مجنونتي نيار

14

ٕ
َ
اتذكر أول مرة من گال أسمي
دگات گلبي بكل مكان بجسمي 💜

………………………………………....نيار
ٕٕ

لزم أيدها بهدوء متجاهل نضرات الناس بس يريد يسكتها
...نيار حبيبي بابا عيب فدوة اروحلج
طاحت دموعها ووجها أحمر مسحهن
...ما وسومي اريدها مالتي شريناها من عمو
موو شريت بفلوس وسومي
...لا شوفي احنة اشترينا هاي العلاكة مو العربانة
... اريد عربانة ماريد علاكة

سكتت تباوع للعربانة
...اشلع شعري اشلعة
بسرعة لزم اديها

...اشش خل نطلع نشتريلج من برة تعاي
...مااااا جيبهاااا
تنهد بتعب والموقف الخلتة بي نيار صعب
...روحي للسيارة اخذيها الج نيارتي
يلا سوقيها احلى من العربانة هااا

...اني اسوق
...اي انتي
انطتة العربانة بتردد رجعها وهي شالت العلاكة ع گلبها وتمشي طلعو هو حس نفسة فعلاً تعب ، تعب نفسياً
...عمو كال عربانة الج
بس اني ماريد ماريدها موحلوة مو وسومي

...اي موحلوة
وصلو يم السيارة وكفت يم باب السايق وخرها فتح السيارة وصعد فتحت عيونها هو فتح الباب الثانية
...تعاي صعدي
...اركب هنا وسومي اسوق موو نروح للبيت اني اسوق
صاح بيها اخترعت ووكعت العلاكة
...صعدي لا اخلي راسج جوة التايرر
...مااا ماااا
سد الباب وحرك السيارة مسافة قليلة ووكف اجت تركض ورا تبجي
...لاااا تعوفنييي وسووومي اخاااف

لزمت بأيدة من ورة الجامة وحضنتة رد ببرود
...روحي جيبي العلاكة
...اخاف اخاف
صعد الجامة دخلت أيدها من الفتحة وترجف
...وسومي يجيني الوحش

تجاهلها وصعد الجامة أكثر
...روحي جيبي العلاكة
راحت وعينها ع السيارة خاف يعوفها
رجعت تركض وجها اصفررر والدموع جفت بخدودها
فتحلها الباب صعدت انطتة العلاكة وحضنت نفسها

ماهتم الها مشة مسافة وطبك السيارة ع صفحة
...يالله طلعي
...نروح
...بس انتي روحي بعد ماريدج
لزمت بأيدة حيل ضمت وجها بكتفة وتبجي

دفعها عنة رجعت حضنتة
...اخاااف
...طلعيي بعدد ماريدج
...ماعيدها وسومي
فتح الباب مالتها ذبت نفسها بحضنة وتصرخ
...حبااااب وسووومي ماعيدها ماعيدها

...تصيرين حبابة لو لاااا؟؟؟؟
...اصير حبابة
...تعيدنها بعد تبجين بالشارع وتفشليني
شهكت بقوة وهي تاخذ النفس واديها يرجفن
...ماعيد ماعيد

...رجعي لمكانج وإذا عدتيها اذبج بالزبالة
...بزونة بالزبالة بزونة تعضني

رجعت لمكانها تشهك وتحجي وي نفسها
...بزونة تعضني امووت اخاف تاكلني من ايدي
وسومي يكول بزونة تعضني بابا يكول
حطت أيدها ع راسها بإنهيار
ماريد عربانة بعد لاذبني اريد مامااا
انام بحضن ماما ماتعضني