وسنلتقي💔

....... البارت الحادي والعشرون.......

حل الصباح حاملا معه احداثا جديده ولكن ياترى اهي سعيده ام لا؟.. هذا ما سنكتشفه.. استيقظت سيلا من النوم وقامت بتغيير ملابسها واتجهت الي الاسفل كي تعد لهم الفطور..ظلت ف المطبخ تعد الفطور وهي تدندن قليلا..بينما ف الأعلى استيقظ خالد وقام باخذ حمام واتجه الي غرفه نور ووجده لازال نائما.. فاتجه الي الاسفل ووجدها تغني اغنيه (حبيت دلوقت) للمطربه كارول سماحة وهي تعد له القهوة..

"انا قلبي ليه حاسس اوي بالشكل دا..
هو الهوا.. بيعلي احساسنا كدا؟..
صدقني خلاص صدقت.. إن انا حبيت دلوقت..
وماكنتش اعرف.. قلبي هيحبك كدا..
وكنت فين انت وكل الحب دا؟..
وليه سايبني لوحدي طول العمر دا؟..
انا قلبي شايفك من زمان.. ف الحلم بتدور عليا..
بس مهما اتخيلك.. مش زي ماانا شايفه بعينيا..
يمكن انا بحلم وسبب الحلم طاار..
توهتني بين الحقيقه والخيال..
المسني خليني اكون متأكدة.. "..

ابتسم خالد ابتسامة خفيفه ثم اتجه خلفها بخفيه شديدة واحتضنها من الخلف ووضع راسه ع كتفها وقال:صباح الخير..
سيلا بابتسامه:صباح النور.. صاحي بدري يعني؟..
خالد:عندي اجتماع مهم ف الشركة..
سيلا:اه صح مع الشركة الالمانيه.. طاب هتعمل ايه؟..
خالد:اعمل ايه ف ايه..
سيلا:ف الي هيترجملك؟..
خالد:ابدا خليت هاله تتفق مع مترجم من شركة ترجمة هيوصل ويشوف شغله بقا..
سيلا:امممممممم ماشي.. ممكن توسع بقا عشان اطلع الفطار برا..
خالد:طاب ممكن اساعد؟..
سيلا:ماشي طلعه وانا هطلع اصحى نور عشان الحضانه..
خالد وقد ادارها اليه وأصبحت عيونهم مقابله لبعضها :طاب مافيش حاجة حلوة ع الصبح كدا؟..
سيلا:حاجة حلوة؟.. زي ايه بقا؟..
قام بضمها اليه اكثر وقال بابتسامه خبيثه:امممم يعني مش عارفة؟..
سيلا:ناء مش عارفة..
قام خالد بسحبها اليه اكثر حتى تلاحمت أنفاسهم معا وقام بسرقة قبلة من بين شفاهها بكل حب ورقه وهي كذلك بادلته القبله..وبعد أن ابتعدا عن بعضهما البعض.. ابتسم إليها خالد بخبث وهذا جعلها تشعر بالخجل وقالت بخجل:تعرف انك قليل الادب..
خالد:هو كدا قلة أدب؟.. مابلاش اوريهالك بقا..
زاد هذا من خجلها وتركته وصعدت للأعلى حتى توقظ نور.. دخلت سيلا الي غرفه نور.. فوجدته لازال نائما.. قامت بطبع قبله حب ع جبينه وايقظته بكل حب وحنان.. سيلا:صباح الخير والعسل والياسمين عليك يا حبيبي انت♥️..
نور بنعاس:ثباح اينوي ي ماما.. هو انا هلوح ايمديثة؟..
سيلا:ع عيني والله انك تسيبني لوحدي بس لازم تروح بقا انت قعدت كتير..
نور:طب خياث مث هتاخي عييكي عثان مث تبقى يوحدك..
احتضنته سيلا وقالت:يخليك ليا يا قلبي.. يالا بقا عشان ننزل نفطر عشان تلحق تجهز..
نور:ماثي يايا..
