နေရာပြောင်းအစီအရင် (၃)/ ေနရာေျပာင္းအစီအရင္ (၃)

451 47 1

by Dika65

by Dika65

ရုတ်တရက် ထွက်ပေါ်လာသည့် စကားသံ
ကြောင့် ရှောင်ကျန့်ကော ဝမ်ရိပေါ်ပါ ထခုန်မိ
မတက် လန့်သွားကြသည်...။

ရှောင်ကျန့်က သူ့အိမ်ထဲ၌ သူခိုးဝင်နေသည်ဟု ထင်မိသည့်အတွက် အနီးက အလှပြစင်တွင် တင်ထားသည့် ဓားရှည်တစ်ချောင်းအား ဆွဲကိုင် လိုက်ပါ၏...။

ထိုဓားရှည်သည်ကား The Untamed အဖွဲ့သား များက လက်ဆောင်အဖြစ် ပေးထားသည့်
ဝေ့ဝူရှန်း၏ လက်စွဲတော်ဓားရှည်
" ဆွေ့ပျံ့ ''.....။

" ဘယ်သူလဲ.... ထွက်လာခဲ့စမ်း ''

ဝမ်ရိပေါ်လည်း အသံသည် မသင်္ကာဖွယ်
မရိုးသားမှန်းသိသည်နှင့် ခေါက်ဆွဲ ပန်းကန်
အား မ,ကာ ရှောင်ကျန့်၏ နောက်၌ ဝင်ပုန်း လိုက်၏...။

//ကျန့်ကောမှာ ဓားရှိတယ်။ ဘယ်သူ့ကိုမှ ကြောက်စရာမလိုဘူး... //

ထို့နောက် ခေါက်ဆွဲ ဆက်စားနေပါ၏..။

ခပ်ရွှင်ရွှင်ရယ်သံသည် ထပ်မံထွက်ပေါ်လာပြန် သည်...။

" အိုင်းယိုး.... ဓားကြီးကိုင်ထားပြီးတော့
ခုတ်ကော ခုတ်တက်လို့လား..ဟ ဟ ''

ခပ်ရွှင်ရွှင်ရယ်သံသည် ဘယ်ဆီက လွင့်ပျံလာ မှန်း ခန့်မှန်းရခက်လှ၏....။

ထိုအသံပိုင်ရှင်ကို ရှောင်ကျန့်ကော ဝမ်ရိပေါ်ပါ
ရင်းနှီးနေသော်ငြားလည်း ဘယ်သူ ဘယ်ဝါမှန်း မခွဲခြားနိုင်ပေ.....။

သို့နှင့် တစ်ယောက်နှင့်တစ်ယောက် မျက်လုံးချင်း ဆုံလိုက်ကြပြီး မျက်ခုံးချင်းစကား
ဖလှယ်လိုက်ကြသည်...။

ရှောင်ကျန့်သည် မျက်ခုံးလေး ပင့်၍ ပင့်၍....။

ရှောင်ကျန့်: : ဝမ်ရိပေါ်.. အဲ့ဒါဘယ်သူလဲဆိုတာ မင်းသိလား?

ဝမ်ရိပေါ်သည်လည်း ခေါက်ဆွဲပလုပ်ပလောင်း ဖြင့် မျက်ခုံးလေး ဝင့်၍ ဝင့်၍....။

ဝမ်ရိပေါ်: : မသိဘူး...။ ခင်ဗျားကော?

ရှောင်ကျန့်: : ငါလည်း မသိဘူးဟ! !

ရှောင်ကျန့်နှင့် ဝမ်ရိပေါ်တို့နှစ်ဦး မျက်ခုံးချင်း စကားပြောနေစဉ် အသံသည် ထပ်မံထွက်ပေါ်လာပြန်၏....