وسنلتقي💔

..... البارت الثاني والعشرون.......

دائما ما تبهرنا الحياه برونقها الخارجي ولا نرى مدى صعوبتها وفنائها إلا بعد فوات الأوان.. وصل كلا من سيلا وخالد الي منزل والدة سيلا.. أوقف خالد السيارة وكانت سيلا تنظر بخوف الي المنزل.. خوفا من أن يكن ذلك فخا.. خوفا من أن تكن تلك زيارتها الأخيرة لوالدتها.. خوفا من الفقدان.. لاحظ خالد ذلك ع ملامحها.. فقام بوضع يده ع يدها وقال لها بابتسامة:ان شاء الله خير.. يالا..
وهبطا من السيارة وصعدا الي الشقه.. وطرقا الباب وفتحت لهم السيدة زينب التي قالت لهم:يا اهلا ي سيلا..
سيلا:اهلا بيكي ي طنط زينب.. اقدملك خالد جوزي..
زينب:اهلا ي ابني.. اتفضلوا..
خالد:اهلا بيكي.. اومال فين مدام أميرة؟..
زينب:جوا.. ادخليلها ي سيلا.. من ساعه ماكلمتك وهي بتسأل وصلتي ولا لا..
نظرت سيلا الي أعين خالد حتى تاخذ منها الأمان..فنظر إليها بابتسامه طمأنينة واوما لها راسه بالايجاب.. فاتجهت سيلا الي غرفه والدتها وف قلبها الخوف من القادم.. فتحت سيلا باب الغرفه.. فوجدت مشهد لم تكن ابدا تتخيل انها ستراه.. والدتها راقده ع الفراش لا حول لها ولا قوة ومن حولها الادويه.. نظرت إليها والدتها بملامح يعلوها التعب والشحوب.. اتجهت سيلا الي والدتها وجلست بجوارها.. نظرت إليها أميرة نظرة حزن بابتسامه تعب وقالت لها سيلا:عاملة ايه يا ماما؟..
أميرة بتعب:الحمدلله.. كنت خايفه يجرالي حاجة قبل مااشوفك..
سيلا:بعد الشر عليكي يا حبيبتي..
اميرة:معقوله ي سيلا بعد كل الي عملته فيكي دا..
سيلا:انتي امي.. حتى لو حصل بينا ايه.. انتي امي وبرك دا ربنا وصاني عليه..
اميرة:انا عايزاكي تسامحيني.. تسامحيني اني عمري ما كنت الام الي انتي عايزاها وتستحقيها.. عمري ما قعدت معاكي واتكلمت معاكي ولا حتى اهتميت بيكي.. كنت بعاقبك ع جوازتي..بعاقبك ع حاجة مالكيش فيها أي ذنب..عايزاكي تسامحيني قبل مااروحله..
أمسكت سيلا بيد والدتها وضغطت عليها برفق وقالت:بلاش ي ماما والنبي الكلام دا.. إن شاء الله هتبقى كويسه..
اميره:حاسه اني هروحله.. سامحيني ي حبيبتي ع اي حاجة انا عملتها.. انا كنت انانيه ومش عايزه الا مصلحتي..ماكنتش عايزه الا الفلوس.. بس تعبي دا عرفني قد ايه الفلوس دي حاجة تافهة.. الفلوس هتعملي ايه وانا حتى مش قادرة اقوم اجيب لنفسي كوبايه مايه.. هتعملي ايه وانا مش عارفة انام من التعب..ياريتني كنت فهمت دا من زمان..
سيلا بدموع:مسامحاكي والله ي ماما.. انا ماليش غيرك..بس ماتسيبينيش..
أميرة وقد وضعت يدها ع خد سيلا وقالت بابتسامه:ربنا يسعدك ويحفظك ويهدي سرك ي حبيبتي.. انا راضيه عنك ي انضف حاجة حصلت ف حياتي..خدي بالك من نفسك..
سيلا ببكاء وقد وضعت يدها ع يد والدتها:والنبي ماتروحي وتسيبيني ي ماما.. انا ماصدقت.. والنبي عشان خاطري..
أميرة بدموع:ياريته كان بأيدي ي ضنايا.. كان نفسي اعتذر من خالد..
سيلا بابتسامه وسط الدموع:هو برا.. هو الي جابني..
أميرة بتعب:تاب ناديله..
نهضت سيلا من مكانها واتجهت الي الباب وفتحت الباب ونادت ع خالد الذي كان يجلس ع إحدى كراسي المائدة..ذهب خالد إليها ودخل الغرفه.. ونظر الي أميرة بحزن.. فمهما كان ومهما حدث منها.. فلا شماتة ف المرض..سيلا بدموع:ماما عايزاك..
