دكتور احمد مشاكل

العروسه و قسط الجمعيه

الكلام اللي بين الاقواس () ده بيني و بين نفسي.
_ مين ده اللي يتجوز يا امي🙄🙄
_ انت يا حبيبي و هو انا عندي غيرك
_ مش مشكلتي، حد قال لك انتي و ابويا تجيبوا ولد واحد بس
بعدين ما اختي اتجوزت و خلفت يعني فرحتي اهوه
و هتجوز ازاي  كمان هو انا عندي شقه !!؟
- لا
_ عندي فلوس في البنك !!؟
_ لا
_ عندي حتي مرتب كويس اعرف احوش منه !!؟
_ لا
_ اومال عايزاني اتجوز ازاي
_ مليش فيه اتصرف، انا عايزه احضر فرح و اسقف
_ يعني انتي عايزه تجوزيني عشان تسقفي تعالي اشغلك حسن شاكوش و نسقف للصبح ( مقنع انا 😅)
_ لا انا عايزاك تتجوز و افرح بيك هما بيقولوا كده و تتجوز البت احلام
_ احلام مين
_ معرفش ما انت اكيد تعرف واحده اسمها احلام
_ طب مفيش عروسه في دماغك
_ هو انا اقول تور تقول احلبوه هجيب لك عروسه منين
_ خلاص ماشي مش مشكله هبقها اجيبها بالمره و انا بجيب الشقه ( احنا مقاطعين كارفور ممكن الاقي عند فتح الله)
_ انت بتاخدني علي قد عقلي يا احمد
_ عيب عليكي يا ست الكل تعرفي عني كده
_ 🤔🤔🤔
_ بقولك صح خود ال 30 جنيه دول
_ ربنا يخليكي ليا  انا فعلا مفلس
_ لأ دول مش ليك
_ اومال
_ حط عليهم 220 جنيه و روح ادفع قسط الجمعيه عند ام نبيل
_ ام نبيل مين
_ جارتنا اللي فوق
_ اجيب 220 منين
_ من معاك
_ يا امي لسه بقولك مفلس اجيب 200 جنيه منين
_ 220 يا واد
_ 220 تمام كده
_ طب طالما انت مفلس عايز تتجوز ازاي و لا احنا هناخد بنات الناس نبهدلها
( يا جماعه انا برج الجوزاء ده عملي خلل و ايرور 404 في مخي)
_ خلاص ماشي يا امي انا هتصرف، بس هو انتي هتقبضي الجمعيه دي امتا 🤑🤑
_ لا انا قبضتها من زماااااان
_ من زمان فين انا مشوفتش حاجه
_ و انت تشوف ليه هي كانت بتاعتك، انا روحت اشتريت بيهم حاجات ليا انا و اختك
_ فين ده انتي مجبتيش حاجه و بعدين انتي بتجيبي لاختي و انا لا
طب ده انا حتي حماده حبيبك
_ اخرس ياض انا اشتريت سجاد جديد عشان لما نسايبك ييجوا تبقي الشقه تشرف
_ نسايبي مين
_ اهل احلام
( الله يسامحك يا احلام)
_ ماشي يا امي، انا نازل
_ رايح فين
_ رايح ادي احلام ال30 جنيه و اقولها امي بتسلم عليكي 😂😂
_