Will You Ever Notice? (Bad Girls Series #2)

Chapter 24

Chapter 24

"Ga'no katagal na kayong magkaibigan?"

Tiningnan ako ni Caleb nang tanungin ko 'yon. Nasa isang maliit na shed lang si Lael sa hindi kalayuan, kausap ang ilang mga surf instructor doon. May mga naka-display na surfboards at mayro'n ding desk kung saan magfi-fill up ang kukuha ng instructor o magrerenta ng surfboard.

I've never tried it yet—surfing. Hindi naman kasi ako magaling sa mga gan'yan; sports or the likes. I'm not that adventurous.

"Last year lang, start ng senior high," ngisi ni Caleb. "Galing 'no?" He chuckled.

Tumango ako at ngumisi.

"Parang ang tagal n'yo nang magkaibigan," I said.

"Hindi naman sa tagal ng pagkakaibigan malalaman kung malapit na kayong dalawa ng kaibigan mo," he said, and I nodded because I agree. "Ikaw sa amin. Ilang months pa lang naman tayong magkakasama pero close na kami sa'yo," he laughed, not even embarrassed with what he claimed.

Nang makita ni Caleb ang ekspresyon kong halos umiirap, lalo s'yang napangisi at itinulak ako gamit ang balikat nang kaunti. Napa-atras ako nang kaunti dahil do'n.

"Bakit? Hindi pa ba tayo close?" He laughed.

Napangiti ako at tiningnan na lang si Lael na kausap pa rin ang mga nandoon. Nagtatanong kasi s'ya kung magkano ang pagrenta ng boards o ang instructor.

Marunong silang dalawa ni Caleb kung pa'no mag-surf kaya baka ako ang kukuha ng instructor. Gusto ko lang subukan since nandito na rin naman ako. Mukhang gustong-gusto na rin subukan ni Caleb dahil kanina pa n'ya nire-request ang surfing.

May ilang available na instructor nang nandoon kaya naman lumapit na kami ni Caleb para sumali sa pag-uusap.

"Wala po bang babaeng instructor?" Narinig kong tanong ni Lael sa mga kausap.

Nang makalapit kami ni Caleb, napalingon sa akin si Lael at napansin ko ang kaunting kaseryosohan sa ekspresyon n'ya. Nagtataka ko s'yang tiningnan pabalik pero ibinalik n'ya ang tingin sa instructor.

"Wala hong available, sir."

Nakasuot ng maluwag na white shirt si Lael habang itim naman ang kay Caleb. They are both wearing board shorts and a pair of flip flops. Ang mga instructor naman na kausap namin, kung hindi naka-basketball jersey o tank top, naka-topless naman at nakabalandra ang tan na mga balat at well-toned na katawan.

"Isa lang po ba ang kukuha ng instructor?" Tanong ng isa sa mga instructor, nakatingin kay Lael.

"Yeah, me," I answered.

Napatingin sa akin ang instructor at tumango bago kina-usap ang ilang kasama sa kung sino ang magi-instruct.

"You sure?" Tanong ni Lael bigla sa akin kaya napalingon ako sa kan'ya, nagtataka.

"About?"

"Puwedeng ako ang magturo," he mumbled, halos hindi ko na marinig dahil sa lakas ng hampas ng alon sa dalampasigan.

Hinawakan ni Lael ang batok n'ya at nakita ko ang pamumula ng tainga n'ya dahil sa sinabi. Hindi n'ya ako tinitingnan at mukhang iniiwasang makita ko ang ekspresyon n'ya.

I asked him to repeat what he said kahit na narinig ko naman.

"Wala," he said, embarrassed, before he shook his head.

"Puwede naman, kung okay lang sa'yo," sabi ko kahit hindi na n'ya inulit ang sinabi n'ya.

Parang lalong namula si Lael dahil hindi na s'ya nagsalita at hindi pa rin makatingin sa'kin.