دكتور احمد مشاكل

طريق الرحله

طبعا حضرتك زمانك من العنوان عرفت انا فين، بالظبط في الطريق بس مش في طريق السفر لا احنا في التاكسي في طريقنا الي موقف السوبر جيت
عايز بس اوصف لك شكلنا ( مش عشان سواد عيونك لأ عشان انا عامل الكتاب ده عشان الاقي اللي اشاركه مواقفي)
كنا بنتكلم عن ايه 🤔🤔 اه صح شكلنا
معانا 6 شنط اه والله 6 مع اننا 3 افراد و نص ده غير شنطه كبيرة في ايد ست الكل ميغركش منظرها اظن انك عارف من امبارح ان السندويتشات جبنه بالخيار و الحلو كركديه و في كمان ازازه مياه و حاجات تانيه خاصه بأمي ( صدقني انا نفسي مش عارف ايه هي)
احنا الساعه 6 الصبح في شهر اغسطس
قاعد جنب سواق التاكسي اللي شكله نام و علي حجري ابن اختي *مروان* مستغرب النجوم لا متستغربهاش انت قاعد معانا و هتحكم بنفسك علي مروان او زي ما اختي مسمياه بندق ( هتقولي ايه علاقه بندق بمروان هقولك معرفش و مش عايز اعرف)
قاعد في الكنبه اللي ورا امي و اختي ياسمين عمالين يرغوا و اكيد اكيد اكيد امي بتشتكي لها مني ، ايه ده في حد بينادي عليا
_ احمد
_ نعم يا امي
_ احنا نسينا المشابك يا موكوس هننشر الهدوم ازاي هناك  ( رد انت لو تعرف)
_ معلش يا امي انا هشتري لك لما نوصل.
و عشان مسمعش الرد ضربت السماعات في ودني و عملت عبيط لحد ما وصلنا للاتوبيس
طبعا بما اني الراجل الوحيد ( هتسمع الكلمه دي مني كتير الرحله دي مش حبا فيها بس لانها الحقيقة) كان ليا مهمه انا بعتبرها اصعب مهمه في الكون بعد تطبيق الهدوم علي طول الا وهي ارص الشنط في الاتوبيس بالذات لو زي حالتي واصل اخر واحد 😞😞
انا لسه ضارب السماعات عشان مسمعش كلام امي و هي بتبهدلني و تقول اني سبب التأخير  ( يا جماعه حد يقنعها اني رجل عنده 28 سنه و المفروض اني دكتور)
الحمد الله خلاص ركبنا و الاتوبيس اتحرك بينا و كالعادة بندق علي رجلي
بتسأل مامته فين و انت مالك، ايه ده انتي بنت طب معلش تعالي اقولك
اختي قاعده مع امي بيتفرجوا علي فيلم الخليه ( اللي السواق قرر يفرجنا عليه عافيه) و عمالين ياكلوا لب و سوداني ( طلع دول الحاجات الخاصه بأمي)
انا مش عارف هكمل ال 8ساعات اللي جايين ازاي مع كابتن بندق اللي استولي علي تليفوني و عمال يفتش فيه و لا ظابط امن الدوله ( الظاهر امه بعتاه يتجسس عليا)
_ بتدور علي ايه يا حبيبي
_ مبدورش 😐
_ طب اجيب لك تلعب بابجي
_ مبلعبش😐
_ طب اجيب لك تاكل
_ مباكلش 😐
( فاكر البت السخيفه بتاعت فيلم اللمبي اهو بندق ده النسخه الرجولي منها)
_ الله يسامحك يا حمدي ( لبستني انا و تلاقيك زايط)
_ بتقول حاجه يا خالو
_ لا يا حبيبي بدعي بس لابوك ( اللي هو حمدي 🙄)
* بعد ساعه :
حاليا انا جعان ، و امي و ياسمين قاعدين جوه الشاشة انادي و لا بلاش
لا بلاش لا هنادي ولا بلاش ( ايه زهقتك محدش قال لك تقرأ كلامي نط السطر و متصدعنيش)
في الاخر كرشي كسب 🎉🎉
_ امي
_ 😑😑😑
_ يا ست الكل
_😑😑😑
_ ياسمين
_😑😑😑😑😑😑😑😑😑😑
خلاص يا جماعه شكلها صيام انهاردا
_ خالو  خالو  خالو خالو ( ده صوت قنفد البحر و هو بينادي ورا بعض انا بفكر اسيبه كده لحد ما يفصل بعدين ارد 😈😈 بس ياسمين بصت لي بصه وحشه اوي كأنها من داعش😖😖)
_ نعم يا حييب خالو
_ موبايلك رن و انا قفلته
_ ليييه  😤😤
_ عشان انا عندي صداع
_ no comment
بس بصراحه بعد ما فتحت التليفون و شفت ان المكالمه كانت من الشغل فرحت ان بندق( كلب البحر ) قفل التليفون
بتسألوا هو احنا مسافرين فين، هو انا لسه مقولتش احنا رايحين مرسي مطروح (زمانك اكتشفتها لوحدك اول لما قلت 8 ساعات)
الحمد الله الفيلم خلص و قدرت اطلع من امي بسندويتشين شاركني فيهم كابتن بندق
_ احمد
_ ايه يا ياسمين
_ خد ادي الاكل ده لبندق اصله مكالش
_ لأ كل يا ياسمين، كل معايا
_ برضه اكله
_ ما تاخدي تاكليه انتي و بعدين ايه اللي انتي لابساه ده 😨😨
_ ايه يا حبيبي، قميصك 😅😅
_ ما انا عارف انه قميصي واخداه ليه
_ عجبني   ( مقنعه الصراحه)
_ no comment
(لو عايز تعلق انت اتفضل )
و هكذا يا شباب كملنا ال8 ساعات ما بين سخافه بندق و رزاله ياسمين
طب بالنسبة لامي  ، لأ دي مش معانا دي مركزه مع كيس اللب و السوداني و فيلم الممر ( ما هو السواق يا وطني اوي يا بحب احمد عز )
بتسألني اخدت اجازه من الشغل ازاي
_ لما تكبر هقولك 😈😈