The Desperate Ex-Wife

Book 1: 9a

"WALA nang bawian, Keith, ha? Sasama ka talaga sa amin ngayon," wika kay Keith ni Konsehal Dong habang naglalakad sila pasilyo papuntang session hall.

"Oho," sagot ni Keith. Ang tinutukoy nito ay ang lakad nila ng mga kasamahan niya sa Sangguniang Bayan mamayang hapon. May bagong bukas daw kasi na resto-bar sa gilid ng highway. "Nakapagpaalam na ako sa guwardiya-sibil."

Kahapon niyaya si Keith. At dahil matagal na rin namang hindi siya nakakasama sa mga ito at palagi na lang siyang nahihiritan, nagsabi siya kay Helga na hindi muna niya ito masusundo ngayong gabi. And yes, he really asked for Helga's permission.

Tumawa ang iba pang mga kasama nila. "Lagot ka kay Gob 'pag nalaman niya ang tawag mo sa unica hija niya."

"Lagot kamo kay Helga," wika naman ni Konsehal Gary. "Sa garahe papatulugin 'pag nagkataon."

Tumawa din si Keith. "Sabi ko lang naman 'yon," wika niya.

Nagtawanan uli ang mga kasama niya.

"Tara, pasok na tayo nang makatapos na ngayong araw," wika nito.

Noon naramdaman ni Keith ang pag-vibrate ng Blackberry sa bulsa niya. Inilabas niya iyon. It was Helga. Sa halip na pumasok ng Session Hall ay pumunta siya malapit sa bintana. Mas malakas ang signal doon.

"'Zup-"

"Keith, I have great news! My God, Keith, I'm so excited!"

Napangiwi si Keith sa tili ni Helga. He shushed her. "Dahan-dahan, babe," wika niya. "Ano'ng meron?"

Tumawa si Helga. "May kasama ka? May pa-babe-babe ka, eh," wika nito.

Napangiti si Keith. "Yep," aniya. Ang totoo, mag-isa na lang siya sa pasilyo. Wala ni isang tao. Gusto lang niyang tawagin ng ganoon si Helga. Paminsan-minsan lang siyang nakakalusot.

"I have great news, Keith!"

"Ano, positive na? Pregnant?"

"Quit showing off!" Tili ni Helga.

Tumawa si Keith. Para niyang nakikita si Helga na piandidilatan siya. Paniwalang-paniwala ito na may kasama nga talaga siya na nakakarinig sa kanya.

"O, eh ano ang great news kung hindi ka buntis?"

Tumawa na din si Helga. She, obviously, received a great news. Kung hindi ay hindi ito tatawa. Mumurahin pa siya sa sinabi. "I can't be buntis," wika nito. "Kakatapos lang ng period ko, remember?"

Napailing si Keith sa pagsakay ni Helga sa biro niya. Noong pauwi sila, no'ng Miyerkules, isang linggo na ang nakakaran, bigla na lang humawak nang mahigpit si Helga sa braso niya at napangiwi. She had menstrual cramps. "Ano'ng meron?"

"The results are out. I passed, Keith. I passed!"

Napakunot ng noo si Keith. Hindi agad nag-register sa utak niya kung ano ang sinasabi ni Helga. "Ng ano?"

"The qualifying exam for Foreign Service. I passed!"

Napaawang ang mga bibig ni Keith. Nakalimutan na niya ang tungkol doon. Parang may bumikig sa lalamunan niya.

"Hey, 'you still there, Keith?"

Napapitlag si Keith. "Choppy, Babe. Wait," wika niya. He took a deep breath while he pretended to look for a signal. "'Ayan okay na. Ano 'yon?"

Inulit ni Helga ang sinabi nito. She sounded really excited and happy.

And Keith did not have the heart to rain on her parade. "Really? Kailan mo nalaman?" Pumikit si Keith. Lumunok.

"Kanina lang," wika nito. "You know what this means, right, Keith?"

Sumandal si Keith sa pader. Alam na alam niya ang ibig sabihin niyon. Everything was going according to plan... Helga's plan.

"I'm so proud of you you." He really was. At iyon lang naman ang puwede niyang sabihin. Hindi kasi niya kayang sabihin na masaya siya para dito. His voice would surely break. At hindi dapat malaman ni Helga kung ano ang totoong nararamdaman niya tungkol sa bagay na iyon.

"We need to celebrate tonight, Keith. Hindi ka magluluto," wika nito. "Libre ko tonight. What do you want? Spanish bread or French fries?" Tumawa si Helga.

Ni hindi magawang ngumiti ni Keith. At sa tingin niya ay hindi rin niya kakayaning humarap kay Helga sa ngayon. Pero wala siyang pagpipilian. He had to pretend to be happy for her. "Sige, labas tayo mamaya," wika niya. "Sasabihin ko na lang sa kanila na hindi ako makakasama sa-"

"Oh, yeah, I forgot! May lakad nga pala kayo mamayang gabi," putol ni Helga sa sasabihin niya. "Just go with them. Kelangan mo din naman sumama paminsan-minsan. Bukas na lang tayo lumabas. Or maybe when you get home we can have a bottle of wine or something."

Home. Helga. Wine. Those three words sounded really perfect.

Pero alam ni Keith na kailangan muna niyang kalmahin ang sarili niya. "Okay lang?"

"Oo naman," wika ni Helga. "You need to have more friends and make more alliances, Keith. Para hindi ako mag-worry 'pag wala na ako sa tabi mo."

Pakiramdam ni Keith ay parang may pumiga sa dibdib niya. "Sige," wika niya. He felt stupid saying that. Pero wala na siyang maisip na sabihin. 

            "You want to have lunch with me, Keith? Or kung busy ka gusto mo magdala ako? D'yan tayo kumain? What do you want?"

Hindi pa niya kayang makaharap si Helga. Hindi pa niya narereconcile sa utak niya ang balita nito. "Medyo busy kami ngayon, eh. Ikaw din. Mapapagod ka pa."

"Are you sure?"

"Yes, babe," wika niya.

"'Yong puwesto mo sa session hall baka nakatapat na naman sa aircon. 'Yang likod mo. 'Di pa totally nawawala 'yong sipon mo."

Hesmiled. Helga could really be so caring when she wanted too. 'Yon nag isa samga mam-miss niya pag naghiwalay na sila. He sighed. Tumikhim siya. "Magsisimula na ang session. I need to go inside, babe."

"May kasama ka pa din?" Helga giggled.

Bahagyang tumawa si Keith. It sounded hollow. "Oo," wika niya. Pero nakapagdesisyon na siya. Sa ayaw at sa gusto ni Helga, iyon na ang itatawag niya dito. May nakakarinig man o wala.

Bakasakaling magsawa siya.

Pero malabong magsawa siya.