اتجه خالد إليها وجلس خلف سيلا بجوار اميره ع إحدى جوانب الفراش.. قالت أميرة بتعب:انا عايزة اعتذرلك ي ابني.. انا غلطت ف الحكم عليك..كنت فكراك طمعان عشان.. عشان كدا خليتها تبعد عنك.. ايوا.. انا الي هددتها وخليتها تبعد عنك..عايزاك تسامحني ي ابني وتاخد بالك منها.. هي مالهاش ف الدنيا غيرك..
خالد:ماتقوليش كده.. انتي ف مقام امي.. وانا مش شايل من نحيتك..
أميرة بابتسامه تعب:أصيل ي ابني.. خد بالك منها..
خالد:ف عنيا من غير توصيه..
اميرة بتعب ويعلو وجهها ابتسامة رضا:كدا ريحتني وطمنت قلبي.. كدا اقدر اروح لربنا وانا مرتاحة..
سيلا ببكاء وقد أمسكت يدها:لا ي ماما والنبي خليكي معايا..
أميرة بدموع وابتسامة رضا:انا معاكي ع طول ي حبيبتي.. بس خلاص ساعتي جات..اشهد ان لا اله الا الله وان محمد رسول الله..
سيلا ببكاء:لا لا لا ي ماما والنبي لا.. والنبي خليكي معايا ابوس ايدك والنبي..
ولكن لا حياة لمن تنادي.. فقد صعد السر الإلهي بعد أن قامت بتكفير ذنبها وعاقبها الله بمرضها وقله حيلتها.. دخلت السيدة زينب الغرفه ع صوت صرخات سيلا.. كم هي حياه فانيه.. نتصارع فيما بيننا ع أشياء لا تدوم.. فماذا سناخذ معنا عند ذهابنا عنها.. لا شئ.. ولكن لا نتعلم ذلك الا بعد فوات الأوان.. مر اسبوع ع وفاتها.. وكانت سيلا ممتنعة عن كل شيء.. لا تأكل.. لا تنام.. لا تشرب.. لا تتكلم.. لا تفعل شئ سوا الجلوس ف الشرفة تبكي..وقد فشلت جميع محاولات خالد ليجعلها حتى تتحدث.. كذلك حاولت كلا من جومانا وهالة ذلك ولكن فشلتا.. ذات يوم.. كانت سيلا جالسه في الشرفه كالعادة تنظر إلى اللاشئ أمامها.. ودموعها تجري من عيونها كالانهار الفياضه.. ظلت تنظر إلى اللاشئ حتى شعرت بيد صغيرة تلمس يدها.. فنظرت امامها وجدته نور.. نظرت الي نور بابتسامه شبه معدومة.. قال لها نور بطفولة وبراءة:مامي اتي مث عتي بتقعتي معايا ييه؟.. اتي زحيانة مني؟..
اومأت له سيلا بالنفي بهدوء.. فجلس بجوارها وقال:تاب ييه مث بتلدي عييا؟..
سيلا بصوت يكاد يكون معدوما:تعبانة شويه ي حبيبي..
نور وقد رمي نفسه بين احضانها:ثيامتك ي مامي..مث اتي وعتيني مث عتي هتزحيي.. مامي انا قيبي بيتق بثلعة يما اتي بتزحيي..
أخذته سيلا بين احضانها بقوة وعيونها لازالت تدمع وف ذهنها تقول:غصب عني والله ي روحي غصب عني..
ظلوا هكذا عدة دقائق حتى ابتعد عنها نور وقال:مامي تعايي ننزي تحت ف الجنينة..
سيلا:خليني هنا ي حبيبي.. وانزل العب انت..
نور:ناء مث هنزيي غيي محاكي..
ابتسمت سيلا ابتسامة خفيفة وقررت ان تهبط معه للاسفل حتى لا تحزنه وبالفعل حملته بين ذراعيها وهبطت به الي الاسفل ووجدت المكان خالي.. فقالت له:هو بابا فين ي نور؟..
نور:بابي ف ايمكتب.. ماما انا هلوح اجيب ايعب بتاحتي واجي..
وتركها وصعد الي غرفته.. بينما هي توجهت بخطوات هادئه الي مكتب خالد وأخذت نفسا عميقا قبل أن تقوم بطرق الباب..ولكنها لم تجد اي رد من خالد فقررت الدخول وبالفعل دخلت اليه.. وجدته راقدا ع الكنبة مغمضا عيونه بتعب.. عندما اقتربت منه.. وجدت علامات التعب والحزن يكسون وجهه.. عندها علمت انها ف حزنها قد جنت عليه.. فهو ليس له ذنب في عيش كل تلك الأحزان.. جلست بهدوء ع الطاوله المجاورة له وقامت بامساك يده بهدوء..عندها شعر خالد بوجودها وقام بفتح عيونه بهدوء وهنا تلاقت الأعين بعد فترة كبيره.. نهض خالد واعتدل ف جلوسه وقال لها بابتسامة:اخيرا الشمس قررت تطلع..
