The Desperate Ex-Wife

Book 1: 2

Warning: posibleng may info overload sa chapter na ito. I have to explain things kasi. Medyo kaka-overwhelm if you are looking for an easy read.

Anyway, this is just the first draft. Irerevise ko pa ito. I just need to post it para ma-push ako na tapusin. Comments are welcome. Wala lang bastusan, kase hello, hindi ko kayo sasantuhin. hahahaha!)

*********

"IBIG mong sabihin, dito lang tayo sa sasakyan? Hindi tayo papasok? Hindi tayo pupunta sa party?"

            Nginitian ni Helga si Keith. Exaggerated. Kailangan niyang magpa-cute. Pinanlalakihan na kasi siya ni Keith ng mata. "Yep," wika niya. "Dito lang tayo. Dito natin aantayin kung dadating si Luke na may kasamang iba." Alam na rin ni Helga na hindi pa dumadating si Luke. Wala pa ang sasakyan nito sa mga naka-park.

            Napamaang si Keith sa kanya. "Hindi nga?"

            "Oo nga," paangil na sagot ni Helga. Mula sa kinapaparadahan ng itim na Range Rover ni Keith ay makikita nila ang lahat ng dadating sa party. "And this is a perfect spot." 

            "Anak ng..." Inihilamos ni Keith sa mukha ang kamay nito. "Eh, ba't 'di mo sinabi? Eh, 'di sana nag-shorts lang ako at T-shirt! Ang init-init."

             Tuluyan nang natawa si Helga. Pormang-porma kasi si Keith. Pinapanidigan ang pagiging kagalang-galang na miyembro ng Sangguniang Bayan. He was wearing a dark blue long-sleeved, button-down shirt. Nakatupi ang manggas niyon sa siko nito. He was also wearing a decent pair of jeans and not the usual worn-out, faded ones. "Eh, malay ko bang hindi tayo nagkaintindihan" wika niya. "Iba kasi ang nasa utak mo kagabi no'ng magkausap tayo. May iba kang ginagawa kagabi."

Umawang ang mga bibig ni Keith na para bang may sasabihin pero hindi nito itinuloy. He snorted.

Sa tingin talaga ni Helga ay may kasamang babae si Keith kagabi. Kung sabagay, lagi naman itong may kasama. Hindi ito nawawalan ng date. Wala naman siyang pakialam. Keith had needs. Natutuwa lang si Helga na asarin ito. Nagiging defensive ito masyado kapag nahuhuli niya. "Turn off the parking lights. Baka makita tayo ni Luke."

Hindi ito sumagot pero tumalima ito. He was obviously pissed off.

"Huwag ka nang magalit," wika ni Helga. "Ako din naman mukha ding a-attend ng party, eh." She was wearing a black halter dress. Her back was bare. Hanggang taas lang din ng tuhod ang hemline n'yon.

"Lagi kang mukhang a-attend ng party," angil ni Keith. Nilakasan nito ang aircon.

"Ba't mo nilakasan? It's cold!"

Keith snorted. "Sino naman ang hindi giginawin d'yan sa suot mo?"

Tumawa si Helga. "But it's pretty. Right? I am pretty."

Pinaikot ni Keith ang mga mata nito. Sumandal. Pumikit. Humalukipkip.

"It's from Trini's latest collection," wika niya. Kaibigan niya ang local designer. Helga was actually the Brand Ambassador. Ayaw daw ni Trini na kumuha ng mga celebrity na image model. According to her, she preferred women like Helga who were celebrities in their own right. Empowered women. Pero hula ni Helga nagtitipid lang si Trini. Okay lang sa kanya. Regular na may dumadating na mga damit para sa kanya. For free.   

Hindi pa rin umiimik si Keith.

"Galit ka talaga?" Humawak siya sa braso ni Keith, niyugyog niya iyon.

Nagmulat si Keith. "Hindi," angil nito.

Napangiti si Helga. He obviously was. "If it will make you feel better, you really look cute tonight, Keith."