فتاة الهكرز

الجزء 4

حركت ليه راسها باه.. بينما هو حيد عليها السلاح وكمل في الأغنية الغريبة ديالو..


باقا گالسة كتقفقف بالخلعة وكاتشوف دارها اللي مشبعها نقا وشقا.. كيفاش تقلبت كاملة في رمشة عين.. شوية تجمعو الگارد وقالو:
_ملقينا والو اسيدي.. قلبنا الدار كاملة.. بقا لينا غير داك البيت مسدود.. مبغيناش نحلوه بالسلاح غادي يتسمع الصوت..
قال الرئيس ديال لكارد وهو نفسو اللي كان موجه السلاح على راس مليكة..
_حيد لسلاح الصوت وهرس الباب ودخل قلب البيت..
مثثلو لأوامرو.. ملكة بقات حاضية والخوف مسيطر عليها.. تشجعت وسولت الراجل:
_س سيدي علاش كاتقلب.. حنا راه معندنا فلوس غير ناس فقراء..
الكارد جاتو الضحكة.. وفي نفس الوقت جاتو فكرة يسولها فقال:
_كنقلبو على كارط ميموار كحلى وفيها الخضر.. واش عارفة بنتك فين حاطاها..؟
مليكة زادت مخاوفها مني گال بنتك وقالت وهي كتزيد في وتيرة البكاء:
_لا..لا هئ بنتييي مداااارت والو هئ هييئ..
تعصب من ردة فعلها وقال بغضب:
_سدي فمك وجاوبي على سؤالي..
_لا اسيدي والله معارفة.. بنتي كتسورت البيت وتدي معاها الساروت.. بيتها عمري شفتو حتى كيداير.. الميناج مكتخلينيش نديرو ليه...
شاف فيها باستغراب.. كيفاش كتسورت البيت مالها دايرة فيه ذهب كيلوباترا.. حرك راسو بنفاذ صبر وقلب عليها حسن متعصبو ويصدق قاتلها..
أما الكارد لوخرين انفوا حلو الباب ديال البيت تصدمو صدمة العمر.. معرفوه واش بيت ولا محل ديال صالح الأجهزة الإلكترونية.. خيوطة منتاشرين في الأرض.. والبسيات ماشي واحد وماشي جوج.. القبيات الكحلة معلقين في المسامر.. والحوايج مرمين فوق الناموسية.. شافو في بعضياتهم وبداو ياخدو تصاور وفيديوهات لهاد الغرفة اللي بالنسبة ليهم تحفة ومستحيل تكون لفتاة ثم توكلو على الله وبداو يقلبو ويخملو في نفس الوقت..(كن غير رونتي ليهم امليكة الدار يخملوها ليك😂).. واحد شد الناموسية خملها آاا قلبها ملقا والو.. وكلا فين كايقلب.. واحد حل الماريو ديال الحوايج قلبو كامل.. حتى لقا واحد الصندوق حمر هزو فتحو وهنا توسعو عينيه مني شاف الكارط محطوطة في هداك الصندوق بوحدها فوق واحد التوب ديال الحرير.. بدون تردد مشا طاير لعند الرئيس ديالهم وقال بفرحة:
_لقيتها اسيدي لقيتها.. هاهي..
وبدا كيوريها ليه.. شدها من عندو بسرعة ودوز أبيل لإيدوارد من خلال السماعة..



