مساء العسل ...
صدفه ... ثم نصيب
روسكان الجبوري
البارت 3
29
_بدت لويات عندي كل شوية يصير ألم يلويني وينعقج وجهي من الالم وأنصي وأحني مقدمة جسمي على بطني شويه وتروح.
_ انتبة علية بابا گتله شوية بطني توجعني وسولفتلة تغديت لفات ويه البنات هو ما قبل لان يدري معدتي حساسة للأكل المو نظيف .
گال روحي ارتاحي للعصر إذا مصرتي زينة نروح طبيب خاف عندج تسمم.
صعدت لغرفتي وسبحت وبدلت شويه ارتاحيت وبس تمددت على فراشي نمت.
گعدت المغرب نزلت جوه البيت فارغ بس زياد ويباوع تلفزيون .
_لعد وين بابا وسماهر؟!
_ راحوا للمستشفى.
_وانت ليش مرحت وياهم تشوف النونو.
_غير من وره حضرتج نايمة
_شنو شگيتلك اخاف وحدي جان گعدتني .
_ ابويه ما قبل گال تعبانة
_اي والله فدوة لگلبه بابا يحس بيه .
_ متسويلي اكل.؟!
_ أعرف أسوي چاي تريد چاي؟
30
باوعلي بطرف عينه معاجبة.
_سوي سوي الله يساعد اللي ياخذج.
_ومنو گالك أريد واحد يأخذني باقية على گلبك.
كام زياد
_وين؟
_أجيب كعك قابل أشرب الجاي وحدة.
_امممم لا تتأخر،
ضحك،خوافة.
رحت سويت جاي بين ما زياد يجيب كعك من سوبر ماركت قريب يمنة،
هذا زياد أحسة المُنافس مالتي أني وياه ضراير أني اصغر البنات ودلوعة البابا وهو أخر العنگود وماما طاعجتة من كثر الدلال و دائماً بابا يرزل بي وميقبل على ماما من تميزة،عن باقي أخوتي،
لا ن يكول الدلال للبنية مو للولد الولد ينطعج بالدلال باجر عگبة شلون يصير رجال ينشد بي الظهر إذا من هسة مايع فدوم،نتعارك وإذا منتعارك فحالتنة الطبيعية لا أني أطيقة ولاهو،
بصراحة بابا أحن علينة من ماما
ماما صارمة وعدهة نوع من القسوة بالتربية فأحنة خاصةً البنات نميل لبابا.
أسرارنة يمة الزايدة والناقصة هو خاصةً خواتي المتزوجات مسار ومرام كولش معتمدات علية خاصةً بالنصائح الزوجية ههههههههههه.
31
رجع زياد صبيتلة جاي وأكلت وياه جنت مرتاحة بس شو من رجعت أكلت شوية رجع علية ألم بطني ورجعتلي اللويات بس شي خفيف مو نفس أول مرّة،
أجوي أهلي وظليت يمهم وهمة يسولفون على النونو وعلياء گالو باجر يطلعوهة لبيتهة وهناك أمهة وأختهة وسناء يداروهة أمي گايلة لفرقد يدز بناته يمنة عندة توم.
YOU ARE READING
صدفة ... ثم نصيب
ChickLitقويه ، مغرورة ، جسورة ثم حادث يغير حياتها الى الابد ويكتب لها القدر صفحات جديدة وقوانين جديدة لتعيشها
