مجنونتي نيار

27

شيقراج ياخاتــم نبـــي
وما اكدر افهم طلسمة 💜

َ
_________________________________نيا

ٕ
َ

هسة شسوين بهاي الفلوس تردين تجمعيهم
ردت بإبتسامة وهي تهز الدخل
...اطيهن لعموري يشتري هدوم حلوات
الن هدومة مو حلوات مزكات
رفع حاجبة منزعج حطت أيدها ع عيونها
...ويشتريلة سيارة نفس مالتك حتى بعد يركب بيها وتصير عندة هواي فلوس يشتريلي ملون

جر أيدها كعدها كدامة لزم اذانها خافت
...ها وسومي شتريد
...عموووري النوب علية عموووري
...الا ماتحجي ع عموري صديقي

...اليوم انعل ابوج وأبو عمار شتردين خاتون لج خبلتينييي ماكو ع لسانج غير الولد عموري زيكو حمادة حسنين عبسييي

...همة الولد حبابين احبهم
...تحبينهم ؟؟؟ اليوم اجويج
تملصت من ايدة ابتعدت عنة
...اني اجويك اني بالخاشوكة احطها ع ايدك حتى تصير حباب ياوكح

وكفت كدامة خزرتة وحجت بدون ماتباوع لرغد
...يلا ماما حنحط الخاشوكة بالنار الخاشوكة ونجيبها ع أيد وسومي جلب هاااا الو تصير حباب

راحت تركض للمطبخ جابت الخاشوكة واجت تحجي وتهز راسها بتأكيد
... والله اجويك ياوسومي
...تعاي يمي تعاي نيار
...ها
اجت كعدت بحضنة باستة بخدة ...ها صرت حباب متسوي وكاحة بعد ماتغلط ع اسدقائي  ؟

...اريد أخذج لكربلة بلكي الحسين يصحيج
...جااا أخذني جا
...شنو رائيكم نروح باجر نبات هناك ندخل نيار للأمام بلكي تتحسن تصرفاتها وتهدء
...اي والله يمة صار هواااي مارايحين
...وانتي رغد
... والله اني جاهزة بما انو باجر هم عطلة فمن هسة قرر حتى نحضر نفسنة وصدك ينرادلنة زيارة
وكفت نيار راحت ركض للغرفة رجعتلهم لابسة نعالها ...شوكت نروح جا

...مو هسا بابا
...هاا
دخلت للغرفة ضمت نعالها وطلعت حافي

...المفروض هسة انتي زنكينة مايهمج نعال
بالدخل ٥٠٠ فلوس السلفة و٢١٠ من امي و٣٣ من رغد مابقة شي ويصير مليون ولو مدورة بدولاب امي جان لكيتي بعد ٤٠٠ من الراتب جان زادت الفلوس أكثر مو بابا

مافهمت كلامة هزت راسها وحجت
...اي بابا
...مو بابا اني شكلتلج
دنكت راسها ضايجة حجت أمة بضيق
...يعني انت تكوللها بابا شتريد تكلك غير تسمع منك وتقلد خلي تكول بابا مابيها شي

...لايمة لخاطر محمد ماريدها تكول بابا ماشي وشي ثاني اني متعود ع هاي الكلمة شلون ،
المهم العصر أخذج تروحين تجيبيلها عباية شي للزيارة
رغد. لا متعرف العباية تتبهذل ناخذلها جادر
...شنو هذا الملون قصدج؟
حجت نيار بفرحة وعيونها تلمع
...اي وسومي اني احب الملون طيب الله

...انجبي انتي وكعدي ، هذا البي ألوان ؟
...اي هو يوم واحد شبيها
يباوع لنيار تلعب بأصابعها ترفع راسها وترجع تنزلة
...تجيبلي ملون ؟؟
...روحي لبسي نعالج وتعاي
رغد لبسيها قميص فوك ثوبها عوفي مفتوح بس يضم اديها
...وسام شنو هالخنطلة
...دلبسيها خل اشتريلها واجي خطية