مجنونتي نيار

8

بيا عذر ما ميزتني ؟؟
الأعمة من صوت البلابل يعرف بجيت الضوة💜

نيار ………………………………

ثاني يوم رجعنة رغد وامي فرحانة وتهوس
عفتها بالبيت يم نيارة الي خلتني امشطلها تريد تصير حلوة لأن رغد راح تجيها

جنت حيل فرحان برجعتها
رغم مايخفة علية نضراتها الحزينة لأن تتصور راح تلگة ضرة إلها بالبيت ومشاكل هي ماتتحملها

وصلت لبيتنة عفت السيارة بالباب وبديت انزل الجنط رغد واكفة ع صفحة تباوع للبيت بقلق فتحت الباب دخلت الجنط والاغراض ومجودي وياي

انفتح باب المطبخ وطلعت نيار لابسة ثوب بنفسجي كلوش قصير والشعر منثور حمرتها والفيونكة ونعالها ابو الاصبع الأصفر لابستة بالعكس ورجليها ناعمات بيض  طالعات من النعال

شافت رغد شهكت وصاحت ماما
ركضت حضنتها وتبوس بيها وكعتها للگاع وتصيح
...بيبي هااي ماما بيبي

رغد وخرتها ع كيف وكلشي مافاهمة
...هاي منو وسام؟؟
...ضرتج الماتردين تسويلج مشاكل
بسرعة عصبت دفعت نيار وكامت
ونيار خطية اول شي توجعت بعدين ضحكت وكامت تريد تحضنها لزمتها كامت تدفعني

...شنو هاي المهزلة وسام
...علكيفج رغد شبيج
...يعني عيني فهمنة انتي نغة وصغيرة
بس هاي إهانة شوفلك صرفة وسام
ترى والله الطريق الجابني يرجعني
نطت نيار تحاجي مجد
...مجودي هاي ماما يعيني

...روحي للغرفة يلا بسرعة بعدين اصيحلج
...مااا ابقة يم ماما
...يوم اخذيها شوية
...مااا وخرر
...لجج أمشي للغرفة لا اكطعج

فلتت من ايدي راحت حضنت رغد وذيج تخبلت
...وسام وخرها عني لاقسماً بذات الله ماتتصور شيصير
عصبت حيل جريت نيار ماتقبل مكمشة بيها حيل ورغد تصيح جريتها من أيدها كامت تبجي وتحاجي رغد
...ماما ليش يضربني مامااا
...لج بت الكلب ولانفس ششش
بلكوة شلعتها عبالك صمغ مجلبة

اخذتها للغرفة الفيونكة طاحت والنعال مادري وين صار الشعر هوسة والحمرة لزكت بقميصي وخربت وجها
...شبيج ماتفهميني

مسحت دموعها وهي تنشغ مهضومة
...حبابتي نيورة شبيج
مسحت دموعها وحجت
...ليش ماما ماتحبني اني احبها

بوست خدودها مسحت عنها الحمرة
...لاتحبج بس مريضة
...هي تحبني
...اي تموت عليج كلساع تكول وين نيارة بنتي
ضحكت وغطت وجها
...اي تحبني
حجت برائة وهي تباوع لعيوني
...عمو شوف ثوبي حلو ونعالي حلو
ليش ماباستني هنا وهنا
أشرت ع حلكها وخدها

...عادي اني ابوسج
...الا ماما
...يعني مابيها مجال ابوسج
...لا
...يمعودة بس بوسة ها خلي ابوسج
...لا ماما ماما

اخذتها وطلعنة يم رغد وامي كاعدة تبسبس وياها تحجيلها عن نيار وهي ممقتنعة

ونيارة راحتلها ركض تبوس بيها وتگلب بأيدها وترفعها تريد تبوسها ورغد تجرها وتدفع نيار صحت بيها