صدفة ... ثم نصيب

صدفه 8

مساء العافيه ...

صدفه ... ثم نصيب

روسكان الجبوري

البارت 8

شبعد وتحن ... ؟
اذا قصدك تريد نموت متنالك .
ط
١٠٣

ذوالفقار:-

احس ضوضاء واصوات بناتية اسمعهه بس مو گادر افتح عيوني عبالك شي كابس عليهن ...

حتى جسمي خدران مااكدر احرك اطرافي .. الم برأسي.. وثكل يمنعني احركو ..

شويه وصاغ (صار ) هدوء مااعرف وين راحت الاصوات .. شويه ورجع صوت اعرفو ... هذا صوت امي.. أحاول احرك أيدي ... كمشت أيدي.. صوتها عله .. دتبجي يمكن...

ونيت.. احرك بشفايفي .. اريد احجي معاها مااريدها تبجي.. بس ميطلع ويايه غير ونه.. الم رأسي ذبحني..

أحاول اقول يووم.. اريدها تنتبهلي.. صاغت هوسه صوت مرة ثانية .. صوت ثاني وياهه.. صوت رجولي.. أنا وين؟؟

أحد يحرك بأديه.. شي بارد صار ع صدري.. لحظات وغاح... شويه وايدي وجعتني واحس شين يجري بأيدي.. بردتو حيل.. مااعرف شديصير وياي .. ومحاولات فتح عيوني مدتنجح وياي..

خدرت.. تنميل بجسمي.. وبرد فضيع.. أيد دافية لزمتني...

١٠٤

نطقت يووم..
زاد الصوت ..صوت أمي وهي تقرأ قرأن.. ارتاحيت ع صوتهه واصغيت..

أستمريتو احاول افتح عيوني الى ان انفتحت.. صورة مواضحه كدامي مشوشه..
أمي دتبجي"ليش شنو الصار"

حجيت بصعوبة.. احس اكو صخرة بحنجرتي .... وبلعومي مجرح ..
_يوم ليش عدتبجين؟
_يمه صحيت الف الحمدلله والشكر...

مافهمت شنو صحيت؟
_انا وين وشصار؟؟

ظليت اعصر ذاكرتي اريد اتذكر اخر شي صاغ ..
اتذكر اني واكف يم سيارتي بالشارع
أجتني ذكرى ثانية انا بالكاع جسمي يعاني ألم مُبرح ووجه طيف الباكي الخايف كبالي..

_يوم شصار؟
تبوس بيني.. برأسي وبوجهي..اجه طعم ملوحه لشفايفي من دموعهه ...

_حبيبي الف الحمدلله ع سلامتك..
_صارلي حادث؟
_أي حبيبي وربك ستر..

١٠٥

_خلي أخابر ابوك واخوانك
عافتني دقايق .. الدكتور فوك رأسي وياه ممرضه يفحصني ويسألني.. بشنو أحس وشنو يوجعني.. گوة حجيتله ... ألم برأسي وبلعومي كوة دااكدر احجي ..

قال "هالشي طبيعي لان مضروب برأسي وجنت بكوما وهذا سبب خدر جسمي وسبب ثكل حركة كل جزء بجسمي.. الفحص الاولي طبيعي.. مؤشراتي الحيوية تمام.. أمي رجعت..

_هسه أبوك ع جية وخبرت اخوانك هم..
دنگت باستني..
_يمه حبيبي گرة عيني بشوفتك.. ربي يقومك بالسلامه بعد طولي طولك ..