في حين إيدوارد كان باقي كايغني في اغنيتو السخيفة وإيناس كترعد حداه بالخلعة.. حتى كايسمع رنين في السماعة.. بسرعة دوز الخط.. وسمع الرئيس ديال لكارد كيقول:
_سيدي لقينا الكارط..
جاوبو إيدوارد وهو ظاغط على سنانو بغضب:
_بقاو تما حتى نعطيكم الإذن بالخروح..
ثم قطع عليه.. ودور وجهو لجهة إيناس اللي باقا على نفس الحال.. شاف فيها بنظرات قاتلة وقال:
_علاش كذبتي عليا..؟
شافت فيه إيناس بصدمة وقالت:
_فااش..!!؟
_بخصوص الكارط.. قلتي رميتيها وهي باقا عندك
تصدمت من كلامو وقالت بخوف:
_ولكن باش عرفتيها..
جاوبها بابتسامة مكر:
_الحبيبة ديالي.. إيدوارد أي حاجة بغاها كيوصل ليها.. وبالمناسبة هجمنا على ماماك وقلبنا الدار ولقينا الكارط..
هاد المرة إيناس مبقاتش قادرة تصبر.. عطات العنان لدموعها وقالت بشهقات وثوثر:
_هانتا لقيتيها وخلينا عليك.. صاافي هئئ
إيدوارد بقا حادي ملامح وجهها الجميلة.. خصوصا فاش بدات تبكي ولا نيفها حمر وشفايفها حمرين.. بقا حادي كل جزء من وجهها ومركز على شفايفها.. سب راسو علاش بقا كيغني قبيلة.. كن غير بقا حادي هاد الوجه الجميل اللي عاد قدر ينتابه ليه.. خرج من أفكارو على شهقاتها اللي تعلاو.. فقال وهو ضاغط على سنانو بغضب:
_شفتي المحتوى ديال الكارط..
هنا حبست على البكا.. وركزت فيه الشوفة بصدمة على إثر سؤالو.. بينما هو بردة فعلها أكدت ليه بلي شافت الفيديو كامل.. ولكن كيفاش شافتو وهو ميمكنش يتفتح لأي واحد.. جاوه شكوك ولكن دغيا نفاهم حيث مستحيل يكونو صحاح.. ولكن الميساج اللي وصلو في التيلي هو اللي أكد ليه شكو مئة بالمئة.. هو شاف تصاور بيتها لمورن وقال ليها بابتسامة ماكرة:
_يعني نتي هاكر..؟
هي تصدمت صدمة العمر.. كيفاش عرف بأنها هاكر وهي مخبية هاد السر ومفراس حتى واحد.. إذن كيفاش حتى عرف هدا.. فقالت بثوثر:
_ك كيفاش هاكر.. لااا أنا ماشي هاكر..!
_إدن كيفاش حتى قدرتي تشوفي المحتوى ديال الكارط.. ونتي ماشي هاكر.. لأنه ميمكنش لهاديك الكارط تخدم في جهاز ممحميش من الإختراق..
حركت راسها بلا وقالت:
_لا أنا مشفتش أش فيه گاع..
_ههه براكة من الكدوب.. راه باين في عينيك!!
_صافي الله يخليك.. خليني نمشي فحالي
_لا أحبيبة حتى نوضحو شي أمور.. نتي شفتي أشنو في هداك الفيديو وخاصك تعاقبي..
زادت مخاوفها وقالت بهلع وثوثر:
_لا الله يخليك.. غندير بحالا عمري شفتو وغنساه والكارط غير ديها.. تيقني سركم في هداك الفيديو غيبقا في هاد البلاصة غير متقتلنيش..هيئ هئ..
ضحك إيدوارد على إثر كلامها وقال:
_ههه.. سمعي كن كان هداك الفيديو كيخصنا حنا كلا قتلتك شحال هدا.. ولكن هو ماشي ديالنا وماشي حنا اللي نديرو دوك الأعمال.. ولكن مع ذلك مخاصكش تبقاي هنا نتي غتمشي معايا..
خرجت عينها فيه وقالت:
_لا مغانمشي معاك لحتى بلاصة.. ياك قلتي الفيديو ماشي ديالكم...
ابتسم بمكر وحط ايديه على السماعة وقال:
_واش ماماها.. كيفاش أشنو نديرو معاها.. قتلوها
إيناس عينيها خرجو من الصدمة.. معقلتش على راسها حتى لقات راسها كتقول بهسترية وبكاء وهي شادة ليه في ايدو وكطلب:
_لاااا.... لااا لا الله يخليك.. مديرهاش حشومة عليك أشنو دارت ليك مااما.. واش تبغي شي واحد يقتل ماماك.. الله يخليك هئ.. متقتولهاش
ثأثر إيدوارد من هضرتها.. وأكيد حتى هو مغاديش يبغي اللي يقتل ليه مو.. خصوصا وهي شادة ليه في ايدو وكطلب وترغب فيه.. بدون تردد حط ايديه على السماعة وقال بحدة:
_متقتلوهاش.. ولكن غير قولو ليها توادعي مع بنتك..
إيناس معرفت واش تفرح ولاتبكي.. قالت بخوف:
_و واش غ غادي تقتلني..؟
جاوبها بكل ثقة وهو كيديماري اللوطو..
_عتابريه شرط.. باش منقتلوش ماماك.. وهو أنك غادي تنضمي لينا..
_شافت فيه إيناس بصدمة وقالت بثوثر:
_أشنو بغيتيني.. خليني نمشي فحالي..
على إثر كلامها فرانا اللوطو بقوة.. ومن وراه الأسطول ديالو.. وقال بصرامة وهو كايشوف في إيناس شوفات قاتلة:
_أوكي سيري.. ولكن عتابريه أخر نهار غادي تشوفي فيه ماماك.. ياله نزلي..
إيناس حطها أمام الأمر الواقع.. معرفت أشنو دير.. واش تحرر راسها وتخاطر بحياة ماماها.. أولا تنقد ماماه وتنظم لهاذ المجرمين.. ولكن هي مستحيل تخلي شيحاجة تآذي حياتها واللي هي ماماها.. فقالت بخوف ودموعها كيسيلو بثوثر:
_و واخاا.. غادي نمشي فين مامبغيتي.. غير خلي ماماا عايشة.. هئ هئ الله يخليك..
ابتسم إيدوارد إبتسامة نصر وقال:
_ماماك غادي تبقى بيخير.. ونتي غادي تمشي معايا فين مديتك.. ومتقولي والو.. يعني نتي تحت الآمرة ديالي..
حركت ليه راسها بأه.. وهي عاطية لعنان لدموعها يسيلو.. في حين إيدوارد نطالق بالسيارة وعلى وجهو ابتسامة نصر.. كيسوق ويغني على إثر نغمات شهقاتها.. حتى سمع رنين في السماعة جاوب بدون تردد وقال:
_وي الگوڤيرنور ..
كان الگوڤيرنور داخل بالسيارة ديالو الراقية للقصر ديالو الرائع اللي كان على الخرجة ديال المدينة .. قصر كبير بمعنى الكلمة.. وفيه بوابة محيطة بالكارد وفي الداخل حديقة خضراء مزينة بالورود الملونة والبسين.. مع جلسة بالفوطوي.. قال بصوتو الرجولي الصارم وهو ضاغط على سنانو:
_إيدوارد.. لقيتي الكارط..؟
جاوبو إيدوارد بكل ثقة ومتملكو شوية ديال الخوف:
_وي الگروڤينور.. راه لقيناها من بعد ونعاود ليك التفاصيل..
الگوڤيرنور وقف اللوطو ديالو ونزل بهيبتو القوية متوجه داخل القصر.. فقال بحدة وهو غادي بخطوات ثابثة:
_اوكي..
ثم قطع عليه وكمل خطوات حتى دخل لداخل القصر.. وتم كانت امرأة كبيرة في السن كتنتاظرو فوق الفوطوي.. انفوا شافتو ناضت بسرعة كتجري عندو وقالت بفرح:
_ ولدي فهد.. حبيبي توحشتك..
تلاحت عليه بتعنيقة من الأعماق وحتى هو بادلها العناق بشوق وقال:
_ماما.. الحبيبة.. واش نتي بيخير؟
حيدت عليه وقالت بابتسامة فرح:
_اه اولدي أنا بيخير.. خصوصا مني شفتك..
ضحك ليها وقال بحب:
_الحبيبة ديالي..
_أجي اولدي دخل..
توجه هو وياها لصالة وتما جلسو كيهضرو.. بعد ماعطات الإذن لخدامات باش يجيبو القهوة والحلويات..