سيلا بابتسامه خفيفه:شمس بالاسود..
امسك خالد بيدها وضغط عليها بحنية ليجعلها تشعر بالأمان وقال:انتي بالنسبه لي الشمس الي بتنور حياتي..
سيلا بحزن:انا اسفه ع الفترة الي انت مريت بيها دي.. انا بجد ماكنتش قادره اتعايش من غيرها.. عارفه انه غريبه اني بقول كدا.. بس ع الاقل كنت عارفه انها موجودة.. وقت ماأحب اشوفها هشوفها.. لكن دلوقتي.. دلوقتي عمري ما هشوفها تاني..
ضغط خالد بحنيه اكثر ع يدها وقال بابتسامة:مش محتاجة تبرري اي حاجة.. انا فاهمك وعارف انه غصب عنك عشان كدا سيبتك براحتك.. ماحبتش اضغط عليكي..
سيلا بابتسامة:كنت خايفه تزهق مني؟..
خالد بابتسامه:معقول انا ازهق منك ي قلبي.. انتي كدا بتشتميني..
سيلا بابتسامة:ربنا يخليك ليا يا حبيبي..
خالد بمزاح:تاب ايه.. انا جعان..
سيلا بابتسامة وقد مسحت تلك القطرات الفضيه الثائرة من عيونها:بس كدا.. عيوني يا قلبي..
وكانت ع وشك الإبتعاد ولكنه جذبها اليه واخذ يقترب منها اكثر فأكثر حتى تلاحمت أنفاسهم وقام بسرقه قبله حب من بين شفاهها بحنيه لشوقه إليها وهي كذلك بادلته القبلة وظلا هكذا دقائق لا يعلمان عددها حتى قطع ذلك صوت رنين هاتفه معلنا عن قدوم اتصال وعندما رأي الرقم وجده رقم عامر.. فاجاب خالد:الو.. ايه حبكت تتصل دلوقتي؟..
عامر بخبث:شكلي اتصلت ف وقت مش مناسب ولا ايه..
خالد:اه ي لطيف.. عايز ايه؟..
عامر:هشام سافر..
خالد:نعم؟!.. سافر ازاي؟..
عامر:زور لنفسه باسبور وسافر ع كندا.. بيتهيألي طالما سافر كدا يبقى اتعظ من الي انت عملته فيه وقال يبعد خالص..
خالد:او ممكن يكون بيخطط لحاجة تقيله..
عامر:الله اعلم انا بس حبيت اقولك عشان ماتتعبش نفسك ف التدوير عليه.. صحيح سيلا عامله ايه دلوقتي؟..
خالد بابتسامة خفيفة وهو ينظر إليها:الحمدلله بقت كويسه ونزلت من الاوضه..
عامر:بجد؟.. تاب الحمدلله.. خد بالك منها بقا وانا هكلم العيال اطمنهم..
خالد:ماشي.. سلام..
واغلق الخط وهنا تحدثت سيلا قائله:مين ي حبيبي الي سافر؟..
خالد:ماتشغليش بالك ي قلبي.. المهم يالا عشان ناكل.. وحشني الاكل معاكي يا قلبي..
اكتفت سيلا بابتسامه خفيفه أظهرت نغزتيها واتجهت الي المطبخ وبدأت هي ف اعداد الطعام لان الوقت كان قد تأخر.. ولكنها لا تعلم لما كانت مشمئزة من رائحة الطعام.. وبعد أن انتهت قامت بوضع الطعام ع تلك الطاوله الصغيره التي توجد بالمطبخ..وبدا خالد ونور ف تناول الطعام وكانت سيلا تحاول الظهور بشكل طبيعي ولكنها فجأة ركضت سريعا للحمام واغلقت الباب وأخذت تستفرغ بوجع نتيجة لعدم وجود طعام بمعدتها.. اتجه خالد الي الحمام سريعا ووقف أمام الباب قائلا بلهفة:سيلا حبيبتي افتحي الباب.. افتحي الباب..
سيلا بوجع:كح كح ثواني بس كح..
اضطر خالد ان ينتظر أمام باب الحمام حتى تفتح الباب وبالفعل ماهي إلا دقائق حتى خرجت من الحمام وهي شاحبه اللون ومتعبه.. امسك خالد بيدها بلهفه وقال:ايه ي حبيبي مالك.. فيكي ايه.. تاب حاسه بايه؟..
بعد أن اجلسها خالد ع الكرسي واتجه اليها نور بقلق:ايه ي مامي مايك؟..
سيلا بابتسامة تعب خفيفة:مافيش حاجه ي حبيبي.. دا بس شويه وجع ف معدتي..
خالد:اكلمك ياسر يجي يشوف مالك؟..
سيلا:ي حبيبي مافيش داعي والله.. انا هبقي كويسه..
خالد:هسمع كلامك بس لو تعبتي اكتر من كده مش هستني رايك وهاخدك للدكتور..
