صدفة ... ثم نصيب

فرصه 5

مساء الهيل

صدفه ... ثم نصيب

روسكان الجبوري

البارت 5

ليذهب كل منا في طريقه
انا نحوك وانت نحوي ❤
لسان حال ذو الفقار اليوم
٥٨

مرت يومين وانا مرتاح نفسياً ومنتظر فرصة افرغ عصرية من شغلي واروحلها للمكتب..

قبل لا الحق اروح أبوها محاجي ابويه ومبلغه برفضها .. وطلب من أبويه انو بعد ابد مااطلبها واشوف حياتي وجان حيل مقهور من بنتو والظاهر متعارك وياها ....

كل مرة تفشلو وهو يحاول يقنعها وهي قافله...

من أبويه بلغني ماكدرت ابقى بالمعرض.. احتصرت حيل ردتو ابقى وحدي... اخذت سيارتي وطلعت خارج المحافظه... ردت بس ابتعد عن كل البشر ..

خنكة مو طبيعية بصدري مافكتني الا لمن بكيت... أي نزلت دموعي لان أريدها .. أحبها.. كل ذرة بجسمي تريدها ..

عينَيي صاغت حمر دم مو من البكي بس من كد مااختنقت... القهر خلاها يحركني وقلبي احسو يوجعني..

افرگ بصدري والوجع ميروح..حاولت اتنفس.. اخذ شهيق قوي اترس ريتي بي ومتروح الخنكه..

ظليت ساعات كاعد وحدي بالسيارة صارت الغروب اخذت سيارتي وتوجهت لمكتب ابوها يجوز هي لهسه بي...

وصلت وصدك كانت بحدها بالمكتب.. بس مو وحدها مراجعين وصديقتها يعني المكان مو فارغ..

اكو مكان كعدة للانتظار ظليت كاعد بي ردت اهدأ وارتب افكاري واحجي وياها

٥٩

شفت المكان فرغ شافتني صديقتها طبت جوه بلغتها .. تعرفني هي جنت اوصلها بالكلية..

كمت ع حيلي عدلت ملابسي و سديت دكمة سترتي ودخلت المكتب .. قامت وكفت بدخلتي وبعيونها نظرة خوف...

اول مادخلت ماسلمت ماجاي اسلم هي كامت وعيونها بعيوني عيونها تتهرب وعيوني تعتب بغضب ..

كالت رند

_راح اطلع شويه اخليكم براحتكم..

رأساً جاوبتها
_ماكو داعي جاي احجي كلمتين وبوجودُك ومو فغد سر ..
عيوني حمر تحركني حيل من قهر قلبي..

تقدمت لمكتبها اشرتلها باصابعي رقم ٣
_٣ مرات اتقدملج وترفضين؟

أشرت ع گلبها بأصبعي
_هنا بصدرج ششايله؟؟ گلب لوحجارة؟؟ هم لو حجارة وشافت هيج متمسك بيها وهيج مشتريها هم جان لانت ... بس انتي شنو مو بشر؟

_ليش دترفضيني جاوبيني؟؟؟
لتكوليلي ممقتنعه بالزواج وبعدني صغيرة ..سنتين عفتج بلكي تكبر وتقتنع صار عمرج ٢٧ سنه مو لو غلطان؟؟ وابوج موافق ولو مايخاف الله بيج جان جبرج بس اني هم مااريد...