كانت ديك الساعة فاتت الوقيتة ديال الغدا.. يعني قرب الوقت خاصها تبدا تجهز.. بعدما سالات من وجهها.. حيدت الفوطة ولبست دوك الملابس الداخلية.. عاد لبست الفستان ديالها وشعرها صوباتو وقررت تخليه مطلوق على راحتو.. قدات بعض المجوهرات الخفيفة.. ولبست السندالة.. وأخر حاجة كانو هوما الليكات.. بعدما سالات وقفت قدام المرايا كتشوف راسها كيفاش ولات رائعة.. وحتى جمالها زاد أكثر.. ابتاسمت ابتسامة رضا وهي غاطير بالفرحة أكيد دبا غادي تعجب مسيو الگوڤيرنور.. وهي وسط تفكيرها قاطعها صوت التيلي كيرن.. مشات هزاتو وتوسعت ابتسامتها مني لقات إسم فهد.. بسرعة فتحت الخط وقالت بهدوء:
_ألووو..
جاوبها الگوڤيرن وهو گالس في المقعد ديال السائق ديال السيارة قدام البوابة ديال القصر قال بابتسامة:
_آنسة سنايبر.. واجدة..
ردت عليه بخجل وقالت:
_اه واجدة..
_إذن خرجي أنا كنتسناك برا..
وسعت عينيها من الدهشة وبدا قلبها كيضرب بالجهد وهي كتسمع بأنها عن قريب غادي تلاقا الملك ديالها.. ابتسمت وقالت:
_و واخا..
ثم قطعت عليه وهزت بوشيطة مجهزة باللون الأبيض دارت فيها الهاتف وخرجت متوجها للخارج والإبتسامة مكاتفارقش وجهها.. بينما سوزن كانت جالسة في الصالون كتشرب من القهوة ديالها.. حتى هزت عينها وبانت ليها واحد الأميرة نازلة من الدرج.. ابتسمت وحطت الكأس فوق الطابلة وناضت عندها وهي كتقول بفرح:
_تباارك الله على الحبيبة ديالي.. جيتي بحال شي أميرة..
ابتسمت ليها إيناس وهي كتخطو أخر درجة وقالت:
_شكرا أخالتي..
_الله يحفضك من العين احبيبة..
_امين اخالتي..
قالتها ثم عنقتها وباست حنكها وقالت:
_ياله تصبحي على خير.. غانمشي دابا..
_سيري احبيبة الله يحفظك..
ابتسمت ليها ثم مشات متوجها للخارج.. في حين الگوڤيرن كان باقي جالس في المقعد ديالو كيتسنا الأميرة ديالو تلحق.. مع دور وجههو هاد المرة حل فمو وحل عينيه مني شاف هاد الجمال الرائع اللي شاف.. ابتسم لاإراديا ثم فتح الباب وخرج متوجه عندها.. بينما هي حتى قربت حدا السيارة وبان ليها نازل بكل هيبة ووسامة ولباسو الرسمي اللي وافقو وزاد جمال.. وقفت وبقات حالة فمها فيه.. بينما هو كان تقدم عندما ومد ليها ايدو باش تشد فيه.. بسرعة تمسكت ليه في ايدو وهي قلبها غيخرج من بلاصتو.. خدا ايدها عندو وداها عند فمو قبلها قبلة حنينة من فوق القفازات وقال:
_جيتي زوينة..
ابتسمت ليه بخجل وحركت ليه راسها بشكر.. بينما هو مبقاش قادر يصبر.. جرها عندو قليلا وحدر راسو قبل حنكها قبلة حنينة كيستنشق بيها عطرها اللي كيحمقو.. حست بيها من خلالها بالفراشات في بطنها.. ثم نزل راسو قليلا وقبل عنقها وهو كيداعب خصلات شعرها الحريري.. ثم قال بصوت هادئ ومسكر:
_أحسن مشافتو عيني.. هو هاد الجمال..
