فتاة الهكرز

الجزء 13

سبحان الله هاد الجوج مكتاب عليهم يموتو مع بعض.. ثم دار ومن وراه إدوارد متوجهين للخارج بخطى سريعة والغضب بدا كيتلاشى حيث وأخيرا قداو على أكبر عدو..

في حين إيناس كانت كاتعاون النساء يطلعو في السيارات بعدما أمرت الرجال يزيدو اللوطويات من غير هاديك اللي جابتها الگارد.. ويچيبو أيضا لباس ولبسوهم باش مايبقاوش عاريات.. حتى وقفت قدامها الگارد وقالت بامتنان:
_شكرا على هاد المغامرة الزوينة.. غادي نبقى نذكرك ديما في حياتي ونتي أطيب الخلق..
بادلتها إيناس الإبتسامة وعنقتها عناق حار قبل ماطلع الگارد في السيارة وتوجه غادة بالنساء ومن وراها سيارات أخرى يتكلفو بالنساء ويرجعوهم لمواطنهم الأصلية.. قاطع أفكارها الگارد كيقول:
_تفضلي معايا ا أنسة..
شافت فيه وتوجهت معاه غادين لأمام القصر..

بينما الگوڤيرن كان خرج من القصر وهو متحمس يشوف حبيبتو في أقرب وقت حيث اشتاق ليها واخا بعدو عليها غير نهار مكاملش.. حتى سمع صوتها لجميل كيناديه بقوه:
_فااااهد..
دور وجهو هو وإدوارد هاد الأخير اللي ترسمت على وجهو ابتسامة لكن مستغرب كيفاش كتعيط ليه بسميتو في حين اللي صديقو ومكيقدرش يقولها ليه ولكن قال ربما غير مع الخلعة.. بينما الگوڤيرنور ترسمت على وجهو ابتسامة ومشا كيجري عندها وحتى هي بدورها رمات الكاسكيط حتى تسندل شعرها على كتافها ومشات كتجري عندو حتى تخشات في حضنو وبدا كيقبل راسها بلهفة وكيستشق ريحتها وحتى هي كتستشق ريحتو وتبكي وتضحك بهستيرية.. وهادشي كامل تحت أعين إدوارد اللي ولا وجهو حمر بالصدمة وكارز على ايدو بالثوثر.. زاد قرب حداهم بخطوات أكثر باش يتأكد من شكوكو.. رفعت إيناس راسها وشافت في عينيه الزرق وقالت:
_الحمد الله موقع ليك والو..
بادلها الإبتسامة وهز ايديه شاد بيهم وجهها وكيقبل حنكها بقوة حتى كتغمض عويناتها وهي بدورها كتبوسو في حنكو حتى زير عليها وحط شفايفو على شفايفها كيقبلهم بعنف وكيحمد الله حيث موقع ليها والو.. وهوما كيتبادلو القبلة وعيون إدوارد مفتوحة حتى البؤبؤ قرب يخرج من بلاصتو وعاد كيحس بدمو كيفور.. آخر حاجة توقعا هي هادي.. أصلا هو كتعجبو إيناس من أول نهار شافها ومع الوقت عاد كيحس براسو كيبغيها وكان بغا يطلبها للزواج بعد مايلقاوها لكن تصدم صدمة العمر.. كثم غضبو وزير على راسو وهو كيقول في نفسو باللي غير ينساها حيث هي دابا ولات الحرمة ديال الگوڤيرنور وميمكنش ليه ياخدها منو خصوصا أنو كيشوفها كتبادلو نفس الإحساس.. دازت دمعة من عينو لكن دغيا مسحها وقرب عندهم كاثم ثوثرو.. في حين هوما كانو طلقو من بعضياتهم كينهجو.. حتى سمعو إدوارد كيقول:
_على سلامتك ا أنسة إيناس..
جاوباتو بابتسامة:
_شكرا خويا إدوارد..
على إثر كلمة خويا زاد زير على ايدو وقلب وجهو ومشا ركب في السيارة وهو حاس بالخنقة.. أما الگوڤيرن شد لإيناس من إيدها وداها ركبو اللور في السيارة وساق بيهم إدوارد ومن وراهم الكثيبة ديالهم.. الگوڤيرن شد لإيناس من خصرها وخشاها في حضنو بينما هي تمخششت فيه أكثر كتستنشق ريحتو اللي مستحيل تمل منها.. وإدوارد حاضيهم من المراية وكيتزير غير بوحدو مدة تقريبا طويلة كان الگوڤيرن وسياراتو قدام القصر.. تفتحت البوابة ودخلو.. حتى وقفت السيارة وخرج في ايدو إيناس اللي استسلمت للنوم.. ومع الدخلة كتبان ليه سوزن جاية كتجري والدموع في عينيها تلاحت على ولدها عنقاتو وقال بحرقة:
_الحمد الله اولدي رجعتي سالم..
باس راسها وقال بحب:
_أنا بيخير الحنانة متخافيش..
ابتاسمت ليه ونزلت راسها باست إيناس في حنكها وقالت:
_ولدي ياك هي بيخير..؟
حرك ليها راسو باه وقال:
_اه اماما غير ناعسة..
بعدت شوية بينما هو طلعها في الدروج حتى وصل لغرفتها وفتح الباب ونيشان حطها فوق الناموسية وقادها ثم باس جبينها وحنيكاتها وقبلة خفيفة من شفايفها.. حيث توحشها بزاااف...
عاد خرج من الغرفة متوجه لبيتو.. طلع بدل حوايجو وقاد الفاصمة للجرحة واستسلم للنوم بعدما بقا كايفكر في هاد النهار الخايب..


أما واحد إدوارد بعد مانزلو ودخلو.. كسيرا اللوطو بقوة ماوقف تكان قدام واحد البار.. نزل صاعر وتم داخل ومع كان عامر شوية غير يدخل ويدفع في بنادم حتى كيجيو طايحين وهوما غير يسبو فيه من السمطة لتحت ولكن شكون سمعو السيد مصمكو الحب.. طلع نيشان لفوق في جلسة منفردة وقال بصوت مرتافع:
_جيبووووو الشرااااااب..
حتى من النوادل ولاو غير كيقفقو بالخلعة بسرعة جابو ليه الشراب.. الليل كامل وهو يشرب ويقول:
_نساها عليك.. نساها عليك..



أصبحنا وأصبح الملك لله
فاقت إيناس وهي كتحل عويناتها ببطء على إثر لمسات حنينة وحرشة في خدها.. حلت عينيها حتى كتقابل عينها مع عينو وهو مفطح حداها فوق الناموسية بعرضو ووجهو فوق وجهها.. بدا قلبها كيضرب بسرعة.. وخدودها تلونو وكتحس بالفراشات كيلعبو في بطنها.. شاف في عويناتها بابتسامة طفيفة وقال بهدوء وقال:
_صباح الخير أزين..