صدفة ... ثم نصيب

البارت 15

مساء الامل ...

صدفه ... ثم نصيب

روسكان الجبوري

البارت 15

‏في عينها لغةٌ تبين وتختفي
‏كم سار فيها ثم تاه متيّمُ🌸
-

‏أحببتُك باليقِين
الَذي لن يحني ظهري يوماً
أحببتُك بروح لم تخاف الحياة
بمُرها لطالما أنك معي
أحببتك كـ شيء مني ،
كَـ كُل شيءٌ لي ♥'

‏وآكو حَچايات ما تنگال
الآ عِيونك گبالي 💙🌱؛

٢٨٩

حطيت البرنص ع صفحة لان كان ع كتفي ونزعت الطرحه .. مثبتيلياهه بماشات.. أخذت صورة للتسريحة قبل لا أخربهه..
بديت أوخر بماشاتهه من الي يجي بيدي الى أن تعبت وماكملت هن هواي..

مديت أيدي للسحابة ... بس كدرت أنزلهه شويه .. كعدت بتعب.. يطلع ذوذو ويساعدني ...
طلع ذوالفقار من الحمام ..
باوعتله..
_نعيماً
_ينعم عليكي حبيبي.. ليش لسع منزعتي البدلة ؟

أشرتله ع ظهري..
_السحابة...
ضحك.. أساعدج؟
_ياريت ضيگة وقماشهه يچگچك أختنكت منهه...
_هههههه.. أفكر اشتريهه الج..
_لا غالية.. هو أيجارهه غالي لان جديدة..
_ماكو شي يغلى عليج..

_شكراً ... بس جديات ماكو داعي ... أصلاً أشتريت بدلة ثانية ويه البصلي ومالبستهه أبد..
_عادي... باجر لبسيلياهه....
أبتسمت.. هو تقرب گعد يمي ع الجرباية الي جنت كاعدة عليهه...

٢٩٠

انطيته ظهري.. سوالي السحابة .. من لامست أصابيعه بشرتي كزبر جلدي هو حس بيه..

حضني من خصري.. صار ظهري ع صدره وراسه من وره يم رگبتي..
نصه باس الوشم.. همسلي بأنفاس حارة حسيتهه صارت ع بشرتي..

_الوشم خبلني..
أبتسمت.. رجع باسه بشمه..
سحابتي من فتحهه .. فتحهه للنهاية ونهايتهه توصل لتحت ظهري بشويه..

دخل أديه اثنيناتهن تحت بدلتي .. بحيث أديناته صارت ع خصري محاوطته منا ومنا...

أحساس مااعرف أوصفه.. أحتريت وبردت بنفس الوقت .. ردت أبتعد ثبتني وسحبني من خصري اله...

همست ... ذوالفقار...
_عيونو وقلبو وروحو...
_عفيه مدااعرف شديصير بيه..
أديناته دخلت أكثر داخل ملابسي...

٢٩١

تلمس بطني واضلاعي ارتفاعاً لصدري..
شبيت نار من لمساته .. أريده يبتعد يوخر..

_عفيه ذوالفقار مو هيج...
همس بخفوت بس حسيته بغير عالم..
_ليش مو حلالي وصار كثيييغ انتظر

_مااكدر عفيه.. أحس راح أبجي لتسوي هيج..
_خايفه؟
_أي...لا ... يمكن.. مااعرف شنو من أحساس دااحس ..

ضحك...
طلع أديناته من تحت ملابسي ودارني اله...
ظل يطالعني عيوني بعيونه..

_شنو شتحسين؟
_كزبر جسمي..
_وبعد؟
_بردت وأحتريت...
هفيت لروحي من حجيت هالكلام وهو عيونه تضحك قبل ثغره...