سيلا بابتسامة:حاضر..
وتناولوا الطعام ف جو من المزاح والضحك وسط نظرات خالد لسيلا.. نظرات تحمل القلق والخوف.. وقد مرت الايام وكانت سيلا تحاول أن تكن طبيعيه أمام خالد حتى لا يعلم بتعبها.. وذات يوم كانت سيلا وجومانا وهالة ف احد الكافيهات..
جومانا:بس انتي غلطانه ي سيلا..ليه ماقلتلهوش؟..
سيلا بتعب:اقوله ايه بس.. هو ف ايه ولا ف ايه..الشغل متعطل شويه وهو بيدور ع هشام.. ماهواش ناقص..
هالة:بس تفتكري هشام دا سافر ليه؟..
سيلا:مش عارفة.. بس كويس انه مشي..
جومانا:والتانيه دي الي اسمها حبيبة.. ماتعرفوش هي فين؟..
هالة:هو عامر لسه مايعرفش عنها حاجه؟..
جومانا:لا.. بيقولي فص ملح وداب.. بس لسه بيدور..
هالة:يارب يلاقيها بقا عشان نرتاح..
لم تكن سيلا معهم.. فقد كانت تشعر بالعالم يدور من حولها والرؤيه كانت تصبح ضبابية اكثر فأكثر.. حتى فقدت القدرة ع جسدها.. ووقع جسدها ع الطاوله أمامها..
جومانا بلهفة:سيلا سيلا ردي عليا..
هالة بلهفة:سيلا فوقي.. فوقي..
ولكن لا حياة لمن تنادي.. فقامت جومانا وهالة بامساكها ووضعوها ف المقعد الخلفي ف سيارة جومانا وصعدتا ف الامام وقادت جومانا بسرعة الي مستشفى ياسر.. ووصلتا وجاءت هالة بالسرير النقال ودخلت سيلا الي غرفه الفحص..وماهي الا دقائق حتى خرجت الطبيبة من غرفه الفحص..اتجهت الفتاتان إليها وقالت جومانا بلهفة:خير يا دكتور؟..
هالة بلهفة:هي عامله ايه دلوقتي يا دكتور؟..
الطبيبة:ماتقلقوش هي كويسه.. دا بس هبوط في الدورة الدموية ودي حاجة عاديه للي زيها..
هالة بتعجب:للي زيها؟..
جومانا:حضرتك تقصدي ايه؟..
الطبيبة:اقصد ان دي حاجة طبيعيه للست الحامل..
هالة وجومانا معا:حاامل؟!..
الطبيبة:ايوا.. دي ف الشهر التاني دلوقتي.. هي بس محتاجة الراحة وانها تهتم باكلها اكتر من كده..وان شاء الله هي والجنين يبقوا كويسين..
جومانا بابتسامه:ان شاء الله.. ميرسي ي دكتور..
تركتهم الطبيبة وذهبت.. قامتا باحتضان بعضهما البعض بسعادة لهذا الخبر الجميل.. ثم دخلتا إليها ف الغرفه..كان الصمت هو سيد الموقف حتى قطعه صوت رنين هاتف سيلا معلنا عن قدوم اتصال وعندما رأت جومانا الرقم وجدته خالد..
جومانا:هنعمل ايه؟..
هالة:رودي عليه..
جومانا:يا سلام ي اختي ولما يقولي هي فين؟..
هالة:اممممم قوليله احنا ف كافيه وهي ف الحمام..
جومانا:لا حلوة الفكرة..(وقامت بالرد عليه).. الو ي خالد...
خالد بتعجب:جومانا؟..اومال فين سيلا؟..
جومانا:دا هي ف الحمام.. اصلنا قاعدين ف كافيه كدا..
خالد:اه.. انا بس كنت بطمن عليها..
جومانا:ايوا ي عم الحب مولع ف الدرة..
خالد:اسم الله شوفوا مين اللي بيتكلم..
جومانا:احم ايه الاحراج دا؟..
خالد:تاب ايه هي كل دا ف الحمام..
جومانا:اه.. بص اقفل ولما تخرج هخليها ترن عليك..
خالد:لا انا مستني اهو..
جومانا:مستني😳🙄..
هالة☹️🙁🤦‍♀️..
خالد:اه.. مالك ف ايه؟..
جومانا:ها.. لا ولا حاجة.. مالي يعني..
خالد:والله.. تاب قومي اديها الفون..
جومانا:كان ع عيني.. بس رجلي بتوجعني..
خالد:لا والنبي... تاب هالة عندك؟..
جومانا:اه خد اهي..
وقامت برمي الهاتف لها.. هالة بصوت منخفض:اه ي واطيه.. (ثم تحدثت لخالد).. ايه ي Boss؟؟..
خالد:قومي ادي الفون لسيلا..
هالة:كان ع عيني ي Boss بس انا عندي هبوط..