مني سمعاتو إيناس كيلتاقط الأوامر من عند شخص أخر واللي ملقب بالگوڤيرنور كيف ماسمعت عرفت راسها غادي تقفرها.. إلى كان هذا غير الخادم ومجنون بالقتل إذن كيفاش غادي يكون السيد ديالو أكيد كثر منو ومغادي دوز معاهم حتى نهار كامل.. لعنت راسها ألف مرة على النهار اللي فكرت تشري فيه هاديك القبية اللي تسببت ليها غير المشاكل.. كن غير تسنطت لهدرة مليكة ومشراتهاش ولكن دابا اللي عطا الله راه عطاه.. الندامة معندها باش تنفع.. بعد مدة قصيرة ديال الطريق وقف إيدوارد اللوطو بقوة في مكان خالي متواجد فيه جوج طائرات خاصة.. دور وجهو جيهتها وقال بصرامة:
_نزلي.. وديري عقلك باش تحافظي على روحك..
بلا متعاود معاه الهضرة نزلت.. وحتى هو تبعها بتمختر وابتسامة شر ومن وراه الكتيبة ديالو..
للحظة وقف عليه رجل من لكارد وقدم ليه الكارط في ايدو وقال:
_هاهي اسيدي..
خداها من عندو وضحك بمكر وبقا كيقلب فيها كأنو ممتيقش باللي راها في ايدو ثم قال بمكر موجه هضرتو للكارد:
_درتو داكشي اللي قلت ليكم..
_اه اسيدي درنا گاع التعليمات اللي أمرتينا بيها..

                 قبل ساعة من الزمن
كان الرئيس ديال لكارد باقي موجه الفوهة ديال المسدس جيهة راس مليكة وهي غير كتقفقف وتنخصص بالخلعة والبكا.. ديك الساعة كان خدا الأوامر من عند إيدوارد باش يقتلوها.. تردد في الأول حيث مقدرش يقتلها وهي مرأة قد مو.. لكن لمدارش خدمتو هو اللي غادي يموت.. ياله غادي يضغط على الزناد باش تخرج الرصاصة..