مجنونتي نيار

38

بُلينا بِلينِ قَلبٍ هَوىَ بِنا إلى سَبعين قَاعٍ 🌾

________________________نيار

َ
بين وسام الي صافن بنيار الي قفصت علي
ونيار شاركة الحلك فرحانة اجة اتصال لرغد عقد بنت اخوها المخطوبة اليوم
ونيار من سمعت عقد سألتهم
...شنو عقد ماما
مالكت طريقة تفهمها بيها فردت ببساطة
...يعني عرس ماما
بقت تسال وراحت يم مجد
...مجودي شنو عرس

...ها!!! يعني شلون كوشي وأرناف ذولة التحبينهم نفس الشي
ونيار من الفرحة ماعرفت شتسوي
حطت أيدها ع حلكها وحجت بحب وهي عيونها ساهية
...ارنوفي

طفرت وهي تهوس
...عدنة عرررس ، عرس
...منو كالج انتي تروحين اصلا
...الو اني ماروح جا منو يروح

...اي وسام شبيك هسة من نجهز عسولة نشتري لنيار ثوب وتروح وياي للعقد

...تشتريلي بدلة ماما بدلة
...اي ماما
...تحجين صدك ؟؟
اني اخلي نيار تروح  ليش كلتيلها رغد

...وليش ماتخليها خطية خل تتونس
ردت وهي تصفك أيدها
...اي والله خل تتونس صحيح

...اش رغد نسيها الموضوع بطريقتج كومي بدلي نروح للسوك
...ماشي، بكيفك

راحو يبدلون نيار خلصت قبلهم بقت تفتر وتصيح ...يلا اخرتونة خلص سوك خلص

...روحي منا انتي وجنطتج
...جنطة حلوة شوف
...هاج هاي الفرحانة لبسيها
خلاها ع راسها سوتلة اوكي

طلعو بالسيارة وهي طول الطريق تحجي بفرح ...حنروح عرس والبس بدلة من هاي الجبيرة كلش تجمل واركص نفس كوشي الله

...وبعد احط ميكب ، اي صحيح ميكب تكول ذيج الحلوة مو ماما

...اي حبيبتي
...بعد اسوي ؟ احط صبوغ للأضافر الحلوة مالتي بعد ،
...سكتي كاافي

هزت راسها وردت بلطف
...ميخالف سكت سكتت

...اي حبابة ضلي هادئة ع مانوصل
...اي صحيح
نزلو يم محل تجهيزات اطفال ونيار من كل عقلها تحجي وياهم وهي تلزم بدلة طفل حديث الولادة
...بدلة حلووة الله ألبسة بالعرس

...لج ماما هاي عنونة شتحجين
...اكو كبيرة اكو خووب

لمن شافت سرير اطفال ابيض وجرارات لون زهري وبي ورد اوف وايت وكفت كدامة وحجت بتعجب
... الله شون حلو هذا يجمل

...عجبج ؟
...اي والله عجبني
...ناخذة لعسولة
...للعسق ؟؟ اي اي بابا اي حلو آخذة

...رغد
...ها
...شوفي هذا عجب نيار
ابتسمت وحجت بحب ...فدوة يخبل

...خوب حلو ماما
...اي كلش حلو بس اعتقد هذا غالي ويا كنتور وميز مو وسام شوف ذني ويا ؟

...اي مبين نفس النقش خلي نشوف سعرة اذا بي مجال ناخذة
...اي خطية عجبها شوف سألة

بقن واكفات نيار تلمسة وتردد
... الله عجب عجبنة هذا حلو واو