خالد:لا والنبي.. انتوا مالكم انتوا الاتنين؟..
كانت هالة ع وشك التحدث ولكنها لاحظت تحرك سيلا الخفيف فقالت بلهفه:ثواني كدا ي Boss..
وقامت بكتم الصوت واتجهتا الي سيلا بلهفه..امسكت جومانا بيدها وقالت:سيلا حبيبتي انتي كويسه؟..
هالة وقد أمسكت يدها الاخري:حاسه بايه ي قلبي؟..
سيلا بتعب بعد أن اتضحت أمامها الرؤيه:انا.. فين؟..
جومانا:انتي ف المستشفى.. الحمدلله جات سليمه..
سيلا:مستشفى؟.. ليه؟.. ايه الي حصل؟..
هالة:مافيش بس دوختي شويه وجبناكي هنا..
استطاعت سيلا الجلوس بعد أن ساعدتها الفتاتان..هالة:انتي حاسه نفسك احسن؟..
سيلا:اه الحمدلله.. احسن شويه..
مدت لها هالة بالهاتف وقالت:تاب خدي بقا كلمي جوزك عشان حاساه هيرفدني😂..
جومانا:وهيطين عيشتنا😂😂..
ابتسمت سيلا ابتسامة خفيفه وأخذت الهاتف منها وفتحت الصوت وقالت بتعب:الو..
خالد بلهفه:ايه دا مال صوتك؟.. انتي كويسة؟..
سيلا:اه ي حبيبي انا كويسه ماتقلقش.. دا بس شويه إرهاق خفيف كدا..
خالد:تاب انتي فين وانا اجيلك؟..
سيلا:لا مااحنا هنمشي اهو.. مافيش داعي ي حبيبي تعطل نفسك..
خالد:مافيش داعي ايه بس.. انتي مش سامعه صوتك عامل ازاي؟.. وبعدين تعبانه.. ايه الي خرجك؟..
سيلا:زهقت من قاعده البيت وانت مش بتخليني اجي الشركة..
خالد:ي حبيبي ماانا خايف عليكي..
سيلا:ماتخافش.. يالا روح شوف وراك ايه وانا هروح البيت بقا..
خالد:هتقعدي لوحدك.. انا عندي اجتماع مهم مش هعرف اسيبه..
سيلا:جومانا هتقعد معايا وهالة هتجيلك..
خالد:ماشي ي قلبي.. خدي بالك من نفسك واول ماتروحي رني عليا طمنيني..
سيلا:حاضر ي حبيبي.. سلام..(واغلقت الخط ثم قالت).. يالا عشان نمشي..
هالة:تاب استنى نشوف الدكتورة هتقول ايه؟..
سيلا:مالهاش لازمة..يالا بس..
جومانا:ي بنتي اقعدي شويه هتخسري حاجة..
هالة:مش عارفة انا ايه دا..
وتركتهم هالة وذهبت لإحضار الطبيبه وماهي الا دقائق حتى أتت معها..الطبيبه بابتسامه:حمدالله على السلامه..
سيلا بابتسامة خفيفة:الله يسلمك.. هو انا ممكن امشي؟..
الطبيبه:اه طبعا بس لازم تنفذي شويه تعليمات كدا عشان حالتكم..
سيلا:اكي... ثواني.. حالتكم؟.. الي هما مين؟..
جومانا وهالة لبعضهم البعض😊😊..
الطبيبه:ايوا.. انتي والجنين..
سيلا بصدمة:جنين ايه؟..
الطبيبة:جنين حضرتك.. انتي دلوقتى ف الشهر التاني وطبعا الشهور الأولى لازم يبقى فيها حذر عشان الجنين يثبت ويتكون بطريقه صحيه..
كانت سيلا تستمع الي كلام الطبيبه وهي غير مصدقه.. احقا ما تقوله؟..انا احمل بين ضلوعي جنينا من حبيبي؟..ولكنها افاقت من تفكيرها ع صوت الطبيبه وهي تقول:اهم حاجه ف الشهور الأولى انك ماتعمليش مجهود جامد ولا يبقى فيه ضغط نفسي وتهتمي باكلك كويس جدا.. وتنتظمي ع الفيتامينات الي هكتبهالك..
سيلا بابتسامة:تمام ي دكتور ميرسي..
الطبيبه:ع ايه.. حمدالله على السلامه..
وتركتهم وذهبت..قامت هالة باحتضانها وقالت:الف مبروك يا عمري..
جومانا:ايه دا وانا كمان عايزه حضن..
واحتضنتها هي الأخرى وقالت:الف مبروك يا احلى مامي..
سيلا بدموع سعاده وهي تحتضنهم الاثنتين:الله يبارك فيكم ي حبايب قلبي.. انا بجد مش مصدقه نفسي..
ابتعدتا عنها وقالت جومانا:ايه ايه ليه الدموع دي؟..
