مجنونتي نيار

23

َ
أيا داعياً بذكر العامرية أنني
أغار عليها من فم المتكلمِ ♥️

عدنا 😍
وفي العودة ندامة 🌝😂

________________________________نيار

َ

كعدت من النوم شافت العلاكة يمها فتحتها لمن شافت مكوناتها ابتهجت حطت أيدها ع عيونها ورجعت وخرتهن تباوع بفرح
... الله كوفي كثر السمة

اخذت العلاكة وطلعت كلهم كاعدين والوجوه توضح الخلاف خصوصاً بين وسام ورغد
ركضت ع رغد حضنتها مابادلتها الحضن كعدت بالكاع وفركشت العلاكة
...مية كوفي الي ماما

سطرتهن عدل ولزمت علبة الكهوة لأن مختلفة
رفعتها لرغد ...فتحي ماما
ماجاوبتها رجعت عادت طلبها مرة ثانية بملامح أكثر لطف ...ماما فتحين كوفي مالتي ؟

لمن شافتها ماترد وكفت تباوع بقلق حطت أيدها ع كصة امها تحجي بحزن
...مريضة ماما يااا خطيةة

باستها ودنكت اخذت علبة خلتها بأيدها
...هاج ماما بعد لا تصيرين مريضة يلا اخذيها الج

وسام يراقب بصمت جمود رغد دنك وحط أيدة ع راسة بتعب ونيار بس تحجي وتريد رغد تفتحلها العلبة ورغد معاندة ماترد عليها
...تعاي حبيبتي بابا افتحها الج

باوعتلة بكره ردت بعدائية
...ولي جلب بت ال***

سكت يتحمل ردة فعلها ع تصرفة وأذيتة الها
...ماما هذا وسومي النعال يكول
ماجاوبت رغد حجت بحزن
...هاي شبيها ماما

اخذت العلبة وراحت لمجد
...مجودي يعيني افتح كوفي مالتي

...كهوة مرة هاي روحي جيبي ذنيج اطيب
...ما ،، افتح افتح
اخذ العلبة بإستسلام فتحها وخلاها بيدها
...مر مو طيب
هزت راسها بالرفض وكعدت حطت بأيدها
تشيل وتخلي بحلكها ومغمضة عيونها بأستمتاع
... الله يجمل هذا شريتة بفلوسي

...كافي نيار جيبيها
رفعت عيونها آلة حجت بحدة
...ولي
... نيااااار
...ما ما ماما شوفي سوة وسومي صيح علية

دارت وجها عنة ورجعت تاكل كام اخذ العلبة من أيدها فتحت عيونها وصاحت
...جيبهااااا ولك جيب جيب

لزم أيدها جرها وهي تصرخ ...عوفني ما عوفنييي
شافتة يريد يدخلها للغرفة فلتت أيدها من ايدة وركضت لحضن رغد دكات كلبها سريعة ونفسها بالكوة تجرة
...خلي يعوفني ماما

بس لزم أيدها مرة ثانية حجت أمة
...عوفها وسام
...لا كاافي خلي تنام الكهوة مو زينة الها مضرة
ماسويلها شي
جلبت بحضن رغد أكثر وتستنجد ببيتها
...وج بيبي هذا وسومي يسويلي شي

جرها اقوة من كدر يلزمها بجت
...مامااا تعاي اخذيني منةة وسومي
وهم طنشتها وماردت دخلها للغرفة وصوت بجيها يوصللهم رغد علت صوت التلفزيون حتى ماتسمع صوتها