بسم الله الرحمان الرحيم
*اللهم ابدل عُسرنا يُسرًا، وفرج عنا كل ما ضاقت به صدورنا و ارزقنا من حيث لا نحتسب يا الله 💛
*لا تؤجل عمل اليوم إلى الغد 🍂
*ترون بالبصر و لا ترون بالبصيرة بعد الحياة موت أيامنا قصيرة 🍁سااااالااااام بطاطاتي كانتمنى تكونو بيخير و بالللف خير هاني جيت و جبت معايا لجديد احم نقدر نكَولكوم انو وصلنا تقريبا لنص القصة تقريبا يعني دابا حنايا بعاااااد على النهاية و لاكين باقي شوية نوصلو لنص القصة ... شكرا بزاااف على الدعم ديالكوم و التفاعل و ماكرهتش تشاركوني بتوقعاتكوم و اراءكوم كانبغيكوم من اعماق شرايين قلبي ❤❤
نرجعو فين كنا ⏪⏪⏪
# عند إخلاص
فاقت من نعاسها بكري اللي اصلا مانعساتوش بايتة مشطونة بزااف على زياد لدرجة حلمات بيه هادي هي إخلاص مولات لقلب لكبير و لحنين غير يتعطل عليها شي واحد كايبقا عقلها معاه و كاتبقا مشطونة ديما منين خوها أسامة كايتعطل كانت ماكاتنعس تا كاتشوفو داخل خصوصا ايلا ظلام لحال و هو عاد ماجاش ... جرات لكورسي لمتحرك بيدها و بصعوبة ناضت كَلسات عليه بقات كادور فروايض دخلات لطواليك دارت روتينها خرجات لوات عليها واحد ليزار صلات منين سالات بقات كادعي ربي يلاقيها بصاحبتها و يرجع زياد سالم و يشافيها ... عيطات على لخدامة هبطاتها شعلات تلفازة كادوز بيها لوقت عينيها فيها و لاكين عقلها معاه ... داز لوقت جا وقت لغدا كلات بزز حيت كانت كاتحس براسها ماتقدرش تحل عينيها رجعات تاني لنفس حالتها و مرة مرة تدوي مع لخدامة دوز لوقت ... ظلام لحال و هو باقي مابان كانت كَالسة على احر من الجمر كاتسناه يبان و عينيها مغرغرين بدموع و والو باقي مابان داها نعاس على لفوطوي و هي كاتسناه و رموشها فازكَين بدموع ...
# عند لياليفاقت ليالي و اول حاجة دارتها من بعد ما حلات عينيها و ناضت من ناموسية و حلات لباب دطواليط هي تقيات (لبناااااات دابا دابا هبطو ل لكمونتير كتبولي شنو كنتو كاتوقعو غادي دير) شللات فمها و دارت روتينها خرجات لبسات كيطمة كحلة مع تقاشر كوحل مشطات شعرها و خلاتو مطلوق حيت راسها كايضرها و هبطات (ماصلاتش حيت السيدة دارت قيام الليل و صلات لفجر ... غادي تساءلو كيفاش عرفات لوقت ايوا ا سيادنا نفس توقيت اللي كايودن فيه فلمغرب و ناضت صلات عادي كانتمنى لفكرة تكون وصلات ولا راه عاد فلمحطة 😂) ... هبطات بتقاشر بلا بانطوفة بلا والو مشات نيشان للكوزينة كَالت لدوك لخدامات هاي و مشات لتلاجة حلاتها دخلات فيها كولها كاتقلب بعينيها على حبيب قلبها لحامض لقاتو تما هزات شبكة ماغسلاتوش حيت كَالوليها راه نقي وهزات لملحة و لموس خرجات كَلسات فصالة دارت MBC 3 كاتفرج ف دورا (طفولتي دازت و انا كانتفرج فدورا كانوض على نبوري باش نتفرج فيها 😂)كاتقسم لحامض على جوج كاتغمسو فلملحا كاتاكل و كاتبنن ... داز وقتها و هي كاتاكل فداك لحامض و خرجات كاتشم لهوا فجردة بقات كاتمشا و تكتاشف فيها كانت تقريبا عامرة بلبوديكَارد و فينما دوز على شي واحد يحني راسو حسات براسها شي حاجة ايوا بقات هاكاك ... رجعات للقصر دخلات عليهوم للكوزينة لقات صفاء واقفة عليهوم كاتوريهوم اش يديرو بالضبط ...
![](https://img.wattpad.com/cover/235771089-288-k423637.jpg)
YOU ARE READING
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...