فتاة الهكرز

الجزء 2

وقبل هادشي نعرفكم على بطلتنا.. الإسم ديالها إيناس المنصوري عمرها 18 سنة كتقرا في لفاك.. شعبة العلوم الإنجليزية وكتميل للأدب بعض المرات في حين كتحفظ بعض سطور شعر نزار القباني.. بنت نحيفة وطويلة وبشرتها بيضة وشعرها رطب بني مع أعين بنية أيضا ورموش كثيفة وشفايف وردية بارزة ونيف صغيور.. كتموت على حوايج دراري والهيبهوب وداكشي الواسع.. غير مليكة اللي بزز باش كتلبسها بعض المرات ملابس أنثوية.. عايشة حياة بسيطة وعلى قد الحال باها كيشتغل في التجارة ديال الأحدية.. كتموت على شيحاجة سميتها قفازات جلدية عندها بجميع الألوان  مع القبيات الكحلة.. وعندها أقنعة أنثوية ونظاظر بيضين بمختلف الأشكال من طبيعة الحال ماشي ديال شوف غير تويشيات حيث الشوف عندها 10 على 10.. وبغيتو تعرفو علاش عزيز هادشي كامل.. باختصار هي هاكر وماشي غير هاكر عادي.. من أخطر الهاكرات في العالم وأكيد بهوية غير معروفة.. واللي كتعرف غير باسم سنايبر.. كتقدر تختارق أي حاجة بغات.. معروفة في مواقع الديب الويب ومن متتبعين الدارك الويب.. لكن حتى شي واحد مكيقدر يوصل ليها حيث الأجهزة ديالها محمية من الإختراق.. تعلمت الهاكر فاش كانت مراهقة من عند واحد الصديق إفتراضي في الفيسبوك.. واللي كان حتى هو من أخطر الهاكرات العالمية.. كان رجل في عمر السبعينات واسباني الجنسية.. عرف راسو كيعاني من مرض خطير غادي يأدي بيه للموت في أقرب وقت.. داكشي علاش مبغاش يموت ويدي معاه خبرتو في القرصنة.. وقرر أنه يبدا يعلمها من الصفر حتى الإحتراف.. وداكشي اللي كان علمها من خلال التواصل بيناتهم في الواتساب أبيل فيديو ودروس الأونلاين باللغة الإسبانية حيث هي دارسة ثلاثة ديال اللغات باحترافية الفرنسية والإنجليزية والإسبانية.. قبل مايموت كانت هي ولات محترفة القرصنة وهادشي مفراس لماماها لباباها.. بينها وبين راسها.. داكشي علاش مكتخليش ماماها دير الميناج للغرفة باش متكتاشف والو.. بالإضافة إلى أنها واخدة حزام الأسود في الكراطيه.. ومتدربة في نادي الباسكيط وكرة القدم وحتى الجري السريع.. احترافية في سياقة السيارات والدراجات النارية الضخمة.. بزز باش قنعت ولد عمها حفيظ شرطي باش يعلمها استعمال المسدس وهادشي سري أكيد.. وكان بامكانها تسرق حتى الأموال من البنوك وتولي غنية.. لكن المبادئ ديالها كأي فتاة محترمة مخلوهاش دير بحال هكا..



خشاتها في الحاسوب.. وطلع فيها فيديو واحد.. المشكلة هي واخا هكر مبغاش يتمسح ليها كأنه مبرمج ميتمسحش ومينتاقلش لشي لكارط أخرى.. يعني هاديك الكارط هو مكانو الوحيد ومفيكسي.. جاها فضول تعرف أش في الفيديو وفتحاتو.. وياريتها مفتحاتوش.. هنا كانت صدمتها القويييية...




                        دولة إيطاليا

في دولة إيطاليا وبالظبط في مدينة فوجيا هاد المدينة اللي معروفة أنها ساحة لأنشطة المافيا ومقر لإستهداف الأنشطة ديالها.. العصابات كتنشط في مجال تهريب السجائر والمخدرات والأسلحة والبشر.. وارتكاب جرائم القتل إلى دعات الضرورة.. وفي واحد المقر ديال أخطر العصابات الإيطالية في غرفة شبه مظلمة نايضة الحربة.. بين جوج ديال الشباب والكارد كيفكو.. كان إدوارد شاب في نهاية العشرينات.. وسيم من أم مغربية وأب إيطالي والشر بحال الشلال من عينيه.. شاد شاب آخر في عمر الواحد والعشرين وكيسب ويضرب فيه والكارد كيفكو.. شاف فيه إدوار بعصبية وقال:
_هضااااار اولد الكلبة فين القبييية..
كحب الولد دم من فمو وقال وهو كيحاول يعتق راسو من هاد المخلوق:
_راه قلت اسيدي.. لبستها داك النهار مني تعرضو ليا طاحت حدا الصطل ديال الأزبال..
زاد في وتيرة الضرب وقال بعيونو كي الصقر مني كيبغي يصيد فريستو:
_شكون عطا لأصل مك الإذن باش تهزها.. وعارف ديالمن هاديك القبيية ديال الگوڤيرنور معندكش الحق تحط عليها حتى صبعك مبقا غير تلبسها..
الولد باقي كي تفتف والدم خارج ليه من نيفو وفمو ووجهو كل كدمات قال بخوف ورعشة:
_س سمحليا سمحليا.. آخرر مرة ن نعاود..
حبس إدوارد من الضرب وقال وهو ضاغط على سنانو بغضب:
_إنا بلاصة لحتي فيها القبية..
رد عليه الولد وهو كيقفقف:
_سيدي راها غير قبية متحتاجش تضربني عليها..
مع هاد الهدرة اللي قال زادو إدوارد ضربة حتى الدم اللي كان واحل في عروقو سال وقال بعصبية:
_واش كيحساب ليك أنا هماني القبية اولد الكلبة.. واش عارف أشنو فيها ولا ولا.. راه فيها فيديو غادي يدمر عصابة ألكسندر.. وإلا مشا حتى وصل ليه حنى اللي غادي ندمرو الحمار..
وسع الولد عينيه من الصدمة حيث كان كيحساب ليه كيضربو غير حيتاش لبس القبية ديال الگوڤيرنور.. بينما دابا عاد عرف علاش.. والمشكلة إلى ملقاوش القبية هادي هي نهايتو.. جرو إدوارد من شعرو والكارد تابعينو خرجو على برا وخشاه في اللوطو أخر ماخرج من الماركات.. ركب وكسيرا بعد ماقاليه الولد على المكان اللي لاح فيه القبية.. بعد مدة وصلو المكان.. كان زقاق شبه ضيق وفيه سطولة ديال الأزبال..