مجنونتي نيار

19

ٕٕ
يقلقني أن أراكِ تضحكين
وليسَ بمقدوري تَقبيل ضحكاتُكِ
أجدها مُعاناة أن لا ألمس شيئًا أحبّه ..

...........................................................

ٕ
ٕ
فتح القفل جر الباب وانصدمو !!!
...نياااار

جانت نايمة يم الباب لزك
لامخدة ولافراش ع السيراميك
نومتها ابد مو مريحة متكورة ع نفسها وحاضنة لعابتها

تقرب وسام خايف وملهوف عليها شالها خلاها بحضنة
...نياااار بابا كعدي شو شبيج
فتحت عيونها ع كيف تباوعلهم
كأنو ناسية بعدين تذكرت برطمت وتبجي مهضومة
...ليش ماتحبوني الن موحلوة

دنكت بحركة حزن وأسى
...الن شعري موحلو

وخرت من حضنة وحطت أيدها ع عيونها
كعد كدامها يوخر شعرها عن وجها
عيونها الي بالكوة فاتحتهن مورمات من البجي
الحزن تسربلة من من منضرها التعبان
...عيوني وروحي سكتي لاتبجين اروحلج فدوة

دفعت أيدة عنها تفاجأ من حركتها
...جداب ماتحبني ليش مافتحت باب
رفعت عيونها تبجي وتباوع لرغد
...ليش عفتيني اني مو خفت
وحش يركض وراي يباوعلي

أشرت ع باب المطبخ بخوف
...يباوعلي مناك بالضلمة

حضنها تملصت من عندة تحجي بقناعة
...بعدين عنونة طردتة راح

...منو ؟؟
...منا منا
واشرت ع بطنها

...غمضت عيني لعبت وياي
كالت تريد تلعب بلعابتي
الن هي حلوة

ضحك بقوة رغم جان متأثر ويحس كلبة مكسور لأذيتها وبجيها
...منين طلعت من بطنج
حركت راسها إيجاب
...شكبرها
...عنووونة
...ليش تضحك خطية حلمانة
من الخوف كام عقلها ينسج
...ماحملانة هي اجت يمي

كعدت يمها تمسح دموعها ويرجعن يوكعن
...كافي حبيبتي
...بعد انام يم بيبي بعد

لزمت ايديها بوستهن
...لا تنامين بحضني بعد ماعوفج
...انام بحضن بيبي الأحسن
عافتهم وراحت تركض لغرفة بيبيتها الي جانت بعدها نايمة ع سريرها ابو النفر ضمت نفسها بحضنها
صوت وسام وراها الي يصيح ... نيار
بس رغد جت أيدة
...عوفها اسوي ريوك وروح صيحلها مو هسة

فتحت عيونها تباوع لنيار مثل البزونة
شكدوتها حيل ناعمة ومن تنام تتكور وتضم نفسها يعني صدك تضيع وعبالك طوبة

... ها نيورة بيبي
...بيبي انام بحضنج الحلو
تحجي وتجر بثوبها من جهة الصدر تشتمة

...نامي يروحي بس خاف اخنكج اني سمينة
...لا تخنكيني الن اموت
باوعتلها بإتهام وخزرتها
...اذا موت الا ازاعلج
سكتت ورجعت تشتم بثوبها

...شجاي تشمشين ماتكوليلي
...الله طيب بيبي
...مسك هذا تحبين ريحتة ؟
...يجمل هذا الأحلى