صدفة ... ثم نصيب

صدفه 16

مساء العسل ...

صدفه ... ثم نصيب

روسكان الجبوري ...

البارت 16

٣١٥

ومكياج وذبيت الشال هد ع الشعر..
ذوذو ماحجه بس لان أحنه بداخل البيت..
نزلنه سلمنه.. عماتهم جايات..
وكالعادة سما وياي .. وخالة ماجدة وخالة أم ذوذو يعرفوني ع خطارهم النسوان لان مو بس العمات أجن اقاربهم همين ... والزلم گاموا للاستقبال يستقبلون خطارهم الزلم هناك لان مو كولهه أقارب...

دااسلم ع مجموعة نسوان أجن ورجعت گعدت..
صاحوا أستبرق.. أيمن گال.. خلي تحضر غراضهه زوجهه بره شويه ويرحون..

هي ضاجت.. وراحت تحضر اشيائهه..
نورس وسما يمي.. نورس گالت خطيه وين شبعنه منهه وراح تروح شنو اشتاقولهه وكامت وره أختهه..

دغيت سما... شبيهه أستبرق؟
_ماسمعتي أيمن.. صاحولهه شويه وتروح..
_أدري بس شنو كلام نورس شتقصد؟
_أستبرق صارلهه ثمن سنين متزوجة وبيت عمهه لازكين بيهه ميقبلون تطلع..
_ليش عود؟
_زوجهه الصغير أخر العنگود وأخوانه كلهم طالعين

٣١٦

_هاا لعد حقهم...
_يا حق يمعودة.. يگربون عليهه ٢٤ ساعة من غير حسرة عليهه تجي تبات يمنه ومن غير عدهه ٣ حموات وتلاثتهن متزوجات و٢٤ ساعة بيت أهلهم هما وجهالهم ورجولتهم ومنو يطبخ؟ ومنو ينظف؟ كُله برأس هالمسكينة متشوفيهه شلون مسلولة من القهر وتعب الشغل..
_خطيه الله يساعدهه..
_أمين يارب ...

سمعت كلام.. طراطيش.. عن بنية طول وجسم تصير بنت أخت مرة عم أستبرق (أم زوجهه) العين خضره شمحلاتهه.. عود كاعدة توصف بنت أختهه حسيته بسمار اليه... لان بيوم العقد لبست عدسات زُرك وبعدين طلع لون عيوني الطبيعي ...

وهاي بنت أختهه أنخطبت لطيار وكاعدة وتتنومس بالبنية وبعدين انجابيت أني بالطري لان گصيرة وبنت أختهه طويله ...
مافهمت شنو سبب المقارنه ...
التفتت لسما .. هذا الكلام عليه؟

ضحكت سما... غلسي هاي وحدة مغثوثه..
_ليش من شنو تنغث شسويتلهه أني؟

٣١٧

من أباوعلهه وأركز بشكلهه هي نفسهه الگالت عني فصلية...
سما گالتلي... هاي تصير مرة عم أستبرق وجانت رايده فقار لبنت أختهه هاي الي عدتحكي بيهه هسه وتقارنج بيهه ... حاولت بأديهه ورجليهه حتى فقار يخطب البنية بس أحنه غلسنه... أختي شابعه قهر وخدمه منهه ومن بناتهه وهسه تريد تمشي بنت أختهه علينه علمود نخدمهه...

هسه ربطت بين الكلام السمعته منهه وبين كلام سما هسه... مغثوثه ومنغاضه مني كومات كومات..
مااهتميت الهه.. بالعكس أستخطيت استبرق.. رغم شويه شلت عليهه لان ماردت عمتهه بيوم العقد...
گلت لسما..

_وعلمود تخلصون منهه .. گلتولهه أخذتوني فصلية مو؟
بسرعه التفتت عليه سما..
جنت ضاحكة ورافعة تك حاجب انتظر جوابهه ..