جاوباتو بهدوء وهي كتستشق بدورها عطرو:
_شكرا..
بعدها رفع راسو وقال بابتسامة:
_نمشيو..
حركت ليه راسها وتمسك بايدها وركبها في السيارة عاد مشا للمقعد ديالو وانطلق خارج القصر.. وهااادشي كااامل داز تحت أعين سوزن اللي كانت حدا الباب تاع القصر وباقا حالة فمها من صدمة داكشي اللي شافت حتى لهادي منزلتش ليها على بالها وهي كتشوف ولدها فهد كيقبل الضيفة ديالو اللي ولات كتعتابرها بحال بنتها.. لكن بسرعة حولت ملامحها لفرح ووسعت ابتسامتها وهي كتقول:
_الله على ولدي عرف شنو يختار.. ههه
ثم دارت متوجها لداخل القصر..
بينما الثنائي ديالنا.. كانو باقين غادين في السيارة من وراهم الكارد لإتجاه الهليكوبتيرات.. لأن الحفل غيكون في روما أكيد.. والصمت هو سيد المكان حتى قالت إيناس بفرح:
_أشنو المناسبة ديال الحفل..؟
جاوبها الگوڤيرن بابتسامة وقال:
_الحفل غيكون للسيد كريستوفر.. رجل أعمال مجهور في روما.. كيحتافل بمناسبة الخبر ديال أن السيدة ديالو حاملة..
حلت إيناس عينيها من الدهشة وقالت بابتسامة:
_مسكين غيكون فرحان دابا..
الگوڤيرن استغل فرحتها وقال:
_معلوم غيكون فرحان.. شكون هذا اللي غادي يتزاد عندو بيبي وميفرحش..
جمعت ضحكتها من الحشمة ودورت وجهها جيهة الشرجم متافدية الشوفة فيه.. بينما ضحك في خاطرو عرف راسو حشمها.. مدة كانو وصلو للمكان اللي كان متوفر على الهليكوبتيرات.. توجهو وركبو كان قريب يطيح الظلام.. مدة كانو في روما ديك الساعة ظلام الحال.. ركبو في السيارة ومن تم توجهو لقصر كريستوفر.. بعد مدة من الوقت كانو في مكان البوابة ديالو فيها بعض السيارات.. والناس الأثرياء كينزلو من السيارات الفاخرة وكيتمشاو من البوابة اللي كانت مفرشة ببساط أحمر طويل.. وقف الگوڤيرنور اللوطو بدرو ومن وراه الكثيبة ديالو اللي البعض منهم بقاو بعاد وأخرين قراب ووحدين نزلو من السيارة باش يطوقو المكان ويوقفو الصحافة اللي كتصور بدورها بهتافة الناس الأغنياء.. نزل الگوڤيرن بكل هيبة ورجولة من السيارة وكل الأعين عليه ومشا مباشرة لمكان إيناس فتح ليها الباب ومد ليها اليد ديالو اللي تمسكت بيها ونزلت معاه.. ثم تمشاو للداخل أيضا على البساط الأحمر.. وهي متمسكة بدراعو وحاسة بشوية ديال الثوثر.. وابتسامة طفيفة على وجهها.. وهي كتسمع المعزومين كيقولو بيناتهم باللغة الإيطالية "شكون هادي اللي مع مسيو الگوڤيرنور".."يمكن الحبيبة ديالو".."لا مكنظش تكون عندو حبيبة".."في الحقيقة زوينة وجات معاه"..
YOU ARE READING
فتاة الهكرز
Actionسلام.. كنقدم ليكم هاد القصة الخفيفة اللي كاتوفر على أحداث بسيطة ومتسلسلة وفي فترة زمنية صغيرة وغالب أحداثها كاينين على أرض إيطاليا كنتمنى تعجبكم وإلى معجباتكمش غير سمحوليا حيث هادي أول مرة كنكتب فيها شيحاجة وكنتمنى أرائكم
