ခိုင်မြဲစေလို(Zawgyi)
Chapter-7♡︎
"မေမေ နေပြည်တော်ကို သင်တန်းသွားတက်ရမယ်သား။"
မေမေ့စကားကြောင့် ခွန်မြဲ ထမင်းစားလက်စဇွန်းကို ပန်းကန်ထဲသို့ပြန်ချထားလိုက်သည်။
"ဘယ်လောက်ကြာမှာလဲမေမေ။
ကျွန်တော့်စာမေးပွဲနီးနေပြီလေ။"တစ်အိမ်လုံးတွင်သားအမိနှစ်ယောက်တည်းသာရှိတဲ့အထဲ မေမေက နေပြည်တော်သွားမယ်ဆို သူတစ်ယောက်တည်းကျန်ခဲ့မှာပေါ့။
"၁လတက်ရမှာသားရဲ့။
သားကို ခိုင်တို့အိမ်မှာအပ်ထားခဲ့မလားလို့"မေမေက လေးလေးနက်နက်ဆိုလာတော့
ခွန်မြဲ ကလန်ကဆန်မပြောချင်တော့ပါ။
သို့သော်"ကျွန်တော့်ကို စားဖို့စီစဥ်ပေးခဲ့ရင်ရပါပြီ။
အဝတ်လည်းကျွန်တော့်ဘာကျွန်တော်လျှော်တတ်ပြီး မီးပူလည်းတိုက်တတ်တာပဲ။
အန်တီခိုင်တို့ကို အားနာစရာကောင်းပါတယ်"ခွန်မြဲစကားကိုကြားတော့ မေမေက ခေါင်းညိတ်ထောက်ခံသည်။
ခိုင့်မှာလည်း သမီးငယ်လေးနဲ့တင် အလုပ်ရှုပ်နေသည်မဟုတ်လား။"အင်း...မေမေ ထမင်းဆိုင်မှာ
ထမင်းကို ချိုင့်ဆွဲစားဖို့စီစဥ်ပေးခဲ့မယ်လေ။သားတစ်ယောက်တည်းနေလို့ ဖြစ်တယ်မှတ်လား။"မေမေက ခွန်မြဲ ဆံနွယ်ညိုညိုလေးများကိုဖွရင်း ကြင်နာစွာဆိုလာသည်။
"ငယ်ငယ်ကလို မေမေ့ အင်္ကျီစကို ဆွဲထားရင် မေမေ ထွက်မသွားဘဲနေမှာလား"
ဆိုတဲ့အတွေးတွေကို ထမင်းစားပွဲပေါ်မှာရှိတဲ့ ရေတစ်ဖန်ခွက်နဲ့ပဲ ခွန်မြဲမျှောချလိုက်ပါသည်။သူလည်းရင့်ကျက်လာသင့်ပြီမဟုတ်လား။
______________________________________"သားရယ်...အန်တီတို့အိမ်လာနေလည်းရတာကို။သားခံ့နဲ့တစ်ခန်းတည်းနေပေါ့"
မေမေက သင်တန်းသွားမယ့်အကြောင်း
အန်တီခိုင့်ကိုပြောပြီး ခွန်မြဲကိုအပ်တော့
အန်တီခိုင်က အိမ်ကိုလာနေဖို့နားချသည်။"ရပါတယ်အန်တီ။အိမ်ကိုဒီအတိုင်းထားခဲ့ရမှာလည်း စိတ်မချလို့ပါ။"
YOU ARE READING
ခိုင်မြဲစေလို...
Teen Fictionဆယ်နှစ်ပတ်လည်၊လူမမည်ဝယ်၊ ကြိုးအထပ်ထပ်၊ရစ်နှောင်ဖွဲ့သည့်၊ နှစ်ဦးသစ္စာ၊ချစ်မေတ္တာတို့ ခိုင် မြဲ စေ လို...♡︎ Can be read in both Zawgyi and Unicode.✨