صدفة ... ثم نصيب

البارت 26

صباح الخير .. النت كولش ضعيف لايفتح واتباد ولا ينشر ...

قناة قصه صدفه:
٥٢٣

صار يوم السفر .. گعدتها من وكت .. كانت هادئة .. عيونها ساكنة وصافنة .. عبالك بغير عالم .. مقبلت تتريك گالت متشتهي ..

بدلنا ونزلت جنطتها للسيارة .. أني أخذها للمطار .. خابرت أزهر خاف تروح عليهم نومة وگتله سابقيكم للمطار ..

طلعت لابسه بنطرون رصاصي وسويتر قصير وردي وفوكاهن بشت اسود خليجي مطرز والشال ملفوف لفة برهاوة ..

جانت مستورة بشكل مُرضي بس بعيوني لا .. ستر الملابس ميمنع عيوني تشوفها أحلى بنية شافتها عيوني ..

_جاهزة ؟
هزت رأسها .. أي ..
_خوما ناسيه شي ؟
_موبايلي الثاني ضايع مااعرف وينه ..
_دگي عليه ..
_صامت ومابي خط ..
_ليش ماحجيتي ندوره البارحة ..

_عبالي يمك ..
_لا شيسوي يمي ..
_عوفه ممحتاجته ..
_ماشي .. عود أدوره الج ..

طلعنه بالسيارة هم شغلت ياحريمة .. حسين نعمة يكول ..
ياعضد يالي شتالك عايش بفي النخل ...

٥٢٤
ياثلج وفراك طبعك يا طبع كلك زعل ..
و أنه ووعودك صفيت بلايه وعدك ..

وصلنه ب٨ الصبح ساعة قبل موعد الطيارة ورانا بدقايق وصلوا سارة وازهر .. سلمتهم الأمانة وودعتهم وطاروا للعراق .. لمطار أربيل ومناك رحلة طريق تكريت ..

طيف:-
تمشي السيارة بيه .. بعد ما صرنا بالعراق .. من المطار توجهنا لتكريت .. جنت مرجيه رأسي ع الجامه .. صافنة .. الي مبين جنت أتفرج ع الطريق بس أني مجنت يمه اصلاً ..

بالي يم ذاك الي بسبب غلطة .. غلطة غبية مني .. عافني .. عافني أواجه مصيري لوحدي .. بكولشي أني مذنبه وياه .. ما دللته ما حبيته ما أهتميت ما داريت بس ما خططت بهيج سوء مثل ما تهمني ..

شكد حاولت أشرحله بس دماغه قافل .. مرات أكول حقه لان أني مخليتله مجال يعرف الي جان ديتكون بگلبي ناحيته .. بس أني گتله أحبك ..

توقيت الكلمة غلط .. هسه عرفت ليش ماصدك .. بس هو طبعي هيج الاحبه أرتاحله وأخذ راحتي وياه مو شرط أعبرله عن حبي اله ..
بالمشاعر أني صفر .. حايط .. صبه .. قالب ثلج ..

مو مااعرف أحب بس مااعرف أعبر عن هذا الشي و أفعالي .. أفعالي هواي تشبه شخصيتي .. أميل للانعزال والي ميعرفني يشوفه غرور .. دائماً جنت أعاني من سوء فهم الناس الي رغم هواي أعترفولي من تقربولي حبوني ومن بعيد كانوا يظنون مغرورة ومُتكبرة وهيج بالضبط ..

٥٢٥

تعاملت ويا ذوالفقار .. فـ حقه من أكوله أحبك ميصدكني ..

وصلنا للبيت المغرب .. وصلني أزهر لبيت أهلي .. ودعني وبعيونه أسف .. طمني بعبارة ..

_لاتشيلين هم .. فترة يهدأ ويتصلح كولشي أن شاءالله ..
هزيتله رأسي ونزلت لبيت أهلي وهم راحوا لبيت أهل ذوالفقار ..