دكتور احمد مشاكل

عاش يا وحش

هو ليه دايما ابطال الروايات بيكونوا طوال اوي و عراض اوي و عضلات اوي و اغنياء اوي رغم ان نص الشعب المصري اقرع و بكرش و تقريبا يا موظف يا سواق توكتوك
يبقي ليه بيحطوا في الروايات المواصفات المستحيلة دي و يضحكوا علي البنات و يخليهم يستنوا كلهم كريم فهمي اللي مفيش منه كتير
و لان معنديش حاجه اسمها مستحيل ف من المنطلق ده قررت اغير من شكلي شويه و اول خطوه كانت اني اروح الجيم 💪💪
سمعت عن جيم من واحد صاحبي شكر فيه و قال عليه حلو و مكان محترم و الكابتن هناك عظيم و...........(اتفقنا ان هو اللي بيرغي)
و انا لاني بحب اجرب كل حاجه الاول قلت لصاحبي هروح معاك يوم و لو عجبني المكان هشترك ( عامل فيها ناصح 😅)
وصلت المكان فعلا و كان حلو جدا و الكابتن كان شخص محترم و قال لي ان انهاردا هلعب general عشان اعمل تحميه و انا وافقته مع اني مش فاهم
قعدت الف على المكان و فجأه خبطت البار و وقعته مش دي المشكله ابسلوتلي 😆
المشكله ان البار فيه 100 كيلو و انا وقعته علي واحد كان بيلعب 
(  اعمل عبيط و اجري و لا  اعمل محترم و استني )
عملت عبيط و مشيت بسرعه من جنب البار ( انا واطي اصلا)  وعرفت بعدين من صاحبي ان الولد ده مجاش الجيم تاني (له حق ده زمان جسمه اتكسر)
مش عارف اعمل ايه لقيت الكابتن في وشي😅😅( خبيث الراجل ده)
_ مش بتتدرب ليه ( ايه الصوت ده 😬😬)
_ كنت باخد فكره عن المكان الاول
_ طب يلا روح العب قطنيه
_ تمام
اخدت وقت علي ما عرفت فين العب القطنيه و ابتدأت لعب بس معرفش ليه كل شويه حد يعدي يشوفني و يضحك عملت عبيط بس الموضوع زاد و انا قاعد في سري بشتم في صاحبي ( اسمه مروان علي فكره) اللي اختفي من ساعه ما وصلنا لحد ما الكابتن جه و عرفني ( بيظهر امتا الراجل ده)
اتاريني بدل ما اسند براسي علي المسند حطيت رجليا فوق و راسي تحت 😅😅
و الاقيك الكابتن بيقولي عاااش و فرحان بيا اوي
قمت بكرامتي احسن ادور علي مروان لحد ما لقيته
_ كنت فين يا مروان
_ ايه يا عم مالك، كنت بتكلم في التليفون
_ بقالك ساعه بتتكلم!!؟
_ مالك يا احمد، بعدين ايه اللي وقع البار كده
_ هاه, بتقول حاجه يا مروان 🙈🙈
_ بقول حاجه ، لا مبقولش ربنا يستر😅😅
مروان قعد يعرفني علي الاجهزه و يشاور عليها و يقولي وظيفته ايه لحد ما وصلنا لجهاز كان فيه واحد لافف وسطه بسلسلة و معلق فيها اوزان و طالع و نازل و الكابتن عمال يعدله فضلت قدامه شويه و فجأه لقيت نفسي بقول
_الراجل ده من ايام الكفار و جايبينه تعذبوه
هنا
فجأه لقيت الراجل ده وقع علي الارض باوزانه و هو ميت من الضحك
عرفت بعدين انه كان بيلعب عقله
واحد غيري كان قفل من الجيم و خد بعضه و مشي لكن انا عندي اصرار اني ابقي زي كريم فهمي
قعدت العب لحد ما مروان جه و قال لي انت بتلعب غلط و قعد يشرحلي و هو واقف ، عملت زي ما قال و هو قعد يلعب معانا شويه دخل علينا واحد ضخم كده ( زي احمد التهامي) و لقيته بيقولنا اننا بنلعب التمرين ده غلط بصيت لمروان لقيته قلب بطه بلدي 😂😂 و قعد اخينا ده يشرح لنا نلعبها ازاي و لعب معانا مجموعتين علشان يشجعنا و نعرف نلعبها صح شويه ولقيت الكابتن داخل و بيقولنا اننا بنلعب غلط
لحد هنا و استوب قمت لميت هدومي و قطعت علاقتي بمروان و اتكلت علي الله 😂😂
انا افضل زي ما انا احسن لي مش لازم كريم فهمي ماله احمد حلمي 😍😍