صدفة ... ثم نصيب

البارت 24

صباحكم عافيه ..
بارت للكاعدين ...
تصويت + تفاعل ع الفقرات لطفا ..

قناة قصه صدفه:
٤٩٣

انطيتج مجال ..

گعدت ع القنفة عافتني وظلت تبجي ..
أني هم گعدت تعبان ع نفس القنفه بيناتنه مسافة ..

يمكن صدك الحب مو كافي للزواج بلشت أايس من تقبلها الي وما ع بالي فكرة اغصبها ونتمم زواجنا لو بعد الف سنة كذب جان كلامي مجرد تهديد .. جبتها من ثلث سنوات او أربعة حتى تيهت الحساب لحد يومنا هذا و أني أني من طبعها وعنادها وشسوي لگلبي الي لا قبل يعوفها وينساها ولاقبل يتقبل غيرها وأكمل حياتي واتزوج والتهي ..

لو بس تطاوعني وتبطل خوف وتسلملي نفسها والله كل الحواجز تنشال بيناتنا بس هي متمدد برأسها نعال بلاستيك مُعاد تصنيع عسكري هم مو هيج ..

التفتت عليها ماأحب أشوفها تبجي ..

_يلا أسكتي .. كافي بجي ماجنت اقصد كلامي وأسف لان خوفتج ..

گومتها بست رأسها ..
_روحي غسلي وتعالي للغرفة نحجي ..
برطمت .. أبتسمت ..
_لااا .. بس نحجي منتعارك ..نحجي بهدوء بدون عراك

٤٩٤

ولاتهديد..
اليوم أقنعج يعني أقنعج ..
غمزتلها من گلت أخر كلمة هي أفتهمت أو غلست ماعرفت بس عافتني و راحت تغسل وجهه ..

وأني رحت للغرفة بدلت وكملت وهي مارجعت ..
أستغفرت ربي توقعتها تتهرب لو رجعت تقرأ لو تسوي نفسها تشوف تلفزيون بين ما انام عاد وراها تجي تندحس يمي ..

طلعت أدورها لگيتها تحجي بالفون وتضحك ومنطلقة ولا عبالك من دقايق جانت تبجي ياعمي الله يديم هالفرحه ..

ريتها وياي هيج بدل البجي والعركات والنقاشات المالها داعي علمود حقي الشرعي ..

أني مو مُتملك من أحب بس طول الفترة الفاتت من عشنا سوا حتى لو نتعارك جان مزاجها حلو تضحك وعادي ... عدها الي يغير مزاجها ونفسيتها سواء مرة أخوها او صديقتها او أبوها ..

دائماً اكو أحد .. وأني دوم مركون .. دوم ازعل وارجع احاجيها وحدي بدون متصالحني .. فجنت أحس بالغيرة عليها من هذوله الي يعرفون شلون يغيرون مودها ..

٤٩٥

دائماً أحب أعرف شيحجون مو بقصد أتسمع او أراقبها من باب عدم ثقه بس أني أحبها حيل أحبها ومن بعد ما صارتلي من بعد حروب طاحنة ما أگدر افرط بيها و أحاول أصلح من نفسي وياها يمكن الغاط بيه بكلام أكوله بتصرف اتصرفه بدون وعي ...

صح أحبها بس ما أعرف أتعامل وياها ما أعرف أحتويها دائماً نتصادم .. هي عنيده و أني أكره أحد يعاندني صح قل عنادها هواي بس اني بعدني نفس الأسلوب ..

فـ مرات أفتح جهازها أقرأ رسائلها ويا رند وسماهر زوجة أخوها حتى ويا أختي و أحس الكل يعرفولها و أني لا ..