صدفة ... ثم نصيب

البارت 29 والاخير

صباح الياسمين ...

قناة قصه صدفه:
٥٧٧
_ذو الفقار لا تروح  ؟؟

التفتلي يباوعلي ..
_كومي ويايه نرجع سوه لبيتنا ..
جاوبته وگوة حابسه دموعي ..

_هواي عفتني .. عقوبتك جانت قاسيه عليه ..
هنا بدت دموعي تصب وامسحها وأحجي ..
_هواي أعتذرتلك .. والله أني أسفة .. واكولك أني احبك ليش متصدك بيه ..

تقدملي حضني ..
_شلون مامصدك بيج .. عجل ليش أجيت ؟
رفعت رأسي اله .. جان محاوطني من أكتافي ..
_و أنت بعدك تحبني ؟

رفع طرف حنجي بأصبعه .. وشفايفي تكللت شفايفه ببوسة مالحه مخلوطه بدموعي بس ترجمت حبي اله .. مديت اديه لركبته وحضنته أكثر وبسته قلدته ..

جنت عطشانه اله .. شعور حلو .. هذا الكائن الي .. احبه .. أحب كولشي بي .. حتى سماره الجنت أعيب عليه .. شعره الاسود المكعكل الي دوم مخففه حتى لايطول وتبين الشعرات مكعكله ..

أبتعدنا نلهث بس ما بعدني عن حضنه ..
_يول أموت عليج ..
من تحركت صارت كعدتي ع أبرة الظهر .. نزلت دموعي ..

_يول ليش هالعيون الحلوة تبجي ؟ مو گلنا نعشقج ..

٥٧٨

_أبرتي توجعني .. والكانوله توجعني ورأسي يوجعني وجوعانه وأهلي يطوني كبدة نص ستاو يخلوني أذب من رأسي ..
خرب ضحك .. ياعمري ..

_وين الابره هنا ؟ هزيت رأسي ..
تلمس المكان بأيده وخلاني بحضنه أكثر يعني صارت كعدتي ع افخاذه بس مستنده ع فخذ واحد ..

من حركته حضنته من ركبته أستحيت أيده تتلمس المكان برقه وخفه مثل الي يسوي مساج ..
همسلي .. لو بيدي ابوسه للمكان ..

_عززززا ذوالفقار ..
ضحك وباس رأسي ..
_وبعد شنو اليوجع الحلو ؟
أشرتله ع أيدي .. مكان الكانوله هم باسه ..

_هسه أشتريلج كبدة مستويه ونتعشى سوه .. شرط اگل اللكمة من هالحلك الحلو ..
_صاير مستهتر ..
_لج ..
عض حنجي ..

_اخ اخ.. توبة توبة والله أسفة ..
رجعت تحاضنت شفايفه .. وهالمرة براحه أكثر .. لحد ما مددني ع الفراش ..

٥٧٩

جنت مستسلمة بكامل أحساسي اله .. راغبتله جسد و روح .. كولشي بي أحبه .. كولشي بي حلو ..

هو وعى ع نفسه وقطع اندماجي وياه من أبتعد وهو حاس ع نفسه أنو هو دياخذني ببيت أهلي واصلاً الباب ممقفوله يعني ممكن بأي لحظه يدخل أي واحد ..

مدد يمي وسحبني لحضنه ..
_العشق انتي .. النفس الاتنفسه ..
دفنت وجهي بركبته وأني اهمسله ..

_أحبك ... أحبك .. احبك ...
_هههههه ... شو كرصيني خاف دااحلم..
رفعت نفسي عيوني بعيونه .. صار صدري ع صدره ..