هالة:هي هرمونات الحمل هتطلع ولا ايه..
سيلا بضحكة خفيفه وهي تمسح دموعها:شكلها كدا..
جومانا:لا ي عسل انشف كدا وامسك نفسك..
هالة:اه والنبي.. دا احنا هنبقي ف كوميديا😂😂..
جومانا:اه والله.. وخصوصا خالد😂😂..
سيلا:تاب يالا نمشي بدل ماينفخنا..
وأتت ممرضه لتعطيهم العلاج ولتشيل المحلول من يد سيلا وقامت جومانا بتوصيل هالة الي الشركة وبعد أن هبطت هالة.. قالت جومانا:اوعي تفضحينا..
هالة:لا عيب عليكي..
جومانا:ربنا يستر.. يالا باي..
وتركتهم هالة وصعدت للشركة واتجهت جومانا وسيلا للمنزل وصعدتا للغرفه ولحسن حظهم لم يأتي نور بعد من الحضانه..رقدت سيلا ع الفراش وجلست جومانا أمامها ع الفراش.. وقال:تحبي اعملك حاجة؟..
سيلا:عايزة ليمون..
جومانا:بس كدا احلى كوبايه ليمون عشان خاطر عيونك..
سيلا:لا مش عايزاه عصير..
جومانا بتعجب:اومال؟..
سيلا:هاتيه كدا اكله..
جومانا بصدمة:نعم!!.. دا الي هو ازاي؟..
سيلا:نفسي هفاني اكله كدا..
جومانا:عك الحمل بدا.. تايب هنزل اجيبلك..
وبالفعل هبطت جومانا الي المطبخ وأتت لها بطبق ليمون وصعدت إليها مرة أخرى.. وبمجرد ان رأتها سيلا حتى اخذت الطبق وبدأت ف اكل الليمون ف وسط تعجب جومانا.. وقالت بتعجب:انتي متأكدة انك مبسوطه كدا.؟..
سيلا بقشعريره:اه اه.. حلو.. تاخدي..
جومانا بسرعه:لا شكرا.. ميرسي.. بقولك.. انتي هتقولي لخالد؟..
سيلا:اكيد بس مش دلوقتى..
جومانا:مش دلوقتي ليه؟..
سيلا:خالد قلقان وخايف بسبب هروب هشام.. لو قلتله ع الحوار دا دلوقتى خوفه وقلقه هيزيدوا اوي وهيعيش نفسه ف رعب اكتر ماهو..
جومانا:ماهو برضو دي حاجة ماينفعش تتداري كتير..
سيلا:لا ان شاء الله مش كتير ولا حاجة..
كانت جومانا ع وشك التحدث ولكن قاطعها قدوم نور بالزي الرسمي للحضانه ويحمل حقيبته ويمشي بخطي طفوليه تجعلك تود ان تأكله من شده لطافته.. واتجه وجلس بجوار سيلا الذي وجد ف يدها كانيولا وقال بقلق:ايه تا ي مامي مايك؟..
أخذته سيلا بين احضانها وقالت بابتسامه خفيفه:مافيش حاجه ي حبيبي بس تعبانه شويه..
نور:سيامتك ي مامي..
جومانا وهي تمسكه من خديه:والنبي بقا فيه حد يتعب ومعاه العسوله دا..
طبعت سيلا قبله حب ع جبينه وقالت:لا طبعا..
كانت جومانا ع وشك التحدث ولكن قاطعها صوت رنين هاتفها معلنا عن قدوم اتصال وعندما رأت الرقم وجدته رقم والدها.. فاجابت:الو ي بابي.. اه.. ليه ف ايه؟.. تاب تمام.. خلاص جايه اهو باي..
واغلقت معه الخط.. سيلا:خير ف ايه؟..
جومانا وقد نهضت من مكانها:بابي عايزني ف اجتماع مهم ف الشركة.. كان نفسي اقعد معاكي لحد ما خالد يجي بس لازم امشي..
سيلا:لا ي قلبي عادي ولا يهمك..
نور:هقعت معاها انا..
جومانا:خد بالك منها كويس ي نور..
نور:حاتر.. باي ي جوجو..
جومانا:باي ي قلب جوجو.. هبقي اكلمك اطمن عليكي.. باي..
وتركتهم وذهبت.. عادت سيلا الي اكل الليمون بقشعريره ف وسط تعجب نور.. فقد قال بتعجب:اتي بتاكييه كتا ازاي؟..
سيلا:مش عارفة بس نفسي اكله كدا..
نور:انا بثلبه بس..
سيلا وقد وضعت الليمون ع الطاوله بجانبها وأخذت نور بين احضانها وقالت:بقولك ي نوري عايزه اقولك ع سر كدا..
نور بفضول طفولي:ايه ايه..
سيلا بابتسامه:بس يبقى سر بينا..
نور بفضول:ماثي ماثي بث قولي..
