مجنونتي نيار

17

َ

َهيَ حَسناء
رَقيّقة صَغٌيرّة
نَاعمِة مُغريّة هيَ السَلامْ بَعد كُل حْروبي تلكَ

.......................................................

استمرت طلعات نيار ويومية جايبة سالفة شكل
تلم شكو غلطة تسمعها بالشارع وتجي تذبهن بأذن رغد
...ماما صديقي كال ابن الكلب للوليد
...عيب نيار ترة بعد ماخليج تطلعين
...وكال ساقـ....
...ولج عيب عيب تريدين تخبليني انتي
طلعة بعد ماكو صدك انتي استهتريي

...اطلع وي زهوري وزنوبة ونور
...ماكووو أمشي ولي
...اريد اروح ماما
...طبي كلتلج ماكو طلعة
عافتها وركضت تريد تطلع رغد كاعدة بمكانها ماتحركت
تعرف شلون تلزمها من الأيد التوجعها
...روحي نيار بعد أني مو امج

بسرعة اندارتلها حاطة أيدها ع حلكها وفاتحة عيونها
...ماما
...مو امج
رجعت تمشي ع كيف حضنتها
...انتي ماما
...روحي لعبي بس بعد ماريدج
حضنتها اقوة
...ماريد العب بعد

وخرتها عن حضنها تباوع لعيون نيار
...روحي للغرفة
...العب
...نامي
...بالجذب ؟
...بالصدك روحي نااامي
باوعتلها بحزن وركضت تبجي للغرفة

دخلت مجد جان كاعد شمرت نفسها بحضنة
...ماما تكول نامي
شهكت بقوة ورجعت تكمل كلامها
...تكول مجودي
...اشش سكتي لاتبجين ليش ماتردين تنامين

...اريد العب
...جيبي ايبادج اطلعلج لعبة
...اريد وية سديقاتي
...باجر لعبي وياهن اليوم نامي
راحت للجرباية تغطت تريد تنام
...مجودي شريلي جبس اكلة

...ميخالف العصر اشتريلج نامي هسة
حضنت لعابتها وغمضت عيونها
الشي الحلو بيها تجي بالمسايس
لاتعنفها بصوت ولاضرب راح تسوي الي تريدة
بس تأذيها تتخبل تنجن وتسوي العكس

مجودي اخذلها صور ودزهن الأبو
...بابا شوف نيار اليوم نايمة الضهر
... ههههه شعجب ولك افتح كاميرا اشوفها
... خاف تحس وتكعد
...ماتكعد مجد من بعيد
فتحلة ووجهة ع نيار حبيبتة المجنونة
الي استحلت گلبة وروحة
مليون وحدة عاقلة ماتاخذ مكانها
ولا تاخذ جزء من حبة إلها
هي ورغد متربعات وكاعدات بگلبة
بس كل وحدة حبها يختلف

يحب رغد القوية صديقة دربة وحب طفولتة

ويعشق نيار مجنونتة الي يسميها آخر التعب
نسمة حياتة النقية

...سدة بابا مجودي ودير بالك عليها
انتبه إلها خاف تغافلكم وتطلع

سكت وبداخلة يحجي والله لو تدري نيار صارت تعرف بيوت المنطقة والساكنين بيها واحد واحد

نهة المكالمة ويذكر أمس شمسوية نيار
وشلون طبت عليهم تبجي وتجر برغد
...علاوي ضرب بيت أموري بالحجارة
ليش يضرب الباب لييييش