مجنونتي نيار

37

وحَگهم من يّحسدونه..
إذا عاشگلي آنه انسان بَشَـر
لو گابل مرايـات يّحسد روحه بعيونه💙.

_________________________نيار

رجع للبيت فتح الباب دخل هو وي الرجال جايب ثلاجة زغيرة لنيار

انتضر يطلع الرجال تشكرة بعد ماجابلة ماي من المطبخ
ونيار واكفة تسألة
...جبت لعابة جبيرة الو جبت لعابة اكبر من جبيرة الو

تالي جر أيدها وهو يبوسها
...شوفي شجبتلج ياروحي جبتلج ثلاجة

حطت الجبساية بحلكها وردت بغباء
...العب بيهة الو اضمها

رغد.شنو هاي وسام شنسوي بيها مااقبل يتغير ديكور المطبخ شنو هاي الكطمة جايبها

...لاهاي لغرفة نيار

...لغرفة مالتي هاي اضم بيها حوايج
الله لون حماري يجمل

ردت رغد بإنزعاج
...شنو يعني قابل الثلاجة مقفولة ورحت جبت غيرها لنيار لو واحد لازم عليها شي

...لا حبيبتي ام مجودي لتفكرين هيج
بس اكول خاف تجوع بالليل وتخاف تطلع الثلاجة يمها وتاخذ

...بكيفك سوي الي يعجبك
...مجدد روح جيبلي بهارات ماعدنة خلصت
دخلت وبقو هي وسام واحد مكابل الثاني

...اسوي بيها وسومي ؟
...تحطين بيها اكل حبيبتي بعد ماكو جوة الجرباية

...الو باكوها
...مايبوكونها منو يبوكها
...إمكن بيبية

...انتي حاطة بالج وي البيبية الله يستر
...ماحاطة بالي والله ماكو ماحطيت

...امشي روحي طبي جوة خلي اصيح لواحد يدخلها وياي لغرفتج ماسيطر
...سيطر سيطر
...امشي حبابة
هزت راسها ومشت
... يلا طشح طشح

... هههههه من نركب سيارة نصيح طشح هسة شكو
...اكو وسومي حبيبي حيل أحبة

...طبي لج ملعبة خل اكمل شغل لاتدوهنيني
ودتلة بوسة بالهوة وشمرتها بقة صافن بمكانة اختفت عن انضارة وهو ع نفس وكفتة

لحد ما اجا صوت رغد
...ترى راحت ع شنو صافن

عدل وكفتة ورد بثقل
...لا هيج جنت افكر دخلو جوة راح اجيب واحد يدخلها وياي
...هي زغيرة اني وياك نشيلها
...ادري حبيبتي بس غير ايدي ماتعيني
اجت ويا ساعدتة يشيلها وأمة هم اعترضت
...شتسوي بيها والله ياريت لو حضي يكعد مثل حظ نيار

طلعتلها هدادة تحجي بغضب
...شوف بيبية باكت حضي جيبي ولج جيبي بواكة ام بوكـ

...نياااار
خافت وبقت تباوعلة بلوم
...صيح علية ليش ؟ الن اني حبابة

... لان وكحة
...ليش وكحة باع هدومي وشعري حلوات كلي حلوة باع جمالي
دنكت تعدل بثوبها رفعت راسها بعدت شعرها عن وجها طلعت ركبتها
...شوف الجمال شوف