سيلا بابتسامة:هيجيلنا نونو صغنن كدا..
نور بتعجب:نونو منين؟..
ضحكت سيلا ضحكة خفيفه وامسكت بيده ووضعت يده ع معدتها بحنيه وقالت:من هنا.. النونو هنا..
نور بسعاده لا توصف:بجت ي مامي.. هتجيبي نونو..
سيلا:اه ي قلب ماما..
احتضنها نور بقوة وسعاده لا توصف قائلا:أحيا خبي ف اتنيا.. انا بحبك اوي ي مامي..
سيلا وهي تحتضنه:وانا كمان بحبك وبموووت فيك يا قلبي.. بس دا سر بينا دلوقتي لحد مااقول لبابا..
نور:ماثي مث هقويه.. بث بثلت..
سيلا:اممم الي هو..
نور:يو مث ثمحتي كيامي واكيتي حيو.. هقويه..
سيلا:اممممم هتستغل الموقف بقا.. ماشي ي نور..تعال بقا اعملك تاكل عبال ما بابا يجي..
نور:ناء ي مامي خييكي عثان اتي تعبانه..
سيلا وقد طبعت قبله حب ع جبينه:لا ي حبيبي انا كويسه.. بس انت بقا روح غير هدومك وانا هعملك الاكل..
نور:ماثي ي مامي..
وتركها وذهب الي غرفته حتى يبدل ملابسه وهي تحاملت ع خمول جسدها وهبطت للاسفل ف المطبخ وبدأت ف اعداد الغداء له لأن اليوم اجازة العاملين ف الفيلا.. وظلت تعد الطعام له وهي تدندن قليلا حتى وجدت نور يهبط بسرعه وهو يحمل هاتفها قائلا:مامي ماني..
سيلا:ايه ايه ي حبيبي مالك ف ايه.. بتجري كدا ليه؟..
نور:ف واحته ع الفون بتقويي ان مث هيبقى فيه نونو...
تعجبت سيلا لذلك.. من تلك؟.. وكيف علمت؟.. ولما تقل ذلك؟.. سيلا:تاب اهدا ي حبيبي.. (وأخذت منه الهاتف وقالت).. الو..
حبيبة:ي اهلا ي اهلا.. مبروك ي سيلو..
سيلا:انتي؟.. انتي عايزه ايه؟.
حبيبة بسخريه:معقوله بعد كل السنين دي مش عارفة انا عايزه ايه؟.. عايزه خالد..
سيلا:هو انتي مابتزهقيش.. عملتي كل حاجة عشان يبقى ليكي وبرضو مش عايزك.. ما تفهمي بقا..
حبيبة:مش كل حاجه اوي يعني.. ع العموم انا كلمت ابارك.. واقولك الحقي افرحي.. يمكن الفرحة ماتكملش..
واغلقت الخط معها دون أن تنتظر ردة فعلها..ارتسمت ع وجهها علامات الخوف والتوتر والقلق.. ماذا تقصد تلك؟.. ماذا ستفعل هذه المرة؟.. وبدون وعي منها بدأت دموعها ف السقوط وقد وضعت يدها ع معدتها بحركة لااراديه وقد عادت الي ارض الواقع عندما شعرت بيد نور ع يدها التي ع معدتها.. فنظرت اليه فوجدته ينظر إليها بحزن طفولي.. فقامت بمسح دموعها وجثت ع ركبتيها وأخذته بين احضانها بحنيه وقالت بحنيه:ماتخافش ي حبيبي.. مافيش حاجة وحشه هتحصل.. إن شاء الله خير..
نور وهو يحتضنها:ماما اتي هتبقى كويثه ثح.. اتي والنونو؟..
سيلا:اه ي حبيبي ان شاء الله.. طول ما ربنا موجود وكمان بابا موجود.. ماتخافش مش هيحصل حاجه وحشه..
نور:مين الثت الوحثه دي؟..
سيلا وقد ابعدته قليلا:ماتاخدش ف بالك ي حبيبي.. يالا عشان نتغدى بقا..
وحملته ووضعته ع سطح المطبخ وبدأت ف اطعامه ف جو من المزاح والضحك حتى تتناسي ذلك الخوف والقلق الذي تملكها.. وبعد أن انتهت من اطعامه.. جلسوا أمام التلفاز ليشاهدوا فيلم كرتوني.. وبعد دقائق.. دخل خالد فسمع صوت التلفاز.. فاتجه إليهم فوجد نور نائما بين احضانها وهي كذلك نائمة.. ولاحظ تلك الكانيولا ف يدها.. فتنهد بضيق من ذلك الأمر.. فهو ملاحظ تعبها منذ فترة وهي تتهرب منه ف كل مرة يسالها عن تعبها.. حمل خالد نور وصعد به الي غرفته ووضعه ع الفراش وقام بتغطيته ثم هبط مرة أخرى الي الاسفل وحملها بين ذراعيه كالطفلة الصغيره وصعد بها إلى غرفتهم ووضعها ع الفراش وقام باخذ حماما وبدل ملابسه ورقد بجوارها.. وكالعاده أخذها بين احضانه بقوة كمن يريد اخفائها بين ضلوعه وكمن يود ان يجعل قلبه يهدأ من قلقه وخوفه عليها..وغط ف النوم وهو يحتضنها وظلوا هكذا حتى المساء.. حتى قطع نومهم صوت رنين هاتفه خالد معلنا عن قدوم اتصال وعندما رأي الرقم وجده رقم هالة.. ابعدها عنه برفق حتى لا تستيقظ واجاب ع الهاتف بنعاس:الو..
