مجنونتي نيار

39

وصّيتك بكُل حَذر
" عينّك عَلى عِيونَك ♥️ "

َ

____________________نيار

َ

ٕ
بهتت ملامحها دارت وجها تشوف اذا احد موجود لو لا نزلت الديجي بالكاع وجرت نيار كعدت هي وياها ع الدرج
...نيارتي ماما منو علمج هذا الحجي

...انتي بواكة تبوكين ابني وتذبيني بالشوارع الن ماتحبيني ليييييش

...يااا اكو واحد يذب بنيتة شون اذبج اني ما اكدر افاركج انتي بنتي وحبيبتي العنونة مالتي العنونين كلهم يكبرون وانتي تبقين وياي بنتي الزغيرونة
مو صحيح حبيبتي كوليلي منو علمج

مسحت دموعها وحضنت رغد
...عمة هنودة وعمة ام سنون

...هااا خلي يولن يماما هسة الله يذبهن بجهنم مو صحيح
...يذبهن بالجهنم لونها حماري

...اي عفية حبيبتي لاتصدكين بيهن اذا بعد حاجنك كوليلهن ولن لتحجن وياي
...بعد ابسطهن بالنعال

...لا عيب بس لاتحجين وياهن
...حنركص ماما
...لا لا وسومي مايقبل ابد
...حبابة ماما حبابة حبابة
جرت ايدها اخذتها للصالة صفكت أيدها وتأشر لخوانها
...يلا عيني يلا روحو لغرفكم نيرة تريد نسويلها عرس

طلعو وهمة يضحكون مستهزئين بنيار
سدت رغد الباب ونيار صاحت
...ماما طلعيلي اعوفن كل هلي وشديلي هذا هنا

هزت راسها طلعتلها الأغنية شدت الشال وكفت تباوعلها اول شي ع الأنغام نيار بس تحرك خصرها بس من بدت الأغنية خلتهن وحدة تباوع للثانية شلون تتلوة وتقاسيم جسمها وحركاتها

صافنات ويفتحن عيونهن لمن تأشر ع نفسها وتكول بصوت شجي
...سباحي يالمحبوب

لمن خلصت الغنية كعدت بالكاع واشرت
ع الماي ...ماما ماي ماي

بسرعة اخذت الكلاص ونطتها تشرب
خلصت مسحت حلكها وانطتها الكلاص
وكفت كدام اخت امها
...عمة تنسيم الحية
تعرفين تركصين مثلي الو لا

...لججج شنو حية احترمي نفسج
...انتي احترمي نفسج الو اكول عليج ماما
كعدت بمكانها تباوعلهن بعدائية
...وسومي كال الو وحدة من بكة بسطتج بسطيها هو كال الو صرتي خثية اكطعج

...خثية شنو ؟؟
...ماعليج عمة يعيني

راحت يم رغد تفتحلها الشال وهي ميتة ضحك اول مرة تشوف نيار القوية الشرسة
اخذت الكب وخلتة ع زنودها
...وسومي كال الو نزعتي يا نيورة بعد ماحبج

دنت تشاور رغد
...ماما اريد اكل جوعانة اني جوعانة
...اي حبيبتي هسة ضلي وياي لايصير بيج شي النوب وسام ياكل گلبي

...يا ليش ياكلة ليش خوب حنياكل سميجة الو خبزاية

...أمشي أمشي ماما ماعليج
لزمت أيد امها وطلعت وياها كعدن بالمطبخ صبتلها قبلهم مطبك سمج وروبة وكعدت توكلها