل من سيارتو بكل شموخ ريحتو سابقاه و اللي داز من حداه يحني ليه راس اما لبنات غير حالين فامهم فيه ... مشا لجيهة مكتبو و بدا نهارو فلخدمة و كايدوز المكالمات الضرورية ... شوية صونا ليه واحد تيليفون ماشي تيليفونو ... هو تيليفون اللي عند كَاع الاعضاء دلمافيا و اللي كايتميز بيه هو انو واخا بنادم يطير لسما و ينزل مايقدرش يحدد من خلالو الموقع او يفكك شفرات تغيير الصوت ...
ليث : (ببرود و الحوار بالانجليزية) ألو
The fox : هاي
ليث : اش كاين
The fox : (ماكايعجبوش البرود ديال ليث) كاين عدنا اجتماع من بعد نص ساعة فلمقر بخصوص شحنة ديال الاسلحة اللي غادي نستالموها بعد غدا
ليث : (بنفس البرود) اوك شوية و نكون تما (قطع عليه قبل ما يجاوبو)
⏳ بعد دقائق ⏳
وصل ليث للمقر (ملاحظة هاااااامة : منين كايجيو الاعضاء ديال المافيا كايجيو بطوموبيلات من النوع الرخيص العادي اللي كايركبوها ملايين الناس فامريكا او خارج امريكا و كذلك ديك السيارة ماعندهاش البطاقة (عرفتو هاديك اللي كاتكون دايرة بحال لبلاكة كاتكون معلقة فلقدام و اللور دسيارة و مكتوبة فيها الارقام هي هاديك) وهادشي باش تاحد مايعرف هوية لاخور ولاكين واش هاد تخبية ديال الهويات غادي تستمر؟؟اراءكوم كايهموني) و بالطبع دار ليكَات لكاسك و لماسك (ركزولي على القافية الله يخليكوم 😂😂) داز على غرفة الاجتماعات شاف بلي كاينين كَاع الاعضاء من غير زياد اللي هوما عارفين بانو دابا عندو ظروف مايقدروش يخليوه يحضر معاهوم ... مشا ليث لجيهة واحد الغرفة فداك ديبو حل لباب و سدو برجلو لمح شخص لابس اسود في اسود على اسود 😂 جالس على كورسي لابس ليكَات و داير لكاسك و نظاظر و لماسك هادا هو لبووووص 🔥🔥
ليث : (ببرود) على سلامتك
البوص : (ضغط على واحد زر وهو يتآفيشا لليث واحد طابلو فلحيط اللي مقابل معاه و لبوص كايكتب دغيا على لكلافيي اللي حداه)
البوص : على سلامتك نتا شحال هادي ماشفناك
ليث : غير مع لخدمة
البوص : واش غير مع لخدمة و لا الانسة ليالي هي اللي شاغلاك
ليث : (هنا حس بلي دنيا دارت و عاود دارت كيفاش و منين و ايمتا عرف ليالي مايمكنش شي واحد يعرف بانو هي فدارو و الا غادي تموووت ... حس بلخنقة ولاكين حافظ على نفس برودو و مابغاش يبين تاشي حاجة هادا هو طبعو) امممم دغيا وصلاتك لخبار
البوص : بالطبع تا حاجا ماكاتخفا عليا (الله يهديك ا شعايبي كَول استغفيرولاه ا الكافر بالله 😂)
ليث : مزيان
البوص : الخطوة اللي درتي باش انك تحبسها زوينة ولاكين كان خاصك تقتلها اول حاجة باش تعلم كيفاش تجرأ تقرب ل 🔥Flames of hell🔥 ... و هادشي ايلا مادرتيهش نتا انا غادي نديرو
ليث : (هناا سالات معاه كيفاش غادي يقتلها و هو بمجرد ماكاتكَولو خليني نمشي بحالي كايبغي يتسطا كيفاش غادي يتنفس و هي بعيدة عليه مستحيييل ... و رغم هاد نار اللي شعلات فيها الا انو احتافظ بالبرود ديالو) انا تحاسبت معاها مزيان و عارف شغلي و ايلا فكر شي واحد ايقرب لجيهتها ديك ساعة يترحم على راسو
البوص : صدقتي ماساهلش ا ليث كمال ماعندي مايتسالك
ليث : لا عندك ما تسالي و بزاااف (مشا جلس على واحد لكورسي كان تما مقابل مع ديال لبوص) و راني علمتك ايلا فكرتي و لو مجرد تفكير تقرب من جيهتها غادي ندمك ندم عمر شي واحد ندمو (الله الله شتو شحال كررت ندم ندمك ندمو 😂😂) و كانظن بانك عارف ملي كانكَول شي كلمة ماكانتراجعش عليها واخا يوقع اللي يوقع
البوص : (واخا هوا لبوص و لاكين خاف حيت عارف مزيان شنو كايسوا ليث و ايلا دار شي حاجة فراسو فراه كايوصليها لذلك قرر باش يبدل لموضوع قبل مايصدق مفرشخلو راس) لموهيم بما انك النائب عليا و اللي كاتوصل المعلومات دصفقات للاعضاء لوخرين نبغي كولشي يكون فاتم الاستعداد لهاد صفقة اللي غاتكون بعد غدا و الشحنة اللي غانستالموها هي الاسلحة و اللي غانبيعوها المخدرات من نوع لهيروين و لكوكايين وطبعا داكشي اللي غايدخل لجيبنا كتر من داكشي اللي غايخرج منو
ليث : (ناض وقف) اممممم مزيان نتشاوفو من بعد (تم غادي باش يخرج و هو يوقف عاطي بظهرو للبوص) و عنداك تفكر تقرب لجيهتها و الا حسب راسك ميت (حل لباب و رجع ردخو)
YOU ARE READING
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
