Unicode
--------------
.
သွေးဒီမနက်ကျောင်းသွားဖို့အားလုံးပြင်ဆင်ပြီးအောက်ဆင်းလာတော့ ဦးလွှမ်းဝဏ္ဏထည် ကထုံးစံအတိုင်းအရင်ရောက်နှင့်ပြန်သည်။သွေးအစောကြီးထပါသော်လည်းဘယ်သောအခါမှ
ဦးလွှမ်းဝဏ္ဏထည် ကို မမှီခဲ့ပါ။ထုံးစံအတိုင်း နှုတ်ဆက်ပြီးမနက်စာစားသုံးကြသည်။
"မုန့်တွေအပိုထည့်ပေးထားတယ် သူငယ်ချင်းဆိုသူနဲ့စား ''
သွေးအိတ်ထဲမုန့်တွေထည့်ပေးပြီး
ဦးလွှမ်းဝဏ္ဏထည် က အမှာစကားခြွေသည်။ရေနွေးဘူးပါထပ်ထည့်ပေးပြန်သည်။
ဒီမနက်မိုးမရွာတာကြောင့်သွေးထီးယူမသွားတော့။
အကယ်၍မိုးရွာခဲ့သည်ရှိသော် အပြင်မထွက်ဘဲ ဦးလာသည်အထိအခန်းထဲစောင့်နေဖို့ရာ ဦးလွှမ်းဝဏ္ဏထည် က ဂရုတစိုက်နဲ့ မှာကြားသေးသည်။
"ဦး အလုပ်မှာဂရုစိုက်ပါဗျ''
"အင်း ကျောင်းထဲဝင်တော့''
"ဟုတ်ကဲ့''
ကောင်လေးကျောင်းထဲဝင်သွားတော့မှ
လွှမ်းဝဏ္ဏထည် အလုပ်သွားရတာနေ့တိုင်းပင်။သူ့အုပ်ချုပ်မှုအောက်က ကောင်လေးမို့
တစ်ခုခုအမှားအယွင်းဖြစ်လို့မဖြစ်ပါ။အမြဲအရိပ်တကြည့်ကြည့်လုပ်နေရသည့်အပြင် ကလေးတစ်ယောက်လိုလည်းနေရာတိုင်းလိုက်ပြောရပြန်သည်။
စကားအများကြီးပြောရတာမကြိုက်သော်ငှားလည်း ဒီကလေးမို့ ပြောဖြစ်အောင်ပြောရမှာအသေအချာဖြစ်၏။
~~~~~~
သွေးအတန်းထဲဝင်တော့သူအရင်ထိုင်နေကျနေရာလေးမှာ ဒေါင်းကိုတွေ့လိုက်ရသည်။
မျက်နှာတစ်ခုလုံးမှာဒဏ်ရာတွေနဲ့အပြင်နှုတ်ခမ်းထောင့်တွေပါကွဲအက်နေပြီး ညာဘက်လက်ကလည်းပတ်တီးစည်းထားပြန်သည်။
"ဟေ့ သွေး'''
သွေးကိုတွေ့တော့ ပြုံးပြရှာသူ။
သွေးလည်းသူ့အနားဝင်ထိုင်လိုက်၏။"မင်းအဆင်ပြေရဲ့လား ဒေါင်း''
ကိုယ်ချင်းစာမှုအပြည့်နဲ့မေးလိုက်သောအခါ ဒေါင်းကခပ်ပြုံးပြုံးဖြင့်သွေးရဲ့ပါးပြင်တစ်ဖက်ကိုဆွဲညှစ်လေသည်။
YOU ARE READING
အဖြူရောင်စာမျက်နှာ(Complete)
Romanceကိုယ်ကမင်းကိုပိုင်ဆိုင်ချင်တာမဟုတ်ဘူး မင်းနှလုံးသားကိုပိုင်ဆိုင်ချင်တာ