أخذته سيلا واتجها الي الاسفل ووجدت خالد يجلس ف مكانه ويبدو انه ف عالم آخر.. فهو لم ينتبه إليهم عندما جلسوا بجواره.. لاحظت سيلا ذلك.. فأخذت تنادي عليه ولكن لا حياة لمن تنادي.. فقامت بوضع يدها ع يده وهذا قد اعاده الي الواقع..نظر إليها بابتسامه خفيفه وقال:ايه ي قلبي؟..
سيلا:مالك سرحان ف ايه كدا؟..
خالد:لا ابدا بس شويه حاجات ف الشغل كدا.. المهم يالا نفطر بقا عشان علاجك وكمان الباشا دا يفطر كويس..
نور:ماانا بفتر كويث اهو..
خالد:ماشي ي لمض..
وبداوا ف تناول الفطور ولكن سيلا كانت تشعر ان هناك شئ ما يشغل باله وبشده.. ولكن يبدو أنه لا يود التحدث عن ذلك الموضوع..انتهى الجميع من تناول الطعام وأخذت سيلا نور واتجهت الي الأعلى لكي تقوم بتجهيز نور للحضانة..وبالفعل قامت بمساعدته ف الاستحمام ثم ارتداء ملابسه وتجهيز الحقيبه..واخذته الي الاسفل ليجلسا حتى قدوم الاتوبيس..ولكنها تركته وصعدت لخالد حتى ترى لما تأخر هكذا.. دخلت الغرفه فوجدته يقف أمام المرأة يغلق ازرار القميص ولكنه شاردا ف عالم آخر.. اتجهت اليه سيلا وقالت:مش عايز اي مساعده؟..
هنا عاد خالد الي ارض الواقع وقال بابتسامة خفيفة:لا ي قلبي شكرا.. انا خلصت اصلا..
اتجهت اليه سيلا ووقفت أمامه ونظرت الي عيونه وقالت:حبيبي انت كويس؟..
خالد:اه انا زي الفل.. ليه السؤال دا؟..
سيلا:مش عارفة.. حساك مش متظبط كدا وبتسرح كتير.. ف حاجة قلقاك طايب؟..
خالد بابتسامه:ي قلبي قلتلك شويه حاجات ف الشغل كدا وان شاء الله تعدي..
سيلا:ماشي.. هعمل نفسي مصدقاك.. يالا عشان ماتتاخرش ع الاجتماع..
خالد بمزاح:هو انا بتطرد ولا ايه 🤔..
سيلا بابتسامة:لماح وبتفهم😂..
هبطت للاسفل تاركة اياه غارقا ف أفكاره.. كيف أخبرها ان ذلك اللعين قد هرب مني؟.. كيف افسر لها خوفي من أن يصيبها مكروه؟..كيف اسحب من عينيها الأمان بعد أن وضعته ف قلبها؟..يا الله ساعدني ف الحفاظ عليها.. وارتدي جاكيته وهبط للاسفل ووجدهم جالسين معا يشاهدون التلفاز..فقال لهم خالد بابتسامه:انا ماشي.. مش عايزين حاجة؟..
سيلا:عايزين سلامتك.. لما الاجتماع يخلص ابقى طمني عملت ايه..
خالد:ماشي ي قلبي.. يالا ي نور عشان الباص جه برا..
نور:ماثي.. باي ي مامي..
سيلا:باي يا قلب مامي..
وطبعت قبله حب ع جبينه واخذه خالد وذهبوا الي الخارج..ثم اتجهت سيلا الي المطبخ لكي تبدأ ف اعداد الغداء..ف أثناء ذلك.. صعد نور الي الاتوبيس وصعد خالد الي سيارته واتجه الي الشركة..صعد الي مكتبه وكانت هالة ع مكتبها تقوم بعملها..وبعد أن دخل خالد الي مكتبه.. دخلت هالة خلفه..جلس خالد ع المكتب بعد أن خلع جاكيته ووضعه ع الكرسي..خالد:ايه جدول النهاردة؟؟..