هالة:ايوا ي مستر خالد معلشي لو ازعجتك بس انت عارف ان الحفله السنويه بتاعه الشركة بكرا..
خالد:اممممم.. تاب فيه مشاكل ف التجهيزات ولا ايه؟..
هالة:لا.. بس فيه شويه تعديلات كدا سيلا كانت اقترحتهم عليا ونسيت اقولك عليها..
خالد:تمام.. ابعتيهوملي وانا هشوفهم وابقى اكلمك..
هالة:ماشي.. سلام..
واغلقت الخط معه ووضع الهاتف بجواره ونظر إليها وهي نائمة مثل الأطفال ولكنه لا يعلم لما يشعر ان هناك شئ تخفيه؟.. من الممكن أني أشعر بذلك من خوفي وقلقي عليها.. ظل ينظر إليها وهي نائمة حتى وجدها تتململ قليلا وهي نائمة حتى فتحت عيونها وعندما تقابلت الأعين.. ارتسمت ابتسامة وجههمها.. وقالت بابتسامه نعاس:صباح الخير يا حبيبي..
خالد بابتسامه وهي يبعد خصلات شعرها عن وجهها:مساء الخير يا عمري.. عاملة ايه دلوقتي؟..
سيلا:الحمدلله احسن كتير..
خالد:ماقلتليش انك كنت عند الدكتور يعني..
سيلا بتوتر فهي لم تريده ان يعلم بأمر الحمل الان:د.. دكتور.. وانت عرفت منين؟..
خالد:من البتاعه الي ف ايدك دي.. مالك بقا؟؟..
سيلا:مافيش ي حبيبي دا بس شويه هبوط كدا..فالبنات قلقوا عليا واصروا اروح المستشفى..و..
خالد:و..وبعدين؟..
سيلا:مافيش بس.. عادي إرهاق ع برد ف المعده.. كدا يعني.. بس ماتقلقش هبقي احسن..
خالد:سيلا انتي مخبيه عني حاجه؟..
سيلا:انا؟.. هخبي ايه يعني؟..
خالد:والله مش عارف.. قولي لنفسك..(وامسك بيدها برفق وحنيه ونظر الي عيونها وقال).. مش احنا متفقين مانخبيش حاجة عن بعض.. ليه حاسس ان فيكي حاجة ومخبيه عليا..تاب بلاش دي.. ليه مش عايزانى اخدك المستشفى اطمن عليكي عشان ارتاح..
سيلا بابتسامة:ي حبيبي انت ليه معيش نفسك ف القلق دا بس؟.. كل حاجة كويسه اهو والحمدلله احنا كويسين.. وبعدين هبقي مخبيه ايه بس؟.. يعني هيبقى فيا حاجة خطيره وهخبيها عنك يعني؟..
خالد:يعني انتي بجد كويسه؟..
سيلا بابتسامة:وحياتك عندي كويسه.. وعارف هبقي كويسه اكتر امتى؟..
خالد:امتى؟..
ارتمت بين احضانه بقوة كمن تريد أن تجعله يطمئن انها معه وقالت بحنيه:لما افضل ف حضنك كدا..
زاد خالد ف ضمها اليه كمن يريد اخفائها بين ضلوعه وكمن يود جعلها تشعر بالأمان وكذلك هو.. فهو لا يعلم لما خوفه قد زاد ف تلك الفترة؟.. لما عاد شعوره بأنه سيخسرها يوما ما؟.. وهي كذلك كانت في احضانه مثل الطفله التي تختبئ ف كنف والدها.. فقد كان كلام حبيبه يرن صداه ف اذنها.. ترى ما الذي يخفيه القدر هذه المرة؟؟..

يا ترى حبيبه ناويه ع ايه؟..
تفتكروا سيلا هتقول لخالد امتى؟..

طبعا انا عارفه اني موقفه الروايه دي بقالي كتير بس كانت ظروف كدا غصب عني وان شاء الله الفصل القادم هو الاخير 🔥🔥🔥ومستنيه رايكم عشان اشوفني لسه بعرف اكتب ولا لا❤️❤️..
قراءة ممتعه❤️❤️🔥