مجنونتي نيار

32

عاملت كُل شَيء بالوسطيّة إلا أنتِ دللتك 🌼
ٕ
َ

__________________________نيار

انتي شنو سالفتج تريدين تخلبيني
فتحت عيونها متفاجأة
...وسومي الا انت مو مخبل انت وجهك حلو

...اضربج ع وجهج هسة
خلت أيدها كدام وجها وحجت بلطف
...لا وسومي وجهي حلو لا تضربني

...وين نفاخاتج
...ها , وين نفاخاتي بكتهن نعال ليش بكتهننن

لزم أذنها يجر بيها
...وين وديتيهن لا اكطعج ادري بسوالفج احجييي
حطت أيدها ع أيدة تتوسلة
...حباب حباب بابا حباب

...لو مو تكولين بابا اكطعج والله طلعتي للشارع
...ماطلعت ماطلعت بس العربانة طلعت هي والنفاخ طلعن فرفرن وحدهن مو اني ااااي اذني

هد أذنها ضربتة بصدرة
...ليش نعال شلعت
...مانشلعت بس هسة راح اشلعها بالسجينة لأن طلعتي
...لييش تشلعها ولك بعد ميلي الحجي مايبيع ذانات ماعدة خلصن

لزمت أيدة ...حباب وسومي لاتشلعها
...ماشلعها ماعلية بيج بس لان طلعتي بعد ماتروحين للجنة تروحين للنار
...ليش
... لأن طلعتي
...جداب يعيني اروح للجنة
سكت ماجاوبها بقت تروح وترجع
وكفت كدامة
...وسومي اروح للجنة الو ماطلعت بعد
...لا
...جا للجهنم
...اي
...واذا كلت لرب العالمين اني آسفة بعد ماسويها

...ماادري
طلعت للطارمة تباوع للسمة
...يارب العالمين إني آسفة بعد مااعيدها لاتوديني للجهنم الن اخاف منها وديني للجنة يم بابا

ركضتلة للصالة
...سامحني رب العالمين سامحني

...لا ماسامحج
...سامحني الن الن
هاي اني حبابة مااسوي أذية للناس يكول

سكت متأثر بكلماتها
...هو اني لو تكتلين بشر تروحين للجنة
حطت أيدها ع متنة قربت وجها يم وجهة
...شنمة بشر شنمة

...بشر يعني ناس تعالي كعدي
شوفي حبيبتي ،، لااا كعدي عدل
جرها كعدها يمة
...اريدج تصيرين عاقلة
...اني عاقلة مودئبة

...اي ادري بيج والنعم منج بس اريدج بعد احسن هزت راسها وحجت ...اي والله اني الاحسن

...اي عفية اريدج ماتحجين هواي الا وقت الضروة
قربت وجها أكثر ضرب خشمها بخشمة
...شنو ضرورة شنو

صفك أيد بأيد بقت تباوعلة
...شنو ضرورة وسومي
...كلشي ماكو روحي لعبي
...اي والله حنلعب بالعربانة احسن

تفتر بالعربانة وبطنها مبينة وواضحة من يشوفها هيج حيل ينقهر ويتأذة
...لا نيار لاتلعبين كافي
...ليش ما العب اني عنونة مو العنونين يلعبون

...لا انتي مو عنونة جبيرة عوفي العربانة وتعاي كعدي
...اي والله اني جبيرة وشعري يصير احمر