{UNI}
သူတို့ဒီနေ့ Switzerlandရဲ့ Lauterbrunneဆိုသည့်ရွာလေးက Staubbachရေတံခွန်ဆီသွားမှာဖြစ်သည်။ သူတို့Hotel ရှိရာ Zurichမြို့ကနေ Lauterbrunneကို ရထားနဲ့သွားဖို့ဆုံးဖြတ်ထားသည်။
"ဝမ်ကော...ရေခဲမုန့်စားမယ်! ရေခဲမုန့်"
ဘူတာရုံထဲရထားလက်မှတ်ဖြတ်နေတုန်း ရှောင်းကျန့်ကလက်ဆွဲကာပူဆာနေခြင်းဖြစ်သည်။ ငယ်သူကိုမှကြိုက်မိတော့လည်း အလိုလိုက်ရသည်။ လက်မှတ်အမြန်ဖြတ်ကာ ဆွဲခေါ်ရာနောက် ဝမ်ရိပေါ်လိုက်သွားလိုက်၏။
သူ့ကလေးလေးသည် ရေခဲမုန့်ကိုဘယ်လိုမှာမလဲ ဝမ်ရိပေါ်ရပ်ကြည့်နေလိုက်သည်။ ဦးထုပ်အနက်ကလေးနဲ့အနှီကောင်လေးသည် မာဖလာလေးထဲမြုပ်နေသည့်အပြင် လွယ်အိတ်လေးပါ လွယ်ထားသည်မို့ ရှောင်းကျန့်သည် အသက်မပြည့်သေးသောကလေးလေးတစ်ယောက်လိုပင်။
"Strawberries ice-cream.."
ရေခဲမုန့်ဆိုင်ပိုင်ရှင်ဘဲကြီးက ရှောင်းကျန့်ကိုပြုံးကြည့်နေပြီး ရေခဲမုန့်တွေကိုခွက်လေးနဲ့တောင်မဆံ့ချင်တော့အောင်ကို အများကြီးထည့်ပေးသည်။ လက်ထဲရေခဲမုန့်ရောက်သည်နှင့် စားနေပြီဖြစ်သည့် ရှောင်းကျန့်က ဝမ်ရိပေါ် ပိုက်ဆံရှင်းပေးမည်ကိုကြိုသိနေသည့်အလား ကော့တော့,ကော့တော့ဖြင့်ထွက်သွားသည်။
"He is your baby?"
"No, he is my boyfriend"
ဆိုင်ပိုင်ရှင်ဘဲကြီးက သူ့ကိုအံ့သြသလိုကြည့်နေသည်ကြောင့် ဝမ်ရိပေါ်လည်းပြန်အမ်းငွေတောင်မယူတော့ဘဲထွက်ခဲ့လိုက်သည်။ ထိုဘဲကြီးအံ့သြတာလည်းမထူးဆန်းပေ။ သူ့အခုပုံစံနှင့်ရှောင်းကျန့်သည် သားအဖလိုပင်ဖြစ်နေသည်လေ။ ဟိုကသေးသေးကွေးကွေးလေး။ သူကလည်းဒီနေ့မှ ဆံပင်ဘုတ်သိုက်ဖြင့် မသိလျှင်ကလေးအဖေကြီးလိုလို။
YOU ARE READING
My Special Boyfriend [Complete]
Fanfiction||210310|| Wang Yibo × Xiao Zhan Yizhan {BJYX} Fanfiction Chinese actor Wang Yibo & his Japanese fanboy Xiao Zhan's love story.