Unicode
ကြယ်တာရာတို့ စတင်စုဆည်းနေချေပြီ။ လမိုက်ညမို့ နက်မှောင်သော ကောင်းကင်၌ ထင်းဖြာနေသည့် ကြယ်တာရာများကို မော့ကြည့်ရင်း နက္ခတ်တချို့အား တွက်ချက်လိုက်သည်။
"အိမ်း... နတ်ဆိုးတစ်ကောင်မွေးဖွားလာတော့မှာပါလား...."
"နတ်ဆိုးတစ်ကောင်၊ ဟုတ်လား ဘွားဘွား"
အဘွားကြီးသည် မြေးဖြစ်သူ၏အမေးကို သဘောကျစွာ တွန့်ပြီးသားပါးရေတွေကို အရစ်လိုက်အထပ်ထပ်ဖြစ်သွားသည်အထိ ပြုံးလိုက်ပြီး ခေါင်းညိတ်ပြသည်။ ထို့နောက် ကောင်းကင်သို့ လက်ညှိုးညွှန်ထိုးပြလိုက်သည်။
"ဒီကြယ်တာရာတွေထဲက နှစ်ဆယ့်ငါးခုသော ကြယ်တာရာတွေရဲ့ အလင်းတန်းတွေက မိုးကုပ်စက်ဝိုင်းအလွန်မှာစုဆုံလိမ့်မယ်။ အဲ့ဒီအချိန်ကျရင် အဲ့ဒီနေရာမှာပဲ နတ်ဆိုးတစ်ကောင်ဖွားမြင်တော့မယ်"
"ဒါဆိုရင် ဘာဖြစ်မှာလဲဟင် ဘွားဘွား"
အဘွားသည် ကွပ်ပျစ်ပေါ်ထိုင်နေရင်းမှ ဖြည်းညှင်းစွာ အောက်သို့ဆင်းလိုက်ပြီး ကောင်းကင်ကိုတစ်ချက်မော့ကြည့်လိုက်သည်။ ကြယ်တာရာတို့၏ အလင်းတန်းများကလည်း စုဆုံရန် အချိန်နီးကပ်နေချေပြီ။ ထို့နောက် အဘွားဖြစ်သူ၏အဖြေအား စိတ်ဝင်တစားစောင့်မျှော်နေသော မြေးဖြစ်သူ၏မျက်ဝန်းများကြောင့် အဘွားကြီး ပြုံးလိုက်မိသည်။
"နတ်ဆိုးတွေက သူတို့ရဲ့အကြောင်းတရားကိုယ်စီကြောင့် မွေးဖွားလာတာပဲ ငါ့မြေးရဲ့။ လွန်ခဲ့တဲ့ နှစ်တစ်ရာတုန်းက မွေးဖွားလာခဲ့တဲ့နတ်ဆိုးတစ်ကောင်ကြောင့် မြို့ကြီးတစ်မြို့လုံးပျက်စီးဖူးတယ်လို့ ဘွားဘွားရဲ့အမေကြီးက ပြောဖူးတယ်။ သူ လူ့ဘဝတုန်းက အဲ့မြို့ကလူတွေကို မုန်းတီးစိတ်နဲ့သေဆုံးသွားတာကြောင့် အငြှိုးအမျက်နဲ့ ဒီမြို့ကိုဖျက်ဆီးဖို့ နတ်ဆိုးအဖြစ်မွေးဖွားလာခဲ့တယ်။ ပြီးတော့ ဖျက်ဆီးပြီးတာနဲ့ သူပျောက်ကွယ်သွားတယ်တဲ့။"
"သူဘယ်ကိုရောက်သွားတာလဲ ဟင် ဘွားဘွား..."
"အငြှိုးပြေပြီး ဘဝသစ်စသွားလား ၊ ဒါမှမဟုတ် ဘွားဘွားတို့မမြင်နိုင်တဲ့ ဘုံဋ္ဌာနတစ်ခုမှာ ဆက်လက်ရှိနေလားဆိုတာတော့ မသိနိုင်ဘူးပေါ့ကွယ်။"
YOU ARE READING
နတ်ဆိုးတစ်ကောင်နှင့်အတူမွေးဖွားခြင်း/နတ္ဆုိးတစ္ေကာင္ႏွင့္အတူေမြးဖြားျခင္း
Teen FictionUnicode အကယ်၍ သင်သာနတ်ဆိုးတစ်ကောင်ရဲ႕ နက္ခတ်နှင့်အတူယှဉ်ပြီး မွေးဖွားခဲ့မည်ဆိုလျှင်... Zawgyi အကယ္၍ သင္သာနတ္ဆုိးတစ္ေကာင္ရဲ႕ နကၡတ္ႏွင့္အတူယွဥ္ၿပီး ေမြးဖြားခဲ့မည္ဆုိလ်ွင္...