هالة:اجتماع الشركة الالمانيه وبعدين اجتماع مع مهندسي الصيانه الي بتشيك ع البضاعه..وبعدين شويه ملفات كدا حضرتك هتراجعها..
خالد:تمام.. طاب المترجم جاي امتى؟..
هالة:انا كلمت الشركة وقالت كمان ساعه وجاي..
خالد:تمام.. ميرسي يا هالة ولما يجي ابقى دخليه..
هالة:حاضر ي فندم..
وتركته وعادت لعمله مرة أخرى..وبدا خالد ف مراجعة بعض الملفات.. ومرت الساعه ثم دخلت عليه هالة وقالت:الوفد الألماني وصل ف قاعه الاجتماعات ي فندم..
نهض خالد من مكانه وارتدي جاكيته وقال:طايب ي هالة.. ابعتي المترجم بقا ع قاعه الاجتماعات..
هالة بتوتر:لا ماهو.. ماهو لسه ماجاش..
خالد بغضب:نعم؟.. يعني ايه لسه ماجاش؟..ايه التهريج دا؟..
هالة:انا كلمت الشركة.. قالوا ان المترجم دا تعب فجأة ومافيش غيره مترجم ألماني..
خالد:طاب والعمل دلوقتي؟..
هالة:امممممممم.. ادخل بس انت للوفد وانا هتصرف..
خالد:ربنا يستر..
وتركها وذهب الي الوفد الألماني ف غرفة الاجتماعات..قرر ان يحدثهم بالإنجليزية حتى ياتي المترجم ولكن الألمان من الشعوب التي تعتز بلغتها جدا ولا تحب التحدث بغيرها..ظلوا هكذا ١٠ دقائق حتى جاء طرق ع الباب وكانت سيلا التي دخلت عليهم بابتسامه ساحرة قائلة:صباح الخير..
تعجب خالد للحظات من وجودها هنا ولكنه استنتج ان هالة قد اتصلت بها حتى تنقذ الموقف..فابتسم إليها ابتسامة ساحرة.. جلست سيلا بجوار خالد وقالت للوفد الألماني (بالالماني طبعا😂):لنبدأ الاجتماع ي سادة..
وبالفعل بدا الاجتماع وكانت سيلا تترجم لكلا الطرفين بابتسامة وبعد حوالي ١٥ دقيقة تم عقد الاتفاقيه مع الشركة الالمانيه بشروط ترضى الطرفين.. بعد ذهاب الوفد الألماني.. أصبح خالد وسيلا بمفردهم ف غرفة الاجتماعات.. خالد بابتسامه:دا ايه الزياره الحلوة دي؟..
سيلا:اهو كنت معديه بقا😂🌚..
خالد:هالة الي كلمتك صح؟..
سيلا:امممممممم.. فدا طبعا شغلي.. قمت جايه ع طول..
خالد:موظفة مجتهدة.. يالا روحي بقا..
سيلا:نعم ي خويا؟.. مين دي الي تروح؟.. انا جيت الشغل خلاص 🌚😏..
اقترب خالد منها وقال:يعني هتفضلي هنا طول النهار؟؟..
اومات له سيلا بالايجاب بابتسامة انتصار.. فقال لها خالد:يا حسن حظي.. انك هتبقى معايا طول النهار.. وانا كنت شايل هم هقضي اليوم ازاي..😉😏..
سيلا بخجل:بطل قلة أدب.. احنا ف الشركة..
خالد:والله مراتي والشركة شركتي..
سيلا:طاب وسع بقا وروح شوف شغلك..
وابتعدت عنه وغادرت من الغرفه واتجهت الي مكتبها.. فقالت لها هالة:ايه دا؟.. انتي ماروحتيش؟..
سيلا:لا مش هروح دلوقتى.. هروح ف معاد الشركة..
هالة بابتسامه:دا الحلو ماصدق يجي بقا😂..
سيلا بضحك:بصراحه اه.. اتخنقت من قاعده البيت..
هالة:بت انتي غاويه فرهدة.. دا الواحد مابيصدق ياخد يوم اجازة..
سيلا:انتي بقا.. لكن انا بتخنق من قاعده البيت.. المهم.. فين الشغل بقا؟..
كانت هالة ع وشك التحدث ولكن قاطعها دخول هاني عليهم المكتب وع وجهه ابتسامة تحمل الكثير من المعاني.. هاني بابتسامه وهو ينظر إلى سيلا:صباح الخير والعسل والياسمين..
سيلا بصوت منخفض:ايه البلاوي الي بتتحدف ع الصبح دي؟.. صباح النور.. يا نعم؟؟..
هاني وقد جلس ع كرسي أمام مكتبها:مافيش بس جيت اقولك حمدالله ع السلامه. احنا زمايل برضو..
هالة بسخريه:لا فيك الخير ي هاني..
سيلا:ميرسي..تقدر تتفضل ع شغلك..
هاني:طاب ليه كدا؟.. دا حتى القاعده حلوة..
هالة:انت ماعندكش شغل ي هاني؟.. فاضي قلت اجي اتسلى..
هاني:ماتخليكي ف حالك ي هالة..
سيلا:ماتخليك ف حالك وشغلك انت واتفضل عشان ورانا شغل..
هاني:اللله ماتخلينا حلويين ولا احنا مالناش نصيب..
سيلا بتعجب:نعم؟.. قصدك ايه يعني؟..
نهض هاني من مكانه واتجه اليها وقال:يعني لعبتي ع صاحب الشركة وكلتي بعقله حلاوة.. ايه ماليش نصيب ف الحلاوة ي عسل؟..
صدمت كلا من هالة وسيلا بذلك الكلام الجارح..هالة بغضب:انت اتجننت ي هاني؟.. ازاي تقول كدا؟..
هاني وهو لازال ينظر لسيلا:هي الحقيقه ع طول بتزعل..
تجمعت تلك القطرات الفضيه ف أعين سيلا ونهضت من مكانها واتجهت اليه وقامت بصفعة صفعة مدويه سمعها من هم حول المكتب..ظهر الغضب الشديد ف أعين هاني وزاد من غضبه قول سيلا:عشان تتعلم تكلم الي احسن منك ازاي بعد كدا..
هاني بغضب:انتي اتجننتي؟.. بتمدي ايدك عليا انا ي زباله..
وكان ع وشك صفعها ولكنه وجد يد من حديد تمسك بيده بشده.. ولم تكن تلك سوي يد خالد الذي كان ينظر إلى هاني كالثور الهائج..وف اقل من اللحظة..قام خالد بتسديد لكمة قويه ع وجهه جعلته يسقط ع الارض ولم يكتف خالد بذلك.. فقد انهال عليه بالضرب أمام جميع من حضر..سيلا بخوف:خلاص خلاص ي خالد والنبي خلاص..
اكتفي خالد بتلك اللكمات ثم نهض وقال للجميع:دا مجرد تحذير للكل... الي هيتكلم عن سيلا بعد كدا.. دا هيبقى جزاءه قبل ما يترفد.. وحطوا ف دماغكم.. دي تبقي مرات خالد الجبالي والي هيتكلم بعد كدا هقطعله لسانه...
ثم اخذ سيلا من يدها واتجهوا الي الخارج.. وقفت هالة بين الموظفين وقالت:اظن الكلام واضح ولو عايزين تحتفظوا بالوظيفه يبقى كل واحد يخليه ف حاله احسن..
ثم نادت ع العامل وقالت له بسخريه وهي تنظر إلى هاني الراقد ع الارض ينزف من أنفه وفمه:خده شربه لمون الا يسورق مننا😏😏..
اخذ العامل هاني واتجهوا للخارج بينما ف أثناء ذلك اخذ خالد سيلا وغادرا الشركة وصعدا الي سيارته وقاد بأقصى سرعته وبغضب..كانت سيلا خائفة من التحدث معه وهو ف تلك الحالة الثائرة..كان الصمت هو سيد الموقف حتى توقف ف مكان ما بعيد ف المقطم.. مكان يجعلك ترى المدينه باكملها.. ظلوا هكذا دقائق ف صمت حتى اجري خالد مكالمة وقال:ايوا ي هالة.. انا تمام.. الحيوان دا يترفد ويتعمله محضر انه أتعرض لسيلا ويتعمله محضر تاني بعدم التعرض.. ماشي سلام..
وبعد أن أغلق الخط.. قالت له سيلا:خالد اهدا بس..
خالد بغضب:بلا اهدا بلا بتاع دلوقتي.. هو ازاي اتجرأ انه يحاول يمد ايده.. هو فاكر الموضوع سايب ولا ايه.. وحياه امي لهعرفه..
سيلا:اهدا بس خلاص انت علمته الادب.. اهدا بقا..
خالد:هو قالك ايه؟..
سيلا بتوتر:ها؟.. ما.. ما قالش.. حاجة..
خالد:سيلا مش هعيد الكلام تاني.. قال ايه؟..
لم تجد سيلا مفرا من البوح بما حدث.. وقصت عليه ماحدث.. وهذا قد زاده غضب مما جعله يضرب المقود بيده.. سيلا بهدوء:خالد ممكن عشان خاطري تهدأ.. خلاص الموضوع عدا وهو خد جزاءه..
اغمض خالد عيونه لكي يهدأ وظل هكذا دقائق قليله ثم امسك بيدها وضغط عليها برفق وقال:انا اسف انك اتحطيتي ف الموقف دا وسمعتي الكلام دا..
سيلا بهدوء وابتسامة خفيفة:ماحصلش حاجة ي حبيبي وبعدين كفايه عليا انك اخدتلي حقي..
خالد:لسه.. لسه حقك ماجاش..
سيلا بعدم فهم:يعني ايه مش فاهمة؟؟..
خالد:لا ي قلبي ماتاخديش ف بالك..
سيلا:طاب هنعمل ايه دلوقتى؟..
خالد:مش هنرجع ع الشركة دا اكيد يعني.. ولسه بادري عبال ما نور يجي.. ايه رايك ناكل برا؟..
سيلا:فكرة حلوة.. هتوديني فين بقا؟..
خالد:ادينا هنشوف..
وانطلق خالد بالسيارة واتجه الي احد المطاعم القريبه من ذلك المكان..وجلسا ع طاوله بالقرب من النافذة وجاء له النادل..وطلب خالد كوب من القهوة وطلبت سيلا كوب كابتشينو بالبندق.. وكان خالد ع وشك التحدث ولكن قاطعه صوت رنين هاتفه معلنا عن قدوم اتصال وعندما رأي الرقم وجده رقم عامر.. فاجاب خالد قائلا:ايوا ي عامر..
عامر:ايوا ي خالد.. ايه ي عم البتاع الي انت باعته ع القسم دا؟..
خالد:عايزك تقوم معاه بالواجب..
عامر:وعمل ايه دا؟..
خالد:أتعرض لسيلا بالكلام وكان عايز يمد ايده..
عامر:حبيب قلبي.. دا انا هروقه بنفسي..
خالد:ايوا.. وعايزك تعملي محضرين.. واحد ضده انه اتعرضلها والتاني بعدم تعرض..
عامر:بس كدا عيوني.. سلام..
واغلقا الخط وجاء النادل بالطلبات ثم قالت سيلا:مين دا؟..
خالد:دا عامر.. كنت بقوله يعمل ايه مع الحيوان دا..
سيلا بمزاح:يا عم غير الموضوع بقا..دا انت سئيل..
خالد:ماشي ي رخمة😂...
سيلا:خالد.. هو انا ممكن اسالك سؤال كدا؟..
خالد وهو يشرب قهوته:اه ي قلبي طبعا.. اسألي..
سيلا:هو ايه حكايه نور؟.. يعني مين مامته؟..
وضع خالد قهوته ع الطاوله وقال:هقولك بس مش عايز معاملتك لنور تتغير بعد الي هقوله..
سيلا بتعجب:انا معاملتي تتغير لنور؟..دا قلبي دا.. وبعدين ليه بتقول كدا؟..
خالد:هقولك انا لما وصلت إنجلترا.. اشتغلت ف كل حاجة هناك لحد ما قابلت رجل أعمال هناك.. يعني كان كبير ف السن وكدا.. واشتغلت معاه واعتبرني زي ابنه ودراعه اليمين.. وطبعا عشان هو كبير ف السن وكدا.. كان كل أسبوع يعمل فحوصات.. فأنا اتعرفت ع ياسر بسبب كدا وبقينا صحاب.. المهم ف يوم كدا.. جه للراجل دا ان ابنه توفي.. طبعا كان صدمة رهيبه لانه كان ابنه الوحيد.. وبعد مدة..الراجل اكتشف ان ابنه كان ع علاقه مش كويسه مع واحدة وخلف منها ولد.. لما الراجل راح للواحدة دي.. لقاها ماتت بسبب جرعة مخدرات زايده.. يعني الحاجات دي منتشرة هناك.. الراجل اخد الولد وكتبه باسم ابنه بس لما حس انه قرب يموت.. كتبلي ثروته والوصايه ع الولد وبقيت انا قانونيا الواصي عليه.. بس..
كانت سيلا تستمع له وبالرغم عنها تجمعت تلك القطرات الفضيه ف عيونها عن حال ذلك الفتى الصغير الذي جاء بطريقه لم يختارها هو..وبعد أن انتهى خالد من الكلام.. قالت سيلا:ي حبيبي ي نور..طفل صغير زي دا اتحرم من ابوه وأمه.. بعيدا عن العلاقه بس هو مالهوش ذنب.. للاسف ماحدش بيختار ابوه وأمه..
خالد:يالا الحمدلله.. انا جبته وجيت هنا واعتبرته انه ابني عشان كدا سميته نور.. الاسم الي كنا مختارينه لابننا..
ابتسمت سيلا ابتسامة خفيفه وامسك خالد بيدها ثم عاد الي تناول القهوة مرة أخرى.. كانت سيلا تنظر حولها الي ذلك المطعم.. حتى وقعت عيونها ع رضيع صغير يجلس ع عربته الصغيره وينظر إليها ويضحك..سيلا:خالد.. ثواني وجايه..
خالد:ايه؟.. راحة فين؟..
سيلا:ثواني ي عم وجايه..
نهضت سيلا من مكانها واتجهت الي ذلك الصغير الذي ابتسم فور قدومها اليه.. استأذنت سيلا من والدة الطفل حتى تحمله واذنت لها والدته.. فحملته سيلا بين ذراعيها وأخذت تداعبه وهو يضحك ويلعب باصابعه الصغيره ع وجهها.. وكان ذلك المشهد يحدث تحت أعين خالد الذي كان ينظر إليها نظرة العاشق الولهان ويتخيل ان ذلك الصغير الذي بين يديها هو ابنهم المستقبلي..كم هي عطوفه وحنونة رغم ما عانته ف طفولتها.. ظلت سيلا تلعب معه لفترة حتى غفا وهو بين ذراعيها.. فقامت بوضعه ف عربته وعادت الي خالد مرة أخرى..خالد:خلصتي اخيرا؟..
سيلا بابتسامه:شامم ريحة غيرة؟..
خالد:شاطرة ولماحة ي اختي..
سيلا:دا بيبي ي خالد.. ف حد يغير من بيبي صغنون..
خالد:انا بعيد عنك..
سيلا:روح اتعالج احسن بقا😂😂..مش يالا؟؟..
خالد:دلوقتي؟..
سيلا:اه.. زمان نور جاي.. عشان احضرله الغدا..
خالد:طاب تيجي اصورك؟..
سيلا:تصورني؟.. ليه؟..
خالد:اهو مزاجي.. يالا..
وبالفعل ذهبا الي احد الأماكن الموجودة في ذلك المطعم والتقط لها تلك الصورة وهي